calender_icon.png 20 July, 2025 | 8:50 PM

  • top-fb.png
  • top-tw.png
  • top-insta.png
  • top-yt.png

కోదాడలో ఆగస్టు మూడో తేదీన ముత్యాలమ్మ(బోనాలు) పండుగ

20-07-2025 04:29:53 PM

కోదాడ: కోదాడ పట్టణంలో ఆగస్టు 3వ తేదీన ముత్యాలమ్మ(బోనాలు) పండుగ నిర్వహిస్తున్నట్లు ముత్యాలమ్మ కమిటీ, రైతు కమిటీ పట్టణ పెద్దలు ఏకగ్రీవంగా నిర్ణయించారు. ఆదివారం పట్టణంలోని ముత్యాలమ్మ తల్లి దేవాలయం(Muthyalamma Temple)లో ముత్యాలమ్మ కమిటీ, రైతు కమిటీ, పట్టణ పెద్దలు ఆధ్వర్యంలో సమావేశం నిర్వహించారు. ప్రతియేటా శ్రావణ మాసం రెండవ ఆదివారం ముత్యాలమ్మ పండుగ నిర్వహించే విధంగానే నిర్వహిస్తున్నట్లు తెలిపారు. పట్టణంలోని ప్రజలందరూ సహకరించాలని వారు కోరారు. పట్టణ ప్రజలు బోనాలు సమర్పించి తమ మొక్కులను తీర్చుకోవాల్సిందిగా వారు కోరారు. ఈ కార్యక్రమంలో పట్టణ పెద్దలు, ఆలయ కమిటీ సభ్యులు పాల్గొన్నారు.