కెమి 'కిల్స్ తెలంగాణ'!
సంగారెడ్డి: తెలంగాణలోని పారిశ్రామిక ప్రాంతాల్లో భూగర్భ జలాలు ప్రమాదకర రసాయనాలతో కలుషితమవుతున్నాయని కేంద్ర జలశక్తి శాఖ సర్వేలో వెల్లడైంది. మేడ్చల్, మల్కాజ్‌గిరి (జీడిమెట్ల, జవహర్‌నగర్), యాదాద్రి భువనగిరి, హైదరాబాద్, రంగారెడ్డి జిల్లాల్లోని కాటేదాన్, మహేశ్వరం ప్రాంతాల్లో భూగర్భ జలాలు తీవ్రంగా దెబ్బతిన్నాయి. వ్యర్థాలను శుద్ధి చేసే ఖర్చును తగ్గించుకోవడానికి కొన్ని ఫార్మా, రసాయన కంపెనీలు రహస్యంగా కాలువల్లోకి, భూగర్భంలోకి రసాయనాలను పంపిస్తున్నాయని తెలిసింది. రాష్ట్రంలో 28 జిల్లాల్లో ఫ్లోరైడ్ ముప్పు ప్రమాదకర స్థాయికి చేరిందని నివేదికలు పేర్కొన్నాయి. కాలుష్య నియంత్రణ మండలి 305 పరిశ్రమలను మూసివేయాలని ఆదేశించగా, 1,234 యూనిట్లకు షోకాజ్ నోటీసులు జారీ చేసింది. ప్రజలు ఫిర్యాదుల కోసం ‘జనవాణి - కాలుష్య నివారణి’ యాప్‌ను ఉపయోగించుకోవచ్చు.
04-10-2026 | 05:25am
