Breaking News

ఢిల్లీలో హైటెన్షన్‌... బారికేడ్లు ఎక్కిన రాహుల్‌ • రాజ్యసభ బరిలో దినేష్ ఆర్య.. నామినేషన్ దాఖలు • నిజామాబాద్‌లో హైటెన్షన్..ఎమ్మెల్యే అరెస్ట్! • ఢిల్లీలో హైటెన్షన్.. ఎంపీల ర్యాలీ! • స్టేషనరీ పేరుతో బాణాసంచా స్మగ్లింగ్! • బెంగాల్‌ ఉప ఎన్నికల్లో హైటెన్షన్! • కరెంట్ బిల్లు మోత మోగనుందా? • దుకాణాల క్లోజింగ్‌.. హైకోర్టు సీరియస్ • ఈసీ ఆఫీస్‌ వద్ద టెన్షన్‌..మీడియాకు నో ఎంట్రీ • శంషాబాద్ ఎయిర్‌పోర్టులో బుల్లెట్ కలకలం •

Districts - Khammam

గ్రామ పంచాయతీలో అఖిల పక్ష సమావేశం

ముదిగొండ: కేంద్ర ప్రభుత్వం నిర్వహిస్తున్న ఎస్‌ఐఆర్‌ ప్రక్రియపై అభ్యంతరాలు వ్యక్తం చేస్తూ, భారత ఎన్నికల సంఘం కమిషనర్‌ జ్ఞానేష్‌ కుమార్‌ రాజీనామా చేయాలని డిమాండ్‌ చేస్తూ ముదిగొండ గ్రామపంచాయతీ కార్యాలయంలో అఖిలపక్ష సమావేశం నిర్వహించారు. ఈ నెల 8న ఖమ్మం కలెక్టర్‌కు వినతిపత్రం అందజేయాలని నిర్ణయించారు. ఎస్‌ఐఆర్‌ ప్రక్రియపై ప్రజలకు ఇబ్బందులు కలగకుండా చర్యలు తీసుకోవాలని నాయకులు డిమాండ్‌ చేశారు. ఈ కార్యక్రమంలో వివిధ పార్టీల నాయకులు పాల్గొన్నారు.

06-10-2026 | 12:05am

బీటీ రోడ్డు పనులకు శంకుస్థాపన

ఖమ్మం: తెలంగాణ రాష్ట్రంలో రేవంత్ రెడ్డి నాయకత్వంలోని కాంగ్రెస్ ప్రభుత్వం పేదల సంక్షేమం, సమగ్ర అభివృద్ధే ధ్యేయంగా పనిచేస్తోందని రాష్ట్ర వ్యవసాయ మంత్రి తుమ్మల నాగేశ్వరరావు అన్నారు. నగరంలోని 48వ డివిజన్‌లో రూ.1.80 కోట్ల వ్యయంతో బీటీ రోడ్డు నిర్మాణ పనులకు ఆయన శంకుస్థాపన చేశారు. అర్హులైన నిరుపేదలకు కళ్యాణలక్ష్మి, సీఎం రిలీఫ్ ఫండ్, ఇందిరమ్మ ఇళ్లు వంటి ప్రభుత్వ పథకాలు అందాలని, విద్య, వైద్య రంగాలకు ప్రత్యేక ప్రాధాన్యత ఇస్తున్నామని మంత్రి వెల్లడించారు.

05-10-2026 | 09:36pm

అర్హులైన ప్రతి పేద కుటుంబానికి ఇందిరమ్మ ఇల్లు ఇవ్వాలి

తిరుమలాయపాలెం: అర్హత కలిగిన ప్రతి పేద కుటుంబానికి ఇందిరమ్మ ఇల్లు మంజూరు చేయాలని సీపీఐ(ఎంఎల్) న్యూడెమోక్రసీ తిరుమలాయపాలెం మండల కార్యదర్శి గొర్రెపాటి రమేష్ డిమాండ్ చేశారు. పార్టీ, రాజకీయ అనుకూలతలకు కాకుండా నిజమైన అర్హత ఆధారంగా లబ్ధిదారులను ఎంపిక చేయాలని ఆయన కోరారు. కొన్ని గ్రామాల్లో నాయకులు తమకు అనుకూలమైన వారికే ఇళ్లు దక్కేలా వ్యవహరిస్తున్నారని, అధికారులు పారదర్శకంగా అర్హులను గుర్తించాలని రమేష్ హెచ్చరించారు. లేనిపక్షంలో మండలవ్యాప్తంగా ఆందోళనలు చేపడతామని వెల్లడించారు.

05-10-2026 | 08:14pm

తప్పు చేసిన అధికారులకు తిప్పలు.. తప్పవా?

సింగరేణి: రైల్వే పరిహారాన్ని ఫలహారంగా మార్చారనే ఆరోపణలు ఎదుర్కొంటున్న సింగరేణి గ్రామపంచాయితీ కార్యదర్శి, గ్రామ పాలన రెవెన్యూ అధికారిపై జిల్లా అధికారుల విచారణ కొనసాగుతోంది. విజయ క్రాంతి దినపత్రికలో ప్రచురితమైన కథనాలపై జిల్లా అధికారులు దృష్టి సారించినట్లు తెలిసింది. క్షేత్రస్థాయి విచారణ ఆధారంగానే ప్రభుత్వ పరిహారం అందజేయాల్సి ఉండగా, అధికారులు తప్పులకు పాల్పడ్డారనే అనుమానాలు వ్యక్తమవుతున్నాయి. విచారణ అనంతరం చర్యలు తప్పవని మండలంలో చర్చ జరుగుతోంది.

05-10-2026 | 08:06pm

రోడ్డు నిర్మాణ పనులు పూర్తయ్యేదెప్పుడో..?

చుంచుపల్లి: శేషగిరి నగర్ వాసులు మూడేళ్లుగా రోడ్డు నిర్మాణం కోసం ఎదురుచూస్తున్నామని, పాత రోడ్డును తవ్వి వదిలేయడంతో దుమ్ము కారణంగా శ్వాసకోశ వ్యాధులు వస్తున్నాయని ఆందోళన వ్యక్తం చేస్తూ బైపాస్ రోడ్డుపై సోమవారం రెండు గంటల పాటు ధర్నా నిర్వహించారు. టిఆర్ఎస్ జిల్లా ఇన్‌చార్జి డి. వీరన్న మద్దతు తెలిపారు. 1 టౌన్ సీఐ కరుణాకర్ నచ్చజెప్పడంతో ఆందోళన విరమించారు. ఈ రాస్తారోకోలో 8వ వార్డు మెంబర్ ధర్మఘత్ శివలక్ష్మి, నాగమణి, దేవి, లలిత, మల్లికాంబ, కిషన్, రవీందర్ తదితరులు పాల్గొన్నారు.

05-10-2026 | 07:35pm

అమెరికాలో జిల్లా యువతి మృతి

ఖమ్మం: ఏదులాపురం మున్సిపాలిటీ పరిధిలోని సింహాద్రి నగర్‌కు చెందిన దారం సుప్రియ అమెరికాలో రోడ్డు ప్రమాదంలో మృతి చెందడం పట్ల రాష్ట్ర మంత్రి పొంగులేటి శ్రీనివాసరెడ్డి తీవ్ర విచారం వ్యక్తం చేశారు. మృతదేహాన్ని త్వరగా భారత్‌కు తీసుకొచ్చేందుకు ముఖ్యమంత్రి దృష్టికి తీసుకెళ్లి చర్యలు తీసుకుంటున్నట్లు ఆయన వెల్లడించారు. మంత్రి సూచనల మేరకు క్యాంప్ కార్యాలయ ఇన్‌చార్జ్ దయాకర్‌రెడ్డి కుటుంబ సభ్యులను పరామర్శించి, ఖమ్మం ఎంపీ రఘురాం రెడ్డితో మాట్లాడించారు. కేంద్ర విదేశీ వ్యవహారాల మంత్రిత్వ శాఖతో సంప్రదింపులు జరుపుతున్నట్లు తెలిసింది.

05-10-2026 | 06:38pm

ప్రభుత్వ భూములను కాపాడాలి

తిరుమలాయపాలెం: కాకరవాయి గ్రామకంఠం ప్రభుత్వ భూములను ఆక్రమణల నుంచి కాపాడాలని, ఆక్రమణదారులపై చర్యలు తీసుకోవాలని ఏఐపీకేఎంఎస్ జిల్లా ప్రధాన కార్యదర్శి తిమ్మిడి హనుమంతరావు డిమాండ్ చేశారు. సోమవారం ఖమ్మం కలెక్టరేట్‌లో జరిగిన ప్రజావాణిలో అదనపు కలెక్టర్ శ్రీజకు ప్రతినిధి బృందం వినతిపత్రం అందజేసింది. బచ్చోడును నూతన మండల కేంద్రంగా ఏర్పాటు చేయాలని, అక్కడ ప్రభుత్వ రంగ ఎస్‌బీఐ శాఖను ఏర్పాటు చేయాలని కూడా కోరారు. బచ్చోడులో బ్యాంకు ఏర్పాటుపై ప్రజల నుంచి అభిప్రాయ సేకరణ చేస్తామని ఎస్‌బీఐ ప్రాంతీయ మేనేజర్ రామ్మూర్తి తెలిపినట్లు హనుమంతరావు పేర్కొన్నారు.

05-10-2026 | 05:05pm

బిఆర్ఎస్ పార్టీలో చేరిన కాంగ్రెస్ యువజన నాయకుడు

కూసుమంచి: లోక్యతండా కాంగ్రెస్ పార్టీ యువజన నాయకులు భూక్య నాగరాజు, ఎమ్మెల్సీ తాత మధుసూదన్, మాజీ ఎమ్మెల్యే కందాళ ఉపేందర్ రెడ్డి ఆధ్వర్యంలో బిఆర్ఎస్ పార్టీలో చేరారు. ఈ కార్యక్రమంలో మండల పార్టీ అధ్యక్షులు వేముల వీరయ్య, జిల్లా పార్టీ నాయకులు బాలాజీ, మండల పార్టీ ప్రధాన కార్యదర్శి ఆసిఫ్ పాషా పాల్గొన్నారు. ఈ చేరికతో బిఆర్ఎస్ పార్టీ మరింత బలోపేతం అయిందని తెలిసింది.

05-10-2026 | 04:55pm

ఉష మృతికి ఎమ్మెల్యే మట్టా రాగమయి నివాళి

సత్తుపల్లి: సీనియర్ జర్నలిస్ట్ ఎస్.కే ఖాదర్ బాబా సతీమణి, అంగన్వాడి టీచర్ ఉష హైదరాబాద్‌లోని ఓ ప్రైవేటు ఆసుపత్రిలో చికిత్స పొందుతూ ఆదివారం రాత్రి అనారోగ్యంతో మృతి చెందారు. సత్తుపల్లి శాసన సభ్యురాలు డాక్టర్ మట్టా రాగమయి దయానంద్ రాజీవ్ కాలనీలోని ఆమె స్వగృహానికి వెళ్లి మృతదేహానికి పూలమాలలు వేసి నివాళులర్పించారు. ఆమె కుటుంబ సభ్యులను ఓదార్చారు. మున్సిపల్ చైర్ పర్సన్ రెహనా కమల్, పట్టణ అధ్యక్షులు గాదె చెన్నారావుతో పాటు పలువురు సంతాపం వ్యక్తం చేశారు.

05-10-2026 | 04:15pm

25 కుటుంబాలు కాంగ్రెస్‌లోకి

తిరుమలాయపాలెం: తిరుమలాయపాలెం మండలం తెట్టెలపాడు గ్రామానికి చెందిన 25 కుటుంబాలు బీఆర్‌ఎస్‌, ఎంఎల్‌, టీడీపీ పార్టీలను వీడి కాంగ్రెస్‌లో చేరాయి. రాష్ట్ర రెవెన్యూ, గృహ నిర్మాణం, సమాచార శాఖల మంత్రి పొంగులేటి శ్రీనివాసరెడ్డి చేపడుతున్న అభివృద్ధి, సంక్షేమ కార్యక్రమాలకు ఆకర్షితులై కాంగ్రెస్‌లో చేరినట్లు వారు వెల్లడించారు. ఖమ్మంలోని మంత్రి క్యాంప్ కార్యాలయంలో తుంబూరు దయాకర్‌రెడ్డి వారికి కాంగ్రెస్‌ కండువాలు కప్పి ఆహ్వానించారు. కాంగ్రెస్ ప్రభుత్వం ప్రజా సంక్షేమానికి ప్రాధాన్యమిస్తోందని ఆయన పేర్కొన్నారు.

05-10-2026 | 03:39pm

హాట్ టాపిక్‌గా మారిన రైల్వే పరిహారం వ్యవహారం

సింగరేణి: రైల్వే డబుల్ లైన్ భూ నిర్వాసితులకు చెల్లించిన పరిహారంలో అక్రమాలు జరిగాయనే ఆరోపణలు సింగరేణి మండలంలో చర్చనీయాంశంగా మారాయి. ప్రభుత్వ భూముల్లో నివాసయోగ్యం కాని రేకుల షెడ్లకు ఇంటి నంబర్లు కేటాయించి ప్రభుత్వ ధనాన్ని దుర్వినియోగం చేశారని ఆరోపణలు వెల్లువెత్తుతున్నాయి. ఈ వ్యవహారంపై జిల్లా అధికారులు లోతైన విచారణ జరుపుతున్నారని తెలిసింది. మండల అధికారులు పంచాయతీ కార్యదర్శి వివరణ తీసుకుని జిల్లా అధికారులకు నివేదిక సమర్పించనున్నారు. తప్పు చేసిన అధికారులపై కఠిన చర్యలు తీసుకోవాలని గ్రామస్తులు కోరుతున్నారు.

05-10-2026 | 05:15am

JVR ప్రభుత్వ డిగ్రీ కళాశాల స్వర్ణోత్సవాలకు సన్నాహాలు

సత్తుపల్లి: JVR ప్రభుత్వ డిగ్రీ కళాశాల స్వర్ణోత్సవ సంబరాలను త్వరలో ఘనంగా నిర్వహించనున్నట్లు పూర్వ విద్యార్థి, కాంగ్రెస్ పార్టీ రాష్ట్ర నాయకులు డాక్టర్ మట్టా దయానంద్ విజయ్ కుమార్ తెలిపారు. 1976-2026 సంవత్సరాలను పురస్కరించుకుని ఈ వేడుకలు జరగనున్నాయి. ఈ నెల 18న జరిగే ముఖ్య సమావేశానికి పూర్వ విద్యార్థులు, అధ్యాపకులు, సిబ్బంది హాజరుకావాలని ఆయన కోరారు. అనంతరం, ఆయన ఒక పుట్టినరోజు వేడుకలో పాల్గొని, అనారోగ్యంతో ఉన్న ఎమ్మెల్యే డ్రైవర్ వంగల ప్రకాష్‌ను పరామర్శించారు.

04-10-2026 | 08:48pm

అభివృద్ధి పనులకు శంకుస్థాపన చేసిన భట్టి విక్రమార్క

ఎర్రుపాలెం: మండలంలో రూ. 12.89 కోట్ల అంచనా వ్యయంతో చేపట్టనున్న అభివృద్ధి పనులకు రాష్ట్ర ఉప ముఖ్యమంత్రి భట్టి విక్రమార్క, జిల్లా కలెక్టర్ టీఎస్ దివాకరతో కలిసి శంకుస్థాపనలు చేశారు. ఈ పనులలో బీటీ రహదారులు, ఎస్సీ కాలనీలలో సీసీ రోడ్ల నిర్మాణం ఉన్నాయి. అయితే, ఎన్టీఆర్ కాలనీ ప్రజలు తమకు మౌలిక సదుపాయాలు కల్పించాలని ఉప ముఖ్యమంత్రి కారును అడ్డుకుని నిరసన తెలిపారు. వారి సమస్యలను విన్న భట్టి విక్రమార్క పరిష్కరిస్తానని హామీ ఇచ్చారు.

04-10-2026 | 08:16pm

బాధిత కుటుంబాలకు అండగా ఉంటా

ఖమ్మం: కామంచికల్ రోడ్డు ప్రమాద బాధితులకు అండగా ఉంటానని, ప్రతి ఒక్కరిని ఆదుకుంటానని రాష్ట్ర రెవెన్యూ, గృహనిర్మాణ శాఖ మంత్రి పొంగులేటి శ్రీనివాసరెడ్డి భరోసా ఇచ్చారు. ఇటీవల ప్రమాదంలో మృతి చెందిన దొంతుసరుపు భారతమ్మ కుటుంబానికి రూ. 25 వేలు, గాయపడిన 11 మంది కూలీలకు రూ. 5 వేల చొప్పున ఆర్థిక సహాయం అందజేశారు. తీర్థాల గ్రామంలో మరణించిన బానోత్ శాంత, ఎస్ కే. అశ్వాన్, శీతల నాగరాజు కుటుంబాలను కూడా ఆయన పరామర్శించారు.

04-10-2026 | 05:04pm