Breaking News

పంటలు ఎండుతుంటే.. ఇతర రాష్ట్రాలకు ఇస్తారా • ఢిల్లీలో హైటెన్షన్‌... బారికేడ్లు ఎక్కిన రాహుల్‌ • రాజ్యసభ బరిలో దినేష్ ఆర్య.. నామినేషన్ దాఖలు • నిజామాబాద్‌లో హైటెన్షన్..ఎమ్మెల్యే అరెస్ట్! • ఢిల్లీలో హైటెన్షన్.. ఎంపీల ర్యాలీ! • స్టేషనరీ పేరుతో బాణాసంచా స్మగ్లింగ్! • బెంగాల్‌ ఉప ఎన్నికల్లో హైటెన్షన్! • కరెంట్ బిల్లు మోత మోగనుందా? • దుకాణాల క్లోజింగ్‌.. హైకోర్టు సీరియస్ • ఈసీ ఆఫీస్‌ వద్ద టెన్షన్‌..మీడియాకు నో ఎంట్రీ •

Crime

భర్త వద్దంటే.. చావేనా?

కృష్ణా జిల్లా తోట్లవల్లూరులో లక్ష్మీప్రియాంక (27) అనే వివాహిత ఇంట్లో ఫ్యాన్‌కు ఉరేసుకుని ఆత్మహత్య చేసుకుంది. ఏడాదిన్నర క్రితం వివాహం జరిగిన ఆమె, భర్త వేధింపుల కారణంగా గత ఏప్రిల్‌ నుంచి పుట్టింట్లోనే ఉంటోంది. భర్త కోర్టు నోటీసు పంపడంతో తిరిగి వచ్చిన ఆమె, తల్లిదండ్రులు లేని సమయంలో ఈ అఘాయిత్యానికి పాల్పడింది. తన ఆత్మహత్యకు భర్త, అత్త, ఆడపడుచులే కారణమని సూసైడ్ నోట్ రాసినట్లు పోలీసులు వెల్లడించారు. కేసు నమోదు చేసి దర్యాప్తు చేపట్టారు.

06-10-2026 | 12:38pm

బస్సు ఢీకొని ఇద్దరు మృతి

మెదక్ జిల్లా నార్సింగి మండల పరిధిలోని జాతీయ రహదారి–44పై కాస్లాపూర్ వద్ద సోమవారం రాత్రి జరిగిన రోడ్డు ప్రమాదంలో ద్విచక్ర వాహనాన్ని బస్సు ఢీకొనడంతో ఇద్దరు అక్కడికక్కడే మృతి చెందారు. ప్రమాదంలో ఓ మహిళ తలకు తీవ్ర గాయాలై మరణించగా, మరో వ్యక్తి కూడా ప్రాణాలు కోల్పోయినట్లు తెలిసింది. పోలీసులు సంఘటనా స్థలానికి చేరుకుని మృతదేహాలను రామాయంపేట ప్రభుత్వ ఆసుపత్రికి తరలించారు.

06-10-2026 | 09:17am

మంటల్లో ఏటీఎం.. క్యాష్ మాత్రం సేఫ్

మహబూబాబాద్ జిల్లా కేసముద్రం: కేసముద్రం పట్టణంలోని ఇండియా ఏటీఎం మంగళవారం తెల్లవారుజామున షార్ట్ సర్క్యూట్ కారణంగా దగ్ధమైంది. ఈ ఘటనలో సుమారు రూ.లక్ష మేర ఆస్తి నష్టం జరిగినట్లు తెలిసింది. అగ్నిమాపక సిబ్బంది సకాలంలో చేరుకుని మంటలను అదుపులోకి తీసుకురావడంతో ఏటీఎం యంత్రానికి పెను ప్రమాదం తప్పింది. ఏసీ, కంప్యూటర్‌తో పాటు పలు ఎలక్ట్రిక్ పరికరాలు కాలిపోయినప్పటికీ, ఏటీఎంలో ఉన్న నగదుకు ఎలాంటి నష్టం జరగలేదని ఫైర్ అధికారి రాజేందర్ రెడ్డి వెల్లడించారు.

06-10-2026 | 08:02am

క్షణాల్లో కబళించిన మృత్యువు.. ఇద్దరు మృతి

మెదక్ జిల్లా నార్సింగి మండలం కాస్టాపూర్ వద్ద జాతీయ రహదారిపై నిజామాబాద్ డిపోకు చెందిన ఆర్టీసీ బస్సు స్కూటీని ఢీకొనడంతో ఘోర రోడ్డు ప్రమాదం జరిగింది. ఈ ప్రమాదంలో దౌల్తాబాద్‌కు చెందిన చంద్రయ్య, పోచవ్వ అనే ఇద్దరు అక్కడికక్కడే మృతి చెందినట్లు తెలిసింది. పోలీసులు ఈ ఘటనపై వివరాలు సేకరిస్తున్నారు.

06-10-2026 | 06:45am

పిట్టకేసేందుకు వెళ్ళి..

మహబూబాబాద్ జిల్లా ఇనుగుర్తి మండలం చిన్న ముప్పారంలో నాయనమ్మ చనిపోయిన మూడవరోజు ఖర్మలో భాగంగా పిట్టకేసేందుకు వెళ్లి కాలేరు రవి (55) అనే మనవడు చెరువులో పడి దుర్మరణం పాలయ్యాడు. ఉప్పలమ్మ అనే సమీప బంధువు మూడు రోజుల క్రితం మరణించగా, ఆమె మూడవరోజు ఖర్మలో భాగంగా చెరువు వద్ద పిట్టకు పెట్టి, అనంతరం స్నానం చేయడానికి వెళ్లి ప్రమాదవశాత్తు చెరువులో పడి రవి మరణించినట్లు ఇనుగుర్తి ఎస్ ఐ నరేష్ తెలిపారు. ఈ సంఘటనపై కేసు నమోదు చేసి దర్యాప్తు చేస్తున్నారు.

05-10-2026 | 03:27pm

35 మందిని భయపెట్టిన టైర్ బ్లాస్ట్

గద్వాల: గద్వాల జిల్లా ఉండవల్లి మండలం జాతీయ రహదారిపై సోమవారం ఉదయం 11 గంటల సమయంలో ఓ ప్రైవేట్‌ ట్రావెల్స్‌ బస్సు టైర్‌ పేలి డివైడర్‌పైకి దూసుకెళ్లింది. తమిళనాడులోని కోయంబత్తూరు నుంచి హైదరాబాద్‌కు 35 మంది ప్రయాణికులతో వెళ్తున్న స్వామి అయ్యప్ప ట్రావెల్స్‌ బస్సులో ఈ ఘటన చోటుచేసుకుంది. డ్రైవర్‌ లోకనాథ్‌ తెలిపిన వివరాల ప్రకారం, ఈ ప్రమాదంలో ఎలాంటి ప్రాణనష్టం జరగకపోవడంతో ప్రయాణికులు సురక్షితంగా బయటపడ్డారని తెలిసింది. పోలీసులు ఘటనా స్థలానికి చేరుకుని పరిస్థితిని పరిశీలించారు.

05-10-2026 | 11:56am

బస్సు బీభత్సం..కాలు నుజ్జునుజ్జు

కరీంనగర్‌లోని కోర్టు చౌరస్తాలో సోమవారం ఉదయం ఘోర రోడ్డు ప్రమాదం జరిగింది. మంచిర్యాల వైపు వెళ్తున్న కరీంనగర్-2 డిపోకు చెందిన ఆర్టీసీ ఎలక్ట్రిక్ బస్సు అదుపుతప్పి అంబేద్కర్ విగ్రహం వద్ద వాహనదారులను ఢీకొట్టింది. ఈ ప్రమాదంలో ద్విచక్ర వాహనం టైర్ కింద చిక్కుకోగా, బైక్‌పై ఉన్న ఇద్దరు వ్యక్తులకు తీవ్ర గాయాలయ్యాయి. ఒకరి కాలు నుజ్జునుజ్జు కావడంతో ఆసుపత్రికి తరలించారు. పోలీసులు దర్యాప్తు చేస్తున్నారు.

05-10-2026 | 09:58am

కెమికల్ డ్రమ్ములు పేలి.. భారీ ఫైర్!

బాలాపూర్‌ నబిల్ కాలనీలోని ప్లాస్టిక్ గోదాంలో సోమవారం తెల్లవారుజామున భారీ అగ్నిప్రమాదం చోటుచేసుకుంది. గోదాంలో నిల్వ ఉంచిన కెమికల్ డ్రమ్ములు పేలడంతో మంటలు భారీగా ఎగిసిపడ్డాయి. సమాచారం అందుకున్న అగ్నిమాపక సిబ్బంది, పోలీసులు ఘటనాస్థలికి చేరుకున్నారు. ఫైర్ ఇంజిన్లతో మంటలను అదుపులోకి తీసుకొచ్చేందుకు తీవ్రంగా ప్రయత్నిస్తున్నారు. ప్రమాదానికి గల కారణాలు తెలియాల్సి ఉంది.

05-10-2026 | 07:13am

ఫ్రీ మెడికల్ క్యాంప్‌

కాగజ్‌నగర్: అక్టోబర్ 4న కాగజ్‌నగర్ మర్చంట్ అసోసియేషన్ ఆధ్వర్యంలో అగ్రేసేన్ భవన్‌లో ఉచిత వైద్య శిబిరం నిర్వహించారు. డీఎస్పీ వహీదుద్దీన్ ప్రారంభించిన ఈ శిబిరంలో మంచిర్యాలకు చెందిన మెడిలైఫ్ ఎండీ ఫిజీషియన్ డా. చేతన్ చౌహాన్ నేతృత్వంలో కార్డియాలజీ, పల్మనాలజీ, యూరాలజీ, ఆర్థోపెడిక్స్, గైనకాలజీ, జనరల్ సర్జరీ, రేడియాలజీ, డెంటల్ విభాగాలకు చెందిన పలువురు వైద్యులు ప్రజలకు ఉచిత వైద్య పరీక్షలు, సలహాలు అందించారు. భవిష్యత్తులోనూ ఇలాంటి సేవా కార్యక్రమాలను కొనసాగిస్తామని అసోసియేషన్ ప్రతినిధులు వెల్లడించారు.

04-10-2026 | 01:34pm

వృద్ధ దంపతులపైకి దూసుకొచ్చిన కారు

న్యూఢిల్లీ: ఢిల్లీలోని కీర్తి నగర్‌లో ఆర్య సమాజ్ మందిర్ సమీపంలో రోడ్డుపై నడుచుకుంటూ వెళ్తున్న 79 ఏళ్ల దయానంద్, 71 ఏళ్ల కుసుమ టాగ్రా అనే వృద్ధ దంపతులను వెనుక నుంచి వచ్చిన ఎస్‌యూవీ ఢీకొట్టింది. ఈ ప్రమాదంలో తీవ్రంగా గాయపడిన వారిని ఆస్పత్రికి తరలించగా, ప్రస్తుతం వారి ఆరోగ్య పరిస్థితి నిలకడగా ఉందని పోలీసులు తెలిపారు. ప్రమాదానికి కారణమైన 49 ఏళ్ల నవ్లీన్ అనే హోమ్‌మేకర్‌ను పోలీసులు అరెస్ట్ చేసి దర్యాప్తు కొనసాగిస్తున్నారు.

04-10-2026 | 01:01pm

అమెరికాలో రోడ్డు ప్రమాదం.. మరిపెడలో విషాదం

మహబూబాబాద్: అమెరికాలోని సెయింట్ లూయిస్ నగరంలో జరిగిన రోడ్డు ప్రమాదంలో మహబూబాబాద్ జిల్లా, మరిపెడకు చెందిన దారం సుప్రజ (30) మృతి చెందారు. రెస్టారెంట్ నిర్వహించే సుప్రజ కారులో ఇంటికి వస్తుండగా ట్రక్కు ఢీకొనడంతో ఈ ప్రమాదం జరిగింది. ఈ ఘటనలో ఆమె స్నేహితురాలు గాయపడినట్లు బంధువులు వెల్లడించారు. పూర్తి వివరాలు ఇంకా తెలియాల్సి ఉంది.

04-10-2026 | 12:37pm

మృత్యు మలుపు.. ఘాట్‌లో ఏం జరిగిందంటే?

వికారాబాద్: తెలంగాణలోని వికారాబాద్ జిల్లా అనంతగిరి ఘాట్ రోడ్డులో శనివారం ఉదయం జరిగిన ఘోర బస్సు ప్రమాదంలో నలుగురు మహిళలు మృతి చెందగా, మరో 20 మంది తీవ్రంగా గాయపడ్డారు. వీరిలో నలుగురి పరిస్థితి విషమంగా ఉంది. సంగారెడ్డి జిల్లా పటాన్‌చెరు మండలం కేసారం గ్రామానికి చెందిన 51 మంది అంత్యక్రియలకు వెళ్తుండగా ఈ ప్రమాదం జరిగింది. మంత్రి డి. శ్రీధర్‌బాబు మృతుల కుటుంబాలకు రూ.5 లక్షలు, క్షతగాత్రులకు రూ.లక్ష ఆర్థిక సాయం ప్రకటించారు. సీఎం రేవంత్ రెడ్డి దిగ్భ్రాంతి వ్యక్తం చేశారు.

04-10-2026 | 12:27pm

ఆయుధాల చోరీ వెనుక అసలు ప్లాన్ ఇదే

హైదరాబాద్: మద్రాస్ రెజిమెంట్ ఆయుధాల చోరీ కేసులో మల్కాజిగిరి పోలీసులు మరో ఏడుగురిని అరెస్ట్ చేశారు. వీరిలో ముగ్గురు విధుల్లో ఉన్న ఆర్మీ సిబ్బంది ఉన్నారు. బ్యాంకులు, నగల దుకాణాలు, సంపన్నులను లక్ష్యంగా చేసుకుని భారీ దోపిడీలకు ఈ ఆయుధాలను ఉపయోగించాలనుకున్నట్లు వెల్లడించారు. ఈ కేసులో ప్రధాన నిందితుడు మాజీ హవిల్దార్ మల్లేష్‌ను గతంలో అరెస్ట్ చేయగా, మొత్తం నిందితుల సంఖ్య ఎనిమిదికి చేరింది. దొంగిలించిన ఏకే-203, ఇన్‌సాస్ రైఫిళ్లు, పిస్టళ్లు, వేలాది బుల్లెట్లను పోలీసులు స్వాధీనం చేసుకున్నారు. ఈ ఘటనకు ఉగ్రవాద సంబంధాలు లేవని పోలీసులు స్పష్టం చేశారు.

04-10-2026 | 11:39am

చిన్నారులకు బిస్కెట్‌ తినిపిస్తున్నారా? జాగ్రత్త!

హైదరాబాద్: మూసాపేట్ మండలం సుర్తి తండాలో బిస్కెట్ గొంతులో ఇరుక్కుని ఏడాది వయసున్న చిన్నారి మృతి చెందింది. మూడవత్ శ్రీను, మౌనిక దంపతుల కుమారుడు బిస్కెట్ తింటుండగా శ్వాస తీసుకోవడంలో ఇబ్బంది పడి కుప్పకూలిపోయాడు. కుటుంబ సభ్యులు వెంటనే ఎస్వీఎస్ ఆస్పత్రికి తరలించగా, అప్పటికే చిన్నారి మృతి చెందినట్లు వైద్యులు నిర్ధారించారు. ఈ ఘటనతో సుర్తి తండాలో విషాదఛాయలు అలుముకున్నాయి, చిన్నారులకు ఆహారం ఇచ్చేటప్పుడు తల్లిదండ్రులు అప్రమత్తంగా ఉండాలని ఈ ఘటన మరోసారి గుర్తుచేస్తోంది.

04-10-2026 | 11:25am