పంటల సాగుపై.. అధికారుల క్షేత్ర పరిశీలన
కోహెడ: కోహెడ మండలంలో వ్యవసాయ శాఖ అధికారులు పంటల సాగుపై క్షేత్రస్థాయి పర్యటనలు నిర్వహించారు. మండల వ్యవసాయ అధికారి సతీష్, విస్తరణ అధికారులు శ్రీధర్ రెడ్డి, శివ కుమార్, మైపాల్ రెడ్డిలతో కలిసి వరి, పత్తి, కంది పంటల ఎదుగుదల, చీడపీడల ఉధృతిని పరిశీలించారు. వరిలో బ్రౌన్ ప్లాంట్ హాపర్, పత్తిలో రసం పీల్చే పురుగుల నివారణకు సమగ్ర యాజమాన్య పద్ధతులు, సస్యరక్షణ చర్యలు పాటించాలని రైతులకు సూచించారు. వర్షాభావ పరిస్థితుల్లో తేమ సంరక్షణ, కలుపు నివారణపై అవగాహన కల్పించారు. పురుగుల ఉధృతిని బట్టి సిఫార్సు చేసిన మందులు పిచికారి చేయాలని తెలిపారు.
17-10-2026 | 09:20pm
