బతుకమ్మ కుంట వద్ద గంజాయి సరఫరా ముఠా భరతం
జనగామ: పట్టణ సిఐ సత్యనారాయణ రెడ్డి ఆదేశాల మేరకు ఎస్సై ఎం. భరత్, సిబ్బంది బతుకమ్మ కుంట చౌరస్తా వద్ద తనిఖీలు నిర్వహించారు. అనుమానాస్పదంగా తిరుగుతున్న ఐదుగురిని అదుపులోకి తీసుకుని, వారి నుండి 245 గ్రాముల గంజాయి, రెండు ద్విచక్ర వాహనాలు, నాలుగు చరవాణులు స్వాధీనం చేసుకున్నారు. పట్టుబడిన వారిని కుందారం, పెద్దమడూరు, హైదరాబాద్, శామీర్‌పేటకు చెందిన ఉదయ్ కుమార్, సందీప్, సుధీర్, శివకుమార్, అభిషేక్‌గా గుర్తించారు. నిందితులపై కేసు నమోదు చేసి కారాగారానికి తరలించినట్లు సత్యనారాయణ రెడ్డి వెల్లడించారు.
04-10-2026 | 08:52pm
