Breaking News

పంటలు ఎండుతుంటే.. ఇతర రాష్ట్రాలకు ఇస్తారా • ఢిల్లీలో హైటెన్షన్‌... బారికేడ్లు ఎక్కిన రాహుల్‌ • రాజ్యసభ బరిలో దినేష్ ఆర్య.. నామినేషన్ దాఖలు • నిజామాబాద్‌లో హైటెన్షన్..ఎమ్మెల్యే అరెస్ట్! • ఢిల్లీలో హైటెన్షన్.. ఎంపీల ర్యాలీ! • స్టేషనరీ పేరుతో బాణాసంచా స్మగ్లింగ్! • బెంగాల్‌ ఉప ఎన్నికల్లో హైటెన్షన్! • కరెంట్ బిల్లు మోత మోగనుందా? • దుకాణాల క్లోజింగ్‌.. హైకోర్టు సీరియస్ • ఈసీ ఆఫీస్‌ వద్ద టెన్షన్‌..మీడియాకు నో ఎంట్రీ •

Districts - Mahabubnagar

సాగునీటి సమస్యపై స్పందించి న్యాయం చేయాలి

మహబూబ్‌నగర్ జిల్లా, గండీడ్: సాగునీటి సమస్యతో ఇబ్బందులు పడుతున్న సల్కర్‌పేట్, రంగారెడ్డిపల్లి, లింగయపల్లి గ్రామాలకు చెందిన రైతులు ప్రజావాణిలో తహసీల్దార్ రాజగోపాల్, ఎంపీడీవో మంజులకు వినతిపత్రం సమర్పించారు. సాలార్‌నగర్ ప్రాజెక్టు దిగువన పంపుమోటార్ల ద్వారా నీటిని తోడుకోవడం వల్ల 300 ఎకరాల్లో పంటలకు సాగునీరు అందక ఎండిపోయే పరిస్థితి నెలకొందని రైతులు ఆవేదన వ్యక్తం చేశారు. కాలువల ద్వారా నీటిని విడుదల చేసి పంటలను కాపాడాలని కోరారు.

06-10-2026 | 09:58am

ఎమ్మెల్సీ ఎన్నికలపై కార్యకర్తల సమావేశం

మహమ్మదాబాద్: మండల పరిధిలోని దేశాయిపల్లి (నంచర్లగేట్) చౌరస్తాలో బీజేపీ మండల అధ్యక్షుడు మూస నరసింహ ఆధ్వర్యంలో ఎమ్మెల్సీ ఎన్నికల కార్యశాల నిర్వహించారు. రాబోయే ఎమ్మెల్సీ ఎన్నికలను దృష్టిలో ఉంచుకుని పార్టీ శ్రేణులు చేపట్టాల్సిన కార్యాచరణపై నాయకులు, కార్యకర్తలకు సూచనలు చేశారు. అర్హులైన ప్రతి పట్టభద్రుడు ఓటరుగా నమోదు చేసుకునేలా క్షేత్రస్థాయిలో విస్తృత ప్రచారం నిర్వహించాలని, ఫారమ్-18 పూర్తి చేయించాలని కార్యకర్తలకు సూచించారు. ‘సేవజ్యోతి’ సేవా కార్యక్రమాలను ప్రజల్లోకి తీసుకెళ్లాలని పిలుపునిచ్చారు.

06-10-2026 | 12:01am

వెంకటయ్య టీచర్ ఆశయాలకు అనుగుణంగా పనిచేద్దాం

మహమ్మదాబాద్: మండల పరిధిలోని గాదీర్యాల గ్రామంలో దివంగత ఉపాధ్యాయుడు కొండమొల్ల వెంకటయ్య జయంతిని పురస్కరించుకుని గాదీర్యాల్ ప్రాథమికోన్నత పాఠశాలలో విద్యార్థులకు నోటు పుస్తకాలు, పెన్నులు, పెన్సిళ్లు పంపిణీ చేశారు. సర్పంచ్ మాణిక్యమ్మ, బోరు కృష్ణయ్య ఈ కార్యక్రమంలో పాల్గొని, వెంకటయ్య టీచర్ బడుగు, బలహీన వర్గాల అభ్యున్నతికి చేసిన సేవలను కొనియాడారు. ఆయన ఆశయాలను కొనసాగించాలని పిలుపునిచ్చారు.

05-10-2026 | 10:25pm

బీఆర్‌ఎస్‌ పాలనలో విద్యా వ్యవస్థ భ్రష్టుపట్టింది

చిన్నచింతకుంట: దేవరకద్ర ఎమ్మెల్యే జి. మధుసూదన్ రెడ్డి ఉంద్యాల గ్రామంలో రూ.30 లక్షలతో నిర్మించిన నూతన జడ్పీహెచ్‌ఎస్‌ పాఠశాల భవనాన్ని ప్రారంభించారు. రూ.20 లక్షలతో హెల్త్‌ సబ్‌ సెంటర్‌, రూ.32.50 లక్షలతో సీసీ రోడ్లు, పాఠశాల కాంపౌండ్‌ వాల్‌ నిర్మాణ పనులకు శంకుస్థాపన చేశారు. 55 మంది లబ్ధిదారులకు కళ్యాణలక్ష్మి, షాదీముబారక్‌, సీఎం రిలీఫ్‌ ఫండ్‌ చెక్కులు, ఇందిరమ్మ ఇళ్ల మంజూరు పత్రాలు పంపిణీ చేశారు. కోయిల్ సాగర్ స్టేజ్–1 నుండి జమ్మికుంట, నల్లకుంట, ఎర్రకుంట చెరువులకు నీటిని అందిస్తామని ప్రకటించారు.

05-10-2026 | 09:18pm

బిజెపి పార్టీ మండల ప్రధాన కార్యదర్శిగా నెల్లి నరసింహ

రాజాపూర్: రాజాపూర్ మండల బిజెపి పార్టీ ప్రధాన కార్యదర్శిగా నెల్లి నరసింహను ఏకగ్రీవంగా ఎన్నుకున్నట్లు బిజెపి మండల అధ్యక్షుడు ఆనంద్ వెల్లడించారు. సోమవారం జరిగిన సమావేశంలో సీనియర్ నాయకుల సూచనల మేరకు ఈ నిర్ణయం తీసుకున్నట్లు తెలిపారు. ఈ సందర్భంగా పాలమూరు పట్టభద్రుల ఎమ్మెల్సీ ఎన్నికల కోసం మండలంలోని గ్రామాల్లో బూత్ కమిటీలను ఏర్పాటు చేయనున్నట్లు పేర్కొన్నారు. ఈ కార్యక్రమంలో జిల్లా కార్యదర్శి అశోక్, కిసాన్ మోర్చా ఉపాధ్యక్షులు నరసింహులు తదితరులు పాల్గొన్నారు.

05-10-2026 | 07:47pm

టిఫిన్‌ పెట్టారు.. యూనిఫాంలపై ఎమ్మెల్యే ఆగ్రహం!

చిన్నచింతకుంట: విద్యార్థులకు నాణ్యమైన విద్యతో పాటు ఉత్తమ ఆరోగ్యం అందించడమే ప్రభుత్వ ధ్యేయమని దేవరకద్ర ఎమ్మెల్యే జి. మధుసూదన్ రెడ్డి (GMR) స్పష్టం చేశారు. చిన్నచింతకుంట ZPHS పాఠశాలలో ప్రారంభమైన అల్పాహార పథకంలో పాల్గొని, విద్యార్థులతో కలిసి ఆయన టిఫిన్ చేశారు. మండలంలోని 26 పాఠశాలల్లో 2,747 మంది విద్యార్థులకు వారానికి 6 రోజుల పాటు పోషక విలువలతో కూడిన టిఫిన్లు, పాలు అందిస్తున్నట్లు వెల్లడించారు. యూనిఫాంలు అందని విద్యార్థులపై అధికారులపై మండిపడ్డారు.

05-10-2026 | 02:22pm

మండల దివ్యాంగుల సంఘం అధ్యక్షుడిగా కావట్టి బాలరాజు

మహమ్మదాబాద్: భారత వికలాంగుల హక్కుల పరిరక్షణ సమితి మహమ్మదాబాద్ మండల అధ్యక్షుడిగా కావట్టి బాలరాజు ఏకగ్రీవంగా నియమితులయ్యారు. ఈ సందర్భంగా ఆయన మాట్లాడుతూ, తెలంగాణ కాంగ్రెస్ ప్రభుత్వం దివ్యాంగులకు ఇచ్చిన హామీలను నెరవేర్చలేదని ఆరోపించారు. దివ్యాంగుల పింఛన్‌ను రూ.6 వేలకు పెంచాలని, ఇందిరమ్మ ఇళ్లు, డబుల్ బెడ్‌రూమ్ ఇళ్లలో ప్రాధాన్యత, 4% రిజర్వేషన్, ఉపాధి అవకాశాలు, బ్యాక్‌లాగ్ ఉద్యోగాలు కల్పించాలని డిమాండ్ చేశారు. నూతన మండల కమిటీని కూడా ఏకగ్రీవంగా ఎన్నుకున్నారు.

04-10-2026 | 09:30pm

పరిగి నుంచి ఎమ్మెల్యేగా పోటీ చేస్తా వచ్చే ఎన్నికల్లో ఎమ్మెల్యేగా బరిలోకి దిగుతా

గండీడ్: బీజేపీ రాష్ట్ర నాయకుడు వెన్న ఈశ్వరప్ప తన జన్మదిన వేడుకలను పురస్కరించుకుని పల్లవి గార్డెన్స్‌లో ఘనంగా నిర్వహించారు. ఈ సందర్భంగా ఆయన పరిగి నియోజకవర్గం నుంచి ఎమ్మెల్యేగా పోటీ చేసేందుకు సిద్ధంగా ఉన్నానని వెల్లడించారు. 50 మందికి పైగా రక్తదానం చేయడంతో పాటు దేశాయిపల్లి ఆర్టీసీ బస్టాండ్ ఆవరణలో మొక్కలు నాటారు. పేదలు, దళితులు, బడుగు, బలహీన వర్గాల అభ్యున్నతికి కృషి చేస్తానని పేర్కొన్నారు. మహమ్మదాబాద్‌కు చెందిన ఎంబీబీఎస్ విద్యార్థిని గాయత్రికి పుస్తకాలు అందజేశారు.

04-10-2026 | 08:49pm

పండుగ సాయన్న విగ్రహ ప్రతిష్ఠాపనకు భూమిపూజ

మహబూబ్‌నగర్ జిల్లా, గండీడ్: మండలంలోని సల్కర్‌పేట్ గ్రామంలో ముదిరాజ్ కులస్తుల ఆరాధ్య దైవం పండుగ సాయన్న విగ్రహ ప్రతిష్ఠాపనకు ఆదివారం భూమిపూజ నిర్వహించారు. అక్టోబర్ 22న ప్రభుత్వ లాంఛనాలతో విగ్రహ ప్రతిష్ఠాపన కార్యక్రమాన్ని నిర్వహించేందుకు గ్రామ పెద్దలు కృషి చేస్తున్నారు. ఈ కార్యక్రమంలో గ్రామంలోని అన్ని కుల సంఘాల పెద్దలు పాల్గొని తమ సహకారం అందిస్తామని వెల్లడించారు.

04-10-2026 | 05:12pm

ఆరోగ్యం పై ప్రతి ఒక్కరు ప్రత్యేక శ్రద్ధ తీసుకోవాలి

మహబూబ్ నగర్: అస్వస్థతకు గురైన జర్నలిస్టు సుందరాచారిని డిప్యూటీ మేయర్ మారేపల్లి సురేందర్ రెడ్డి మల్లిక ఆసుపత్రిలో పరామర్శించారు. ఆయన ఆరోగ్య పరిస్థితిపై వైద్యులతో మాట్లాడి మెరుగైన వైద్య సేవలు అందించాలని సూచించారు. పాలమూరు జర్నలిస్టుల సంక్షేమ సంఘం ద్వారా ఆర్థిక సహాయం అందించి, జర్నలిస్టులకు ఎల్లప్పుడూ అండగా ఉంటామని హామీ ఇచ్చారు. డిప్యూటీ మేయర్ స్పందన పట్ల జర్నలిస్టులు కృతజ్ఞతలు తెలిపారు.

03-10-2026 | 11:35pm

నసర్లబాదు పెద్ద చెరువును కాపాడాలి

జడ్చర్ల: నసర్లబాదు పెద్ద చెరువును కాపాడేందుకు ప్రభుత్వం తక్షణ చర్యలు చేపట్టాలని తెలంగాణ రాష్ట్ర మత్స్య పారిశ్రామిక సహకార సంఘం జిల్లా అధ్యక్షుడు గొనెల శ్రీనివాసు కోరారు. జడ్చర్ల పట్టణంలోని మురుగు, కలుషిత నీటిని చెరువులోకి మళ్లించడం వల్ల చేపలు చనిపోయి మత్స్యకారులు, పంట పొలాలకు నష్టం వాటిల్లే అవకాశం ఉందని ఆయన పేర్కొన్నారు. సుమారు 450 ఎకరాల విస్తీర్ణంలో ఉన్న చెరువు కట్టకు భద్రత కల్పించాలని, కలుషిత నీరు చేరకుండా అడ్డుకోవాలని విజ్ఞప్తి చేశారు.

03-10-2026 | 11:21pm

మహిళల కోసం మరిన్ని అభివృద్ధి పనులు చేపడతాం

మహబూబ్‌నగర్: మహిళల ఆత్మగౌరవం, ఐక్యతకు ప్రతీకగా నిర్మించిన మహిళా సమాఖ్య భవనాన్ని సద్వినియోగం చేసుకోవాలని ప్రభుత్వ విప్, మహబూబ్‌నగర్ ఎమ్మెల్యే యెన్నం శ్రీనివాస్ రెడ్డి అన్నారు. నగరంలోని మర్లు ప్రాంతం ఎంప్లాయీస్ కాలనీలో రూ.65 లక్షల వ్యయంతో నిర్మించిన భవనాన్ని ఆయన శనివారం ప్రారంభించారు. గత రెండున్నరేళ్లలో నగరంలో రూ.100 కోట్లతో సీసీ రోడ్లు, డ్రైనేజీ పనులు చేపట్టామని, రూ.603 కోట్లతో భూగర్భ డ్రైనేజీ, రూ.220 కోట్లతో 14 ఓవర్‌హెడ్ ట్యాంకుల నిర్మాణ పనులు కొనసాగుతున్నాయని వెల్లడించారు.

03-10-2026 | 10:38pm

వాడిగా.. వేడిగా మండల స్థాయి సమీక్ష సమావేశం

బాలానగర్: బాలానగర్ మండల కేంద్రంలో శనివారం జరిగిన మండల స్థాయి సమీక్ష సమావేశంలో సర్పంచులు పలు సమస్యలను అధికారుల దృష్టికి తెచ్చారు. కొన్ని నెలలుగా పెండింగ్‌లో ఉన్న లూస్ లైన్స్, లో వోల్టేజ్ విద్యుత్ సమస్యలపై విద్యుత్ శాఖ ఏఈని నిలదీశారు. పాఠశాలల్లో ఉపాధ్యాయుల కొరత, కొన్ని గ్రామాలకు మిషన్ భగీరథ నీరు రాకపోవడం, పైపులైన్ లీకేజీ సమస్యలను సంబంధిత అధికారులకు వివరించారు. ఈ సమావేశంలో మండల స్థాయి అధికారులు, సర్పంచులు, పంచాయతీ కార్యదర్శులు పాల్గొన్నారు.

03-10-2026 | 10:10pm

గ్రాడ్యుయేట్ ఎమ్మెల్సీ ఓటరు నమోదుపై ప్రత్యేక దృష్టి

భూత్పూర్: హైదరాబాద్-రంగారెడ్డి-మహబూబ్‌నగర్ పట్టభద్రుల ఎమ్మెల్సీ ఎన్నికల సన్నాహక సమావేశం అన్నాసాగర్ గ్రామంలో మాజీ ఎమ్మెల్యే ఆల వెంకటేశ్వర్ రెడ్డి అధ్యక్షతన జరిగింది. ఈ సందర్భంగా ఆల వెంకటేశ్వర్ రెడ్డి మాట్లాడుతూ ఎమ్మెల్సీ ఎన్నికల్లో ఓటరు నమోదు ప్రక్రియ అత్యంత కీలకమని, నెల రోజులపాటు దీనిపై ప్రత్యేక దృష్టి సారించాలని బీఆర్‌ఎస్ నాయకులకు, కార్యకర్తలకు సూచించారు. దేవరకద్ర నియోజకవర్గంలో సుమారు 11 వేల మంది పట్టభద్రులు ఉన్నారని, సిట్టింగ్ స్థానాన్ని మరోసారి నిలబెట్టుకోవడానికి కృషి చేయాలని పిలుపునిచ్చారు.

03-10-2026 | 08:36pm