1. తెలంగాణ హైకోర్టు నూతన ప్రధాన న్యాయమూర్తిగా జస్టిస్ అపరేష్ కుమార్ సింగ్.
2. హైకోర్టు సీజేగా ప్రమాణం చేసిన జస్టిస్ అపరేష్ సింగ్.
4. జస్టిస్ అపరేష్ కుమార్ సింగ్ ప్రమాణస్వీకారానికి హాజరైన సీఎం .

హైదరాబాద్: తెలంగాణ హైకోర్టు( Telangana High Court) ప్రధాన న్యాయమూర్తిగా జస్టిస్ అపరేష్ కుమార్ సింగ్(Justice Aparesh Singh Sworn) శనివారం హైదరాబాద్‌లోని రాజ్ భవన్‌లో ప్రమాణ స్వీకారం చేశారు. గవర్నర్ జిష్ణు దేవ్ వర్మ ఆయనతో ప్రమాణ స్వీకారం చేయించారు. ఈ కార్యక్రమంలో ముఖ్యమంత్రి ఎ. రేవంత్ రెడ్డి(Chief Minister Revanth Reddy), ఆయన మంత్రివర్గ సహచరులు పాల్గొన్నారు.

అసెంబ్లీ స్పీకర్ గడ్డం ప్రసాద్ కుమార్, శాసనమండలి చైర్మన్ గుత్తా సుఖేందర్ రెడ్డి, ఉప ముఖ్యమంత్రి భట్టి విక్రమార్క, హైకోర్టు న్యాయమూర్తులు, డీజీపీ, సీపీలు పాల్గొన్నారు. కలకత్తా హైకోర్టుకు బదిలీ అయిన జస్టిస్ సుజోయ్ పాల్ స్థానంలో జస్టిస్ అపరేష్ కుమార్ సింగ్ నియమితులవుతారు. ఆయన ఏప్రిల్ 17, 2023 నుండి త్రిపుర హైకోర్టు(Tripura High Court) ప్రధాన న్యాయమూర్తిగా పనిచేశారు. గతంలో, ఆయన జార్ఖండ్ హైకోర్టు తాత్కాలిక ప్రధాన న్యాయమూర్తిగా పనిచేశారు. జనవరి 2012లో జార్ఖండ్ హైకోర్టు అదనపు న్యాయమూర్తిగా నియమితులయ్యారు. జనవరి 2014లో శాశ్వత న్యాయమూర్తిగా నియమితులయ్యారు. జస్టిస్ అపరేష్ కుమార్ సింగ్ న్యాయవాద ప్రముఖుల కుటుంబం నుండి వచ్చారు.