కడియం కావ్యను ఆశీర్వదించండి

l బీజేపీ అరాచకాలను అడ్డుకోవాలంటే కాంగ్రెస్ గెలవాలి 

l మాజీ ఉప ముఖ్యమంత్రి కడియం శ్రీహరి

వరంగల్, ఏప్రిల్18 (విజయక్రాం తి): వరంగల్ పార్లమెంట్ స్థానం నుంచి కాంగ్రెస్ అభ్యర్థిగా పోటీ చేస్తు న్న డాక్టర్ కావ్యను నిండు మనుసుతో ఆశీర్వదించాలని మాజీ ఉప ముఖ్యమంత్రి, స్టేషన్ ఘన్‌పూర్ ఎమ్మెల్యే కడియం శ్రీహరి కోరారు. వరంగల్‌లో గురువారం జరిగిన వర్ధన్నపేట నియోజకవర్గస్థాయి కాంగ్రెస్ సన్నాహక సమావేశంలో కడియం మాట్లాడుతూ.. వర్ధన్నపేటకు చెందిన వ్యక్తినే అయి నప్పటికీ అక్కడి నుంచి పోటీ చేసే అవకాశం రాకున్నా అభివృద్ధిలో మాత్రం తన పాత్ర ఉన్నదని చెప్పారు. రాజకీయాల్లోకి సేవ చేయడానికి రావాలే తప్ప వ్యాపారం కోసం కాదని పేర్కొన్నారు.

ఇటీవల శాసనసభ ఎన్నికలలో ప్రజలిచ్చిన తీర్పుకు చిన్న మెదడు చిట్లిపోయిన వ్యక్తులు కావ్య నాన్‌లోకల్ అంటూ పిచ్చిపిచ్చిగా మాట్లాడుతున్నారని విమర్శించారు. వందల ఎక రాల భమూలు అక్రమంగా సంపాదించుకున్న వ్యక్తి రమేశ్ అని ఆరోపించారు. అందుకే శాసనసభ ఎన్నికలలో చావుదెబ్బ తిన్నారని ఎద్దేవాచేశారు. దేశంలో బీజేపీ అరాచకాలను అడ్డుకోవాలంటే కాంగ్రెస్‌ను గెలిపించాలని పిలుపునిచ్చారు. బీజేపీ పాలనలో అన్ని వర్గాల మీద దాడులు జరుగుతున్నాయన్నారు.

మరోసారి బీజేపీ అధికారంలోకి వస్తే రాజ్యాంగం రద్దు చేస్తామని బహిరంగంగా ప్రకటించడమే కాకుండా లౌకిక వాదం లేకుండా పోయే ప్రమాదమున్న నేపథ్యంలో ప్రజలు కాంగ్రెస్‌ను గెలిపించాలని విజ్ఞప్తిచేశారు. అనంతరం కాంగ్రె స్ ఎంపీ అభ్యర్థి డాక్టర్ కడియం కావ్య మాట్లాడుతూ.. బీజేపీ గత పదేండ్లలో చేసిన అభివృద్ధి ఏమిటో చెప్పాలని డిమాండ్ చేశారు. తనను నాన్‌లోకల్ అంటున్న భూ బకాసురుడు రమేశ్‌ను, బీజేపీని పార్లమెంట్ ఎన్నికల్లో పాతాళంలోకి తొక్కాలని కోరారు. కార్యక్రమంలో ఎమ్మెల్యేలు నాగరాజు, రాజేందర్‌రెడ్డి, సత్యనారాయణరావు, యశస్వినిరెడ్డి, ఎంపీ పసునూరి దయాకర్, రాష్ట్ర గ్రంథాలయ సంస్థ చైర్మన్ రియాజ్, వరంగల్ జిల్లా కాం గ్రెస్ అధ్యక్షురాలు ఎర్రబెల్లి స్వర్ణ తదితరులు పాల్గొన్నారు.