Breaking News

పంటలు ఎండుతుంటే.. ఇతర రాష్ట్రాలకు ఇస్తారా • ఢిల్లీలో హైటెన్షన్‌... బారికేడ్లు ఎక్కిన రాహుల్‌ • రాజ్యసభ బరిలో దినేష్ ఆర్య.. నామినేషన్ దాఖలు • నిజామాబాద్‌లో హైటెన్షన్..ఎమ్మెల్యే అరెస్ట్! • ఢిల్లీలో హైటెన్షన్.. ఎంపీల ర్యాలీ! • స్టేషనరీ పేరుతో బాణాసంచా స్మగ్లింగ్! • బెంగాల్‌ ఉప ఎన్నికల్లో హైటెన్షన్! • కరెంట్ బిల్లు మోత మోగనుందా? • దుకాణాల క్లోజింగ్‌.. హైకోర్టు సీరియస్ • ఈసీ ఆఫీస్‌ వద్ద టెన్షన్‌..మీడియాకు నో ఎంట్రీ •

Districts - Mahabubabad

తొలి బేరం అ‘ధర’హో.!

కేసముద్రం: వానాకాలంలో పండించిన మక్కజొన్న పంట దిగుబడి రైతులకు సిరులు కురిపిస్తోంది. కేసముద్రం వ్యవసాయ మార్కెట్‌లో సోమవారం మక్కజొన్న విక్రయాలు ప్రారంభమయ్యాయి. మార్కెట్‌కు 1500 బస్తాల మక్కజొన్నలను రైతులు విక్రయానికి తీసుకురాగా, క్వింటాలుకు గరిష్టంగా రూ.2,618 ధర లభించింది. ప్రభుత్వం ప్రకటించిన మద్దతు ధర రూ.2,410 కంటే ఎక్కువ ధర పలకడంతో రైతులు ఆనందం వ్యక్తం చేశారు.

05-10-2026 | 03:59pm

రైతు బజారుగా కేసముద్రం మార్కెట్..!

కేసముద్రం: మహబూబాబాద్ జిల్లా కేసముద్రం వ్యవసాయ మార్కెట్‌లో ఆహార పదార్థాల కల్తీ భయంతో వినియోగదారులు నేరుగా రైతుల వద్దకు వెళ్లి పంటలను కొనుగోలు చేస్తున్నారు. వ్యాపారులు రాకముందే వేరుశనగ, పెసర్లు, కందులు వంటి పంటలు అమ్ముడవుతున్నాయి. దీనివల్ల రైతులకు గిట్టుబాటు ధర లభిస్తుండగా, వినియోగదారులకు నాణ్యమైన, తాజా ఉత్పత్తులు అందుబాటులోకి వస్తున్నాయని అక్టోబర్ 4న వెల్లడించారు. ఈ వినూత్న కొనుగోలు ధోరణి రైతు బజార్ తరహా విధానానికి అవకాశం కల్పిస్తోంది.

05-10-2026 | 05:30am

మార్కెట్‌ కమిటీకి ఎక్స్‌టెన్షన్‌

మహబూబాబాద్: కేసముద్రం వ్యవసాయ మార్కెట్ పాలకమండలి పదవీకాలాన్ని ప్రభుత్వం మరో ఆరు నెలల పాటు పొడిగించింది. గత ఏడాది సెప్టెంబర్‌లో నియమించిన చైర్మన్ గంట సంజీవరెడ్డితో కూడిన ప్రస్తుత పాలకమండలి పదవీకాలం ఈ ఏడాది సెప్టెంబర్ 19తో ముగిసింది. ఈ పొడిగింపుతో పాలకమండలి పరిపాలనా, మార్కెటింగ్ కార్యకలాపాలను యథావిధిగా కొనసాగించనుంది. ఆరు నెలల తర్వాత పాలకమండలి భవిష్యత్తుపై ప్రభుత్వం నిర్ణయం తీసుకుంటుందని అధికారులు వెల్లడించారు.

04-10-2026 | 12:25pm

కేసముద్రంలో ఘనంగా "సేవా సంకల్ప్ అభియాన్"

మహబూబాబాద్: ప్రధానమంత్రి నరేంద్ర మోడీ ప్రజా జీవితంలో 25 సంవత్సరాలు పూర్తి చేసుకున్న సందర్భంగా భారతీయ జనతా యువమోర్చా, భారతీయ జనతా పార్టీ కేసముద్రం మండల శాఖలు సంయుక్తంగా "సేవా సంకల్ప్ అభియాన్"లో భాగంగా రక్తదాన శిబిరాన్ని నిర్వహించాయి. ఈ శిబిరంలో 40 మంది యువకులు రక్తదానం చేసినట్లు తెలిసింది. ఈ కార్యక్రమంలో పార్టీ శ్రేణులు, వైద్యులు, వివిధ శాఖల అధికారులు పాల్గొన్నారు.

03-10-2026 | 11:01pm

నార్కోటిక్ డాగ్‌తో విస్తృత తనిఖీలు

మహబూబాబాద్: మహబూబాబాద్ పట్టణంలో గంజాయి, ఇతర మత్తు పదార్థాల అక్రమ రవాణా, నిల్వ, విక్రయాలను అరికట్టేందుకు టౌన్ పోలీసులు శనివారం నార్కోటిక్ డాగ్ సహాయంతో విస్తృతంగా ప్రత్యేక తనిఖీలు నిర్వహించారు. రైల్వే స్టేషన్, ఆర్టీసీ బస్టాండ్, ఎఫ్ ఆర్ వో సెంటర్, నెహ్రూ సెంటర్, ఎం ఆర్ వో సెంటర్, తొర్రూర్ బస్టాండ్ ప్రాంతాలతో పాటు పలు అనుమానాస్పద ప్రాంతాల్లో సోదాలు చేపట్టారు. గంజాయి, డ్రగ్స్ అక్రమ రవాణా, నిల్వ, విక్రయాలపై కఠిన చర్యలు తీసుకుంటామని ఇన్‌స్పెక్టర్ రఘుపతి రెడ్డి హెచ్చరించారు.

03-10-2026 | 10:11pm

పోలీస్ స్పోర్ట్స్ మీట్‌లో సత్తా చాటిన డీఎస్పీలు

మహబూబాబాద్: తెలంగాణ పోలీస్ అకాడమీ, హైదరాబాద్‌లో జరిగిన 5వ తెలంగాణ పోలీస్ స్పోర్ట్స్ మీట్‌లో మహబూబాబాద్ జిల్లా పోలీసు కార్యాలయంలో పనిచేస్తున్న ఏఆర్ డీఎస్పీలు శ్రీనివాస్, విజయ్ ప్రతాప్ టెన్నిస్ పోటీల్లో ఒక బంగారు, రెండు రజత పతకాలు సాధించారు. సెప్టెంబర్ 27 నుంచి 30 వరకు జరిగిన ఈ పోటీల్లో డబుల్స్‌లో స్వర్ణం, ఓపెన్ సింగిల్స్, ఓపెన్ డబుల్స్‌లో రజతం గెలుచుకున్నారు. ఈ సందర్భంగా జిల్లా ఎస్పీ డాక్టర్ శబరీష్ వారిని అభినందించారు.

03-10-2026 | 08:44pm

నగర అభివృద్ధికి పెద్దపీట

మహబూబ్‌నగర్: నగరాన్ని అన్ని రంగాల్లో ఆదర్శవంతంగా అభివృద్ధి చేయడమే ప్రజా ప్రభుత్వ లక్ష్యమని ప్రభుత్వ విప్, మహబూబ్‌నగర్ ఎమ్మెల్యే యెన్నం శ్రీనివాస్ రెడ్డి అన్నారు. నగరంలోని 4వ డివిజన్ అంబటిపల్లిలో యూఐడీఎఫ్ నిధులు రూ.50 లక్షలతో చేపట్టనున్న వీడీసీసీ రోడ్డు నిర్మాణ పనులకు ఆయన శంకుస్థాపన చేశారు. నాణ్యతా ప్రమాణాలతో పనులు చేపట్టాలని, నిర్ణీత గడువులోగా పూర్తి చేయాలని అధికారులను ఆదేశించారు. ఈ రోడ్డు నిర్మాణం స్థానిక ప్రజలకు మెరుగైన రవాణా సౌకర్యాన్ని అందిస్తుందని వెల్లడించారు.

03-10-2026 | 02:24pm

ప్రజల మనిషి ఇక లేరు

మహమ్మదాబాద్: మండలంలోని మంగంపేట తండాకు చెందిన సీనియర్ కార్యకర్త ఎం. లింగ్యా నాయక్ మృతి చెందారు. ఈ విషయం తెలుసుకున్న పరిగి మాజీ ఎమ్మెల్యే కొప్పుల మహేష్ రెడ్డి, లింగ్యా నాయక్ పార్థివదేహానికి పూలమాల వేసి నివాళులర్పించారు. లింగ్యా నాయక్ ప్రజల మనిషిగా, గిరిజనుల అభ్యున్నతికి కృషి చేసిన వ్యక్తిగా గుర్తుండిపోతారని మహేష్ రెడ్డి పేర్కొన్నారు. ఆయన మృతి పార్టీకి తీరని లోటని చెబుతూ, కుటుంబ సభ్యులకు ప్రగాఢ సానుభూతి తెలిపారు. ఈ కార్యక్రమంలో పలువురు నాయకులు, గ్రామస్థులు పాల్గొన్నారు.

03-10-2026 | 11:55am

తొలగుతున్న అడ్డంకులు..

కేసముద్రం: మహబూబాబాద్ జిల్లాలోని కేసముద్రం మున్సిపాలిటీలో రోడ్ల విస్తరణ పనులకు అడ్డంకులు తొలగిపోతున్నాయి. రాజ్యసభ సభ్యుడు వేం నరేందర్ రెడ్డి కృషితో వందల కోట్ల రూపాయల నిధులు మంజూరయ్యాయి. కోరుకొండపల్లి క్రాస్ రోడ్డు నుండి అంబేద్కర్ సెంటర్ వరకు, ఇతర ప్రధాన మార్గాల్లో రోడ్ల వెడల్పు, డివైడర్లు, సెంట్రల్ లైటింగ్, డ్రైనేజీ వ్యవస్థ పనులు చేపట్టారు. కొందరు స్వచ్ఛందంగా తమ ఆస్తులను తొలగించి అభివృద్ధికి సహకరిస్తున్నారు. దసరా నాటికి సెంట్రల్ లైటింగ్ పనులు పూర్తి చేయాలని లక్ష్యంగా పెట్టుకున్నారు.

03-10-2026 | 05:25am

ఆరోగ్యమే మహాభాగ్యం

మహమ్మదాబాద్,సెప్టెంబర్ 30(విజయక్రాంతి): మండల పరిధిలోని రుసుంపల్లి గ్రామంలో మహమ్మదాబాద్ (𝗣𝗛𝗖) ప్రైమరీ హెల్త్ సెంటర్. వైద్యుల ఆధ్వర్యంలో బుధవారం గ్రామ పంచాయతీ కార్యాలయం సమీపంలో ఉచిత వైద్య శిబిరం నిర్వహించారు. ఈ శిబిరంలో గ్రామ ప్రజలకు వివిధ వైద్య పరీక్షలు నిర్వహించి, అవసరమైన వారికి ఉచితంగా మందులు పంపిణీ చేశారు. ఈ సందర్భంగా పల్లె దవఖాన వైద్యులు.నిఖిల్ రెడ్డి, గ్రామస్తులకు ఆరోగ్య పరిరక్షణపై పలు సూచనలు చేశారు

01-10-2026 | 11:38am

కిం కర్తవ్యం! గెలిచి ఏం ఫాయిదా?

కేసముద్రం: గ్రామపంచాయతీ నుంచి మున్సిపాలిటీగా మారిన కేసముద్రంలో కౌన్సిలర్లు అయోమయంలో ఉన్నారు. ఎన్నికై ఎనిమిది నెలలు గడుస్తున్నా తమ వార్డుల్లో ఎలాంటి అభివృద్ధి పనులు చేయలేకపోయామని, లక్షల రూపాయలు ఖర్చుపెట్టి గెలిచినా ప్రయోజనం లేదని వాపోతున్నారు. రూ.62 కోట్ల అభివృద్ధి పనులు టెండర్ల ద్వారా జరుగుతుండటంతో కౌన్సిలర్లకు ప్రాధాన్యం లేకుండా పోయింది. చిన్న పనులు కూడా చేయలేకపోవడంతో గ్రామపంచాయతీగా ఉన్నప్పుడే బాగుండేదని ఆవేదన వ్యక్తం చేస్తున్నారు. కౌన్సిలర్ల పదవి కేవలం అలంకారప్రాయంగా మారిందని పలువురు పేర్కొన్నారు.

01-10-2026 | 05:05am

స్మార్ట్ రేషన్ కార్డుల.. సులభ సేవలు

మహమ్మదాబాద్,సెప్టెంబర్ 30(విజయక్రాంతి):మహమ్మదాబాద్ మండలం నంచర్ల గ్రామంలో స్మార్ట్ రేషన్ కార్డుల పంపిణీ కార్యక్రమం బుధవారం జరిగింది. పరిగి ఎమ్మెల్యే డాక్టర్ టి. రామ్మోహన్ రెడ్డి లబ్ధిదారులకు కార్డులు అందజేశారు. స్మార్ట్ రేషన్ కార్డులతో ప్రభుత్వ సేవలు మరింత సులభంగా, పారదర్శకంగా అందుతాయని తెలిపారు. అర్హులైన ప్రతి కుటుంబం సంక్షేమ పథకాలను సద్వినియోగం చేసుకోవాలని సూచించారు. అధికారులు, ప్రజాప్రతినిధులు పాల్గొన్నారు.

30-09-2026 | 11:55am

ఆలయ అడుగున రిటైనింగ్ వాల్

మహబూబాబాద్: కాట్రపల్లిలోని శిథిలావస్థకు చేరిన కాకతీయుల నాటి శివ కోటేశ్వరాలయ పునరుద్ధరణ పనులు వేగంగా సాగుతున్నాయి. రాజ్యసభ సభ్యుడు వేం నరేందర్ రెడ్డి రూ.4.50 కోట్లు మంజూరు చేయించగా, పాత నిర్మాణం తొలగించి కొత్త పనులు చేపట్టారు. ప్రస్తుతం రిటైనింగ్ వాల్ నిర్మాణం జరుగుతోంది. నాణ్యతకు ప్రాధాన్యమిస్తూ, పర్యవేక్షణకు కమిటీని ఏర్పాటు చేసినట్లు ఆలయ చైర్మన్ వెల్లడించారు. పునరుద్ధరణతో ఆలయం మళ్లీ ఆకర్షణగా నిలుస్తుందని స్థానికులు ఆశాభావం వ్యక్తం చేశారు.

29-09-2026 | 11:36am

బోనస్ సీలింగ్ ఎత్తేయాలి

మహబూబాబాద్: రైల్వే కార్మికుల సమస్యలను తక్షణమే పరిష్కరించాలని, బోనస్‌పై ఉన్న సీలింగ్‌ను తొలగించాలని డిమాండ్ చేస్తూ మజ్దూర్ యూనియన్ ఆధ్వర్యంలో మహబూబాబాద్‌లో ఆందోళన చేపట్టారు. ఎస్‌సీఆర్‌ఎంయూ వరంగల్ బ్రాంచ్ సెక్రెటరీ యుగంధర్ యాదవ్ నేతృత్వంలో జరిగిన ఈ నిరసనలో, అదనపు పనిభారం తగ్గించడం, సురక్షిత పని వాతావరణం, ఖాళీ పోస్టుల భర్తీ, రైల్వే ఆసుపత్రుల్లో సిబ్బంది నియామకం వంటి అనేక డిమాండ్లు లేవనెత్తారు. ముఖ్యంగా, PLBపై ఉన్న ₹7,000 గరిష్ట పరిమితిని ఎత్తివేసి, వాస్తవ వేతనాల ఆధారంగా చెల్లించాలని యూనియన్ నాయకులు వెల్లడించారు. డిమాండ్లు నెరవేర్చకపోతే ఆందోళనలు మరింత తీవ్రతరం చేస్తామని హెచ్చరించారు.

29-09-2026 | 11:23am