Breaking News

పంటలు ఎండుతుంటే.. ఇతర రాష్ట్రాలకు ఇస్తారా • ఢిల్లీలో హైటెన్షన్‌... బారికేడ్లు ఎక్కిన రాహుల్‌ • రాజ్యసభ బరిలో దినేష్ ఆర్య.. నామినేషన్ దాఖలు • నిజామాబాద్‌లో హైటెన్షన్..ఎమ్మెల్యే అరెస్ట్! • ఢిల్లీలో హైటెన్షన్.. ఎంపీల ర్యాలీ! • స్టేషనరీ పేరుతో బాణాసంచా స్మగ్లింగ్! • బెంగాల్‌ ఉప ఎన్నికల్లో హైటెన్షన్! • కరెంట్ బిల్లు మోత మోగనుందా? • దుకాణాల క్లోజింగ్‌.. హైకోర్టు సీరియస్ • ఈసీ ఆఫీస్‌ వద్ద టెన్షన్‌..మీడియాకు నో ఎంట్రీ •

Business

ట్రెంట్ షేర్లకు డిమాండ్

ముంబై: రిటైల్ రంగంలోని ట్రెంట్ లిమిటెడ్ షేర్లు రెండో త్రైమాసికంలో 23 శాతం ఆదాయ వృద్ధిని నమోదు చేయడంతో భారీగా దూసుకెళ్లాయి. కంపెనీ ఆదాయం రూ.5,788 కోట్లకు చేరిన నేపథ్యంలో షేర్ ధర 10 శాతం అప్పర్ సర్క్యూట్‌ను తాకింది. ఇన్వెస్టర్లు ఇప్పుడు కొనుగోలు చేయాలా, హోల్డ్ చేయాలా లేదా లాభాలు నమోదు చేసుకోవాలా అనే అంశంపై దృష్టి సారిస్తున్నారని తెలిసింది.

06-10-2026 | 12:24pm

బంగారం దిగొచ్చింది.. వెండి కదల్లేదు!

దేశంలో మంగళవారం బంగారం ధరలు స్వల్పంగా తగ్గాయి. బులియన్ మార్కెట్‌లో 22 క్యారెట్ల 10 గ్రాముల బంగారం ధర రూ.150 తగ్గి రూ.1,36,600కు చేరింది. అదేవిధంగా, 24 క్యారెట్ల 10 గ్రాముల పసిడి ధర రూ.160 తగ్గి రూ.1,49,020 వద్ద కొనసాగుతోంది. వెండి ధర కిలో రూ.2,45,000 వద్ద స్థిరంగా ఉంది. తెలుగు రాష్ట్రాల్లోనూ ఇవే ధరలు అమల్లో ఉన్నట్లు మార్కెట్ వర్గాలు వెల్లడించాయి.

06-10-2026 | 10:17am

బుల్‌ రన్‌కు బిగినింగ్‌.. లాభాల్లో దేశీయ మార్కెట్లు

ముంబై: దేశీయ స్టాక్ మార్కెట్లు మంగళవారం లాభాలతో ప్రారంభమయ్యాయి. ఉదయం 9:20 గంటలకు సెన్సెక్స్ 125.53 పాయింట్లు పెరిగి 72,508.00 వద్ద, నిఫ్టీ 28.05 పాయింట్లు పెరిగి 22,583.80 వద్ద ట్రేడయ్యాయి. మీషో లిమిటెడ్, బీఎస్ఈ లిమిటెడ్, ఏంజెల్ వన్ లిమిటెడ్ టాప్ గెయినర్స్ కాగా, బెల్‌రైజ్ ఇండస్ట్రీస్ లిమిటెడ్, ఆదిత్య బిర్లా సన్ లైఫ్ ఏఎంసీ లిమిటెడ్, సైయంట్ లిమిటెడ్ టాప్ లూజర్స్ జాబితాలో నిలిచాయి.

06-10-2026 | 09:46am

భారత్, అమెరికా మధ్య ట్రేడ్ డీల్‌లో స్తబ్ధత

న్యూఢిల్లీ: భారత్, అమెరికా మధ్య కొనసాగుతున్న వాణిజ్య ఒప్పంద చర్చల్లో స్తబ్ధత నెలకొందని కేంద్ర ఆర్థిక మంత్రి నిర్మలా సీతారామన్ వెల్లడించారు. ఇరు దేశాలు పరస్పరం మరిన్ని రాయితీలు పొందడం దాదాపు అసాధ్యమని ఆమె అభిప్రాయపడ్డారు. సోమవారం ఢిల్లీలో జరిగిన బిజినెస్ లీడర్స్ సదస్సులో మాట్లాడుతూ, చర్చల్లో పెద్దగా పురోగతి లేదని, అమెరికా టారిఫ్‌లను ఆయుధంగా వాడుకుంటుందని పేర్కొన్నారు. అయితే, సంప్రదింపులు కొనసాగుతాయని తెలిపారు.

06-10-2026 | 05:30am

మార్కెట్ క్లోజింగ్ అదుర్స్

ముంబయి: దేశీయ స్టాక్ మార్కెట్ ట్రేడింగ్ సెషన్ ఉత్సాహంగా ముగిసింది. కొనుగోళ్ల మద్దతుతో ప్రధాన సూచీలు లాభాల బాట పట్టాయి. BSE సెన్సెక్స్ 472 పాయింట్లు లాభపడగా, నిఫ్టీ 50 కూడా 133 పాయింట్లు పెరిగి లాభాల్లో స్థిరపడింది. వరుస ఒడిదుడుకుల మధ్య మార్కెట్‌లో కనిపించిన ఈ రికవరీ ఇన్వెస్టర్లకు కొంత ఊరటనిచ్చింది. అంతర్జాతీయ మార్కెట్ల పరిణామాలు తదుపరి ట్రెండ్‌పై ప్రభావం చూపనున్నాయి.

05-10-2026 | 03:48pm

ప్రయాణికులకు బ్యాడ్ న్యూస్

న్యూఢిల్లీ: ఇండిగో విమాన ప్రయాణికులకు అక్టోబర్ 6 నుంచి అదనపు భారం పడనుంది. పెరుగుతున్న ఏవియేషన్ టర్బైన్ ఫ్యూయల్ (ATF) ధరల కారణంగా దేశీయ, అంతర్జాతీయ విమానాలపై ఫ్యూయల్ సర్‌చార్జ్ పెంచుతున్నట్లు ఇండిగో ప్రకటించింది. దేశీయ విమానాలకు దూరాన్ని బట్టి ఒక్కో ప్రయాణంపై కనీసం రూ.100 నుంచి గరిష్ఠంగా రూ.350 వరకు అదనపు ఛార్జీ విధించనున్నారు. ఈ నిర్ణయం కొత్తగా టికెట్లు బుక్ చేసుకునే ప్రయాణికులపై ప్రభావం చూపనుంది.

05-10-2026 | 02:17pm

ఈ స్టాక్స్‌పై అందరి చూపు

ముంబై: అక్టోబర్ 5న దేశీయ స్టాక్ మార్కెట్‌లో HDFC Bank, Manipal Payment, Pranav Constructions, DLF, Aurobindo Pharma, Knack Packaging, TCS, Hindalco, Bajaj Finance వంటి షేర్లు కీలక పరిణామాలతో ట్రేడింగ్‌లో నిలిచాయి. HDFC బ్యాంక్ తదుపరి MD & CEOగా అనుప్ బాగ్చీ నియామకానికి RBI ఆమోదం తెలిపింది. DLF గురుగ్రామ్‌లోని లగ్జరీ ప్రాజెక్ట్ ద్వారా రూ.1,985 కోట్ల విక్రయాలు నమోదు చేసింది. Knack Packagingకు రూ.150 కోట్ల ఆర్డర్ లభించింది. Bajaj Finance రూ.11,700 కోట్ల QIPకి ఆమోదం తెలిపింది.

05-10-2026 | 11:49am

గోల్డ్ రేట్లు స్టేబుల్..ఇవాళ్టి ధరలివే!

హైదరాబాద్: గత కొన్ని రోజులుగా హెచ్చుతగ్గులకు లోనైన బంగారం, వెండి ధరలు సోమవారం స్థిరంగా కొనసాగుతున్నాయి. అక్టోబర్ 5న హైదరాబాద్‌తో పాటు తెలంగాణలో బంగారం ధరల్లో ఎలాంటి మార్పు కనిపించలేదు. 10 గ్రాముల 24 క్యారెట్ల బంగారం ధర రూ.1,49,180గా ఉంది. 22 క్యారెట్ల బంగారం రూ.1,36,750, 18 క్యారెట్ల బంగారం రూ.1,11,890గా కొనసాగుతోంది. కిలో వెండి రూ.2,35,000గా ఉంది.

05-10-2026 | 11:37am

మార్కెట్లలో జోష్.. సెన్సెక్స్ 600

ముంబై: దేశీయ స్టాక్ మార్కెట్లు లాభాల్లో కొనసాగుతున్నాయి. ఉదయం ట్రేడింగ్‌లో సెన్సెక్స్‌ 600 పాయింట్లకు పైగా, నిఫ్టీ 180 పాయింట్లకు పైగా లాభంతో ట్రేడవుతున్నాయి. మార్కెట్లలో కొనుగోళ్ల జోరు కొనసాగుతుండటంతో ప్రధాన సూచీలు సానుకూలంగా కదులుతున్నాయి. దీంతో ఇన్వెస్టర్లలో మార్కెట్‌పై ఉత్సాహం నెలకొన్నట్లు తెలిసింది.

05-10-2026 | 10:36am

రీఛార్జ్‌తో భారీ బెనిఫిట్

ప్రైవేట్ టెలికాం కంపెనీలు రీఛార్జ్ ధరలు పెంచుతున్న వేళ BSNL అదిరిపోయే ఆఫర్ తీసుకొచ్చింది. STV 202, STV 2449 ప్లాన్లపై అదనపు ప్రీమియం లేకుండానే రూ.1 లక్ష వ్యక్తిగత ప్రమాద బీమా, రూ.10 వేల సైబర్ మోసం కవరేజ్ అందిస్తోంది. ది ఓరియంటల్ ఇన్సూరెన్స్ కంపెనీతో కలిసి అందిస్తున్న ఈ ప్రయోజనాలు రీఛార్జ్ చేసిన 24 గంటల్లో ఆటోమేటిక్‌గా యాక్టివేట్ అవుతాయి.

05-10-2026 | 07:43am

ఆర్చర్ శ్రీ గణేష్ మణిరత్నంకు హిందుస్థాన్ కోకా-కోలా మద్ధతు

తిరుపతి: 20వ ఆసియా క్రీడలు (ఐచి-నగోయా 2026)కు ముందు హిందుస్థాన్ కోకా-కోలా బెవరేజెస్ (HCCB) ప్రెసిషన్ ఆర్చరీ పరికరాలను అందించిన తిరుపతి ఆర్చర్ శ్రీ గణేష్ మణి రత్నం తిరుమూరు, పురుషుల కాంపౌండ్ టీమ్ ఈవెంట్‌లో స్వర్ణ పతకంతో పాటు పురుషుల వ్యక్తిగత కాంపౌండ్ ఈవెంట్‌లో కాంస్య పతకాన్ని సాధించారు. ఈ పరికరాలను తిరుపతి జిల్లా కలెక్టర్ డా. ఎస్. వెంకటేశ్వర్ సమక్షంలో అందజేశారు. HCCB ఆయన విజయాలను అభినందించింది.

04-10-2026 | 07:01pm

కోటక్ మహీంద్రా బ్యాంక్, యునైటెడ్ వే బెంగళూరు భాగస్వామ్యం

సంగారెడ్డి: కోటక్ మహీంద్రా బ్యాంక్, యునైటెడ్ వే బెంగళూరు భాగస్వామ్యంతో, తెలంగాణ ప్రభుత్వ సహకారంతో నారాయణఖేడ్‌లోని ఐదు ప్రభుత్వ పాఠశాలలను పునరుద్ధరించింది. సుమారు 2,200 మంది విద్యార్థులకు సురక్షితమైన అభ్యాస వాతావరణాన్ని కల్పించడమే లక్ష్యంగా తరగతి గదులు, హాస్టళ్లు, మరుగుదొడ్లతో సహా మౌలిక సదుపాయాలను మెరుగుపరిచారు. సంగారెడ్డి జిల్లా విద్యాధికారిణి శ్రీమతి రతికంటి రోహిణి పునరుద్ధరించిన మోడల్ స్కూల్, జూనియర్ కళాశాలను ప్రారంభించారు. విద్యార్థులకు మెరుగైన విద్యను అందించడమే ఈ ప్రాజెక్ట్ ముఖ్య ఉద్దేశ్యం అని బ్యాంక్ పేర్కొంది.

04-10-2026 | 06:54pm

RBI షాక్ ఇస్తుందా? రేట్లు పెరిగే ఛాన్స్!

రిజర్వ్ బ్యాంక్ ఆఫ్ ఇండియా (RBI) అక్టోబర్‌లో జరగనున్న ద్రవ్య విధాన సమీక్షలో రెపో రేటును 0.25 శాతం పెంచే అవకాశం ఉందని ఆర్థిక నిపుణులు, బ్యాంకర్లు అంచనా వేస్తున్నారు. పెరుగుతున్న ద్రవ్యోల్బణం, పశ్చిమాసియా సంక్షోభం, అంతర్జాతీయంగా వడ్డీ రేట్ల పెంపు వంటి కారణాలతో ఈ నిర్ణయం తీసుకోవచ్చని నిపుణులు పేర్కొన్నారు. ఇది జరిగితే గృహ, వ్యక్తిగత రుణాలపై EMIలు పెరిగే అవకాశం ఉంది. చివరిసారిగా RBI ఫిబ్రవరి 2023లో రెపో రేటును 0.25 శాతం పెంచి 6.50 శాతానికి చేర్చింది. ప్రస్తుతం రెపో రేటు 5.25 శాతంగా ఉంది.

04-10-2026 | 05:29pm

RBI నిర్ణయంతో అసలు గేమ్

భారత స్టాక్ మార్కెట్‌కు ఈ వారం కీలకం కానుంది. ఆర్‌బీఐ వడ్డీ రేట్ల నిర్ణయం, టీసీఎస్ త్రైమాసిక ఫలితాలు, అంతర్జాతీయ ముడి చమురు ధరలు, గ్లోబల్ బాండ్ యీల్డ్స్ వంటి అంశాలు మార్కెట్ కదలికలను ప్రభావితం చేయనున్నాయి. నిఫ్టీ 50, సెన్సెక్స్ పెట్టుబడిదారులు ఈ పరిణామాలపై దృష్టి సారించారు. ఆర్‌బీఐ నిర్ణయం తర్వాత బ్యాంకింగ్, ఫైనాన్స్ రంగాల షేర్లలో కదలికలు కనిపించే అవకాశం ఉందని విశ్లేషకులు పేర్కొన్నారు.

04-10-2026 | 04:52pm