Breaking News

పంటలు ఎండుతుంటే.. ఇతర రాష్ట్రాలకు ఇస్తారా • ఢిల్లీలో హైటెన్షన్‌... బారికేడ్లు ఎక్కిన రాహుల్‌ • రాజ్యసభ బరిలో దినేష్ ఆర్య.. నామినేషన్ దాఖలు • నిజామాబాద్‌లో హైటెన్షన్..ఎమ్మెల్యే అరెస్ట్! • ఢిల్లీలో హైటెన్షన్.. ఎంపీల ర్యాలీ! • స్టేషనరీ పేరుతో బాణాసంచా స్మగ్లింగ్! • బెంగాల్‌ ఉప ఎన్నికల్లో హైటెన్షన్! • కరెంట్ బిల్లు మోత మోగనుందా? • దుకాణాల క్లోజింగ్‌.. హైకోర్టు సీరియస్ • ఈసీ ఆఫీస్‌ వద్ద టెన్షన్‌..మీడియాకు నో ఎంట్రీ •

Districts - Suryapet

ఘనంగా బొడ్డెమ్మ పండుగ సంబరాలు!

జాజిరెడ్డిగూడెం: సూర్యాపేట జిల్లా జాజిరెడ్డిగూడెం మండలంలోని తిమ్మాపురం గ్రామంలో తెలంగాణ సంస్కృతి, సంప్రదాయాలకు ప్రతీకగా నిలిచే బొడ్డెమ్మ పండుగను ఘనంగా నిర్వహిస్తున్నారు. బతుకమ్మకు తొమ్మిది రోజుల ముందు ప్రారంభమయ్యే ఈ వేడుకలు మహాలయ అమావాస్య వరకు కొనసాగుతాయి. డాక్టర్ ఆకుల శ్రీనివాస్ ఆధ్వర్యంలో మహిళలు, ఆడపడుచులు బొడ్డెమ్మను ప్రతిష్ఠించి, పూజలు నిర్వహిస్తున్నారు. తొమ్మిది రోజుల పూజల అనంతరం బొడ్డెమ్మను చెరువులో నిమజ్జనం చేయనున్నట్లు నిర్వాహకులు తెలిపారు.

06-10-2026 | 01:01pm

ప్రతి అర్హ కుటుంబానికీ సంక్షేమ ఫలాలు

చివ్వెంల మండలం అక్కలదేవిగూడెంలో స్మార్ట్ రేషన్ కార్డుల పంపిణీ చేపట్టారు. గ్రామ సర్పంచ్ ఆంజనేయులు గౌడ్ లబ్ధిదారులకు కార్డులను అందజేశారు. ప్రభుత్వ సంక్షేమ పథకాలు, ప్రజా సేవలు అర్హులకు చేరడంలో రేషన్ కార్డులు కీలకంగా పనిచేస్తాయని అన్నారు. ప్రజలకు ప్రభుత్వ పథకాల ప్రయోజనాలను మరింత సులభంగా అందించేందుకు స్మార్ట్ రేషన్ కార్డులు ఉపయోగపడతాయని తెలిపారు.

06-10-2026 | 11:39am

డిప్యూటీ సీఎం, మంత్రుల పర్యటన ఏర్పాట్లు పక్కాగా ఉండాలి

సూర్యాపేట: జిల్లాలో డిప్యూటీ సీఎం భట్టి విక్రమార్క, మంత్రులు ఉత్తమ్ కుమార్ రెడ్డి, కోమటిరెడ్డి వెంకటరెడ్డి, అడ్లూరి లక్ష్మణ్ పర్యటన నేపథ్యంలో ఏర్పాట్లను పకడ్బందీగా చేయాలని జిల్లా కలెక్టర్ తేజస్ నందలాల్ పవార్ అధికారులను ఆదేశించారు. పులిచింతల ప్రాజెక్టు, గడ్డిపల్లి పాఠశాల, సయ్యద్ ముజావర్ పేట ప్రాంతాలను పరిశీలించిన కలెక్టర్, భద్రత, ప్రోటోకాల్, ప్రాథమిక సౌకర్యాలపై దిశానిర్దేశం చేశారు. రూ. 200 కోట్లతో గడ్డిపల్లిలో యంగ్ ఇండియా ఇంటిగ్రేటెడ్ రెసిడెన్షియల్ స్కూల్, మునగాలలో రూ.9.60 కోట్లతో కమ్యూనిటీ కిచెన్‌కు భూమిపూజ చేయనున్నట్లు తెలిసింది.

06-10-2026 | 12:21am

సోమక్క కుటుంబానికి 50 కేజీల బియ్యం కాంగ్రెస్ నాయకులు అందజేత

తుంగతుర్తి: ఏఐసీసీ సభ్యులు రామ్ రెడ్డి సర్వోత్తమ్ రెడ్డి ఆదేశాల మేరకు, తుంగతుర్తి మండల కేంద్రానికి చెందిన మట్టిపెల్లి సోమ్మక్క కుటుంబానికి కాంగ్రెస్ పార్టీ నాయకులు 50 కేజీల బియ్యం సహాయం అందించారు. గత వారం రోజుల క్రితం అనారోగ్యంతో మృతిచెందిన సోమ్మక్క కుటుంబ సభ్యులను తుంగతుర్తి గ్రామపంచాయతీ 2వ వార్డు మెంబర్ ఎల్లబోయిన శ్రీకాంత్ నాయుడు ఆధ్వర్యంలో పరామర్శించినట్లు తెలిసింది. ఈ కార్యక్రమంలో కాంగ్రెస్ పార్టీ మండల నాయకులు పాల్గొన్నారు.

05-10-2026 | 11:57pm

కరాటే పోటీల్లో పతకాలు సాధించిన కోదాడ విద్యార్థులు

కోదాడ: మంగళగిరిలో జరిగిన నేషనల్ ఇన్విటేషన్ కరాటే ఛాంపియన్షిప్ పోటీలలో కోదాడ శ్రీమన్నారాయణ కాలనీకి చెందిన స్టూడెంట్ కరాటే క్లబ్ విద్యార్థులు పతకాలు సాధించారు. కోచ్ ఆరె మాధవి లత సోమవారం ఈ విషయాన్ని వెల్లడించారు. అభి, విహార్, సుదీక్ష, మన్హ, లిఖిత, భవ్య, వర్షిత్, సంజిత, సంహిత పతకాలు గెలుచుకున్నారు. చీఫ్ ఆర్గనైజర్ షిహాన్ డి ప్రభాకర్ వారిని మెడల్స్, సర్టిఫికెట్లతో సత్కరించారు.

05-10-2026 | 10:46pm

ఎమ్మెల్సీ అభ్యర్థి సర్వోత్తమ్ రెడ్డి గెలుపునకు కృషి..

తుంగతుర్తి: తుంగతుర్తి ఎమ్మెల్యే మందుల సామేలు, ఏఐసీసీ, పీసీసీ ప్రకటించిన వరంగల్, నల్లగొండ, ఖమ్మం కాంగ్రెస్ పార్టీ ఎమ్మెల్సీ అభ్యర్థి రామ్ రెడ్డి సర్వోత్తం రెడ్డి గెలుపునకు కృషి చేయాలని కోరారు. ముఖ్యమంత్రి రేవంత్ రెడ్డి ప్రజా పాలనలో భాగంగా ఇచ్చిన హామీలు ప్రజల గుండెల్లో నిలిచిపోయాయని పేర్కొన్నారు. గడిచిన బీఆర్ఎస్ పాలనపై విమర్శలు గుప్పించారు. రానున్న అసెంబ్లీ ఎన్నికల్లో కాంగ్రెస్ పార్టీ మళ్లీ అత్యధిక మెజార్టీతో గెలుస్తుందని ధీమా వ్యక్తం చేశారు. నియోజకవర్గంలో ఇళ్ల మంజూరు, పంట కొనుగోలు కేంద్రాల ఏర్పాటుపై వివరించారు.

05-10-2026 | 10:21pm

సర్ ప్రోగ్రాంను వెంటనే రద్దు చేయాలి

హుజూర్ నగర్: కేంద్ర ఎన్నికల సంఘం ప్రవేశపెట్టిన సర్ ప్రోగ్రాంను తక్షణమే రద్దు చేయాలని టీపీసీసీ మాజీ జాయింట్ సెక్రెటరీ ఎండి అజీజ్ పాషా, బ్లాక్ కాంగ్రెస్ అధ్యక్షుడు అరుణ్ కుమార్ దేశ్ముఖ్ డిమాండ్ చేశారు. కేంద్రంలోని బీజేపీ ప్రభుత్వం సీఈసీ జ్ఞానేశ్ కుమార్ ను అడ్డుపెట్టుకొని ఓట్ల చోరీకి పాల్పడుతోందని ఆరోపించారు. ఓటు హక్కును తొలగించే అధికారం ఎవరికీ లేదని, మరణించిన వారి ఓట్లను మాత్రమే తొలగించాలని సుప్రీంకోర్టు జడ్జీలు కూడా పేర్కొన్నారని తెలిపారు. సీఈసీ జ్ఞానేశ్ కుమార్ ను తొలగించాలని వారు డిమాండ్ చేశారు.

05-10-2026 | 10:14pm

ఉపాధ్యాయుల సేవలు వెలకట్టలేనివి

నేరేడుచర్ల: లయన్స్ క్లబ్ నేరేడుచర్ల ఆధ్వర్యంలో అక్టోబర్ 5న అంతర్జాతీయ ఉపాధ్యాయ దినోత్సవం సందర్భంగా బేట్టగూడెం ఎంపీపీఎస్ ఎస్జీటీ టి. ప్రమీల, సోమవారం జడ్పీహెచ్‌ఎస్ తెలుగు సహోపాధ్యాయులు ధనావత్ హరీష్ నాయక్‌లను సన్మానించారు. ఈ కార్యక్రమంలో ముఖ్య అతిథి డిస్ట్రిక్ట్ చైర్‌పర్సన్ బట్టు మధు మాట్లాడుతూ, భావితరాన్ని తీర్చిదిద్దడంలో ఉపాధ్యాయుల సేవలు వెలకట్టలేనివని పేర్కొన్నారు. క్లబ్ అధ్యక్షులు షేక్ యూసుఫ్ అధ్యక్షత వహించారు.

05-10-2026 | 08:34pm

ప్రజావాణి కార్యక్రమంతో సమస్యలు పరిష్కారం

నేరేడుచర్ల: స్థానిక మండల ప్రజా పరిషత్ కార్యాలయంలో సోమవారం నిర్వహించిన ప్రజావాణి కార్యక్రమంలో మొత్తం 02 దరఖాస్తులు అందినట్లు మండల ఎంపీఓ నాగరాజు వెల్లడించారు. వీటిలో మున్సిపల్ డిపార్ట్‌మెంట్‌కు సంబంధించి 01 దరఖాస్తు, మున్సిపల్, పంచాయతీరాజ్ డిపార్ట్‌మెంట్‌లకు సంయుక్తంగా 01 దరఖాస్తు వచ్చినట్లు తెలిపారు. ప్రజలు తమ సమస్యల పరిష్కారానికి ఈ కార్యక్రమాన్ని సద్వినియోగం చేసుకోవాలని ఆయన కోరారు. ఈ కార్యక్రమంలో 19 విభాగాల అధికారులు పాల్గొన్నారు.

05-10-2026 | 07:33pm

అల్పాహార పంపిణీకి అంకురార్పణ

సూర్యాపేట: జిల్లాలోని 1,029 ప్రభుత్వ పాఠశాలలు, జూనియర్ కళాశాలల్లో చదువుతున్న సుమారు 60 వేల మంది విద్యార్థులకు ప్రతిరోజూ అల్పాహారం అందించే లక్ష్యంతో మునగాల మండలంలో రూ. 9.60 కోట్లతో అత్యాధునిక కమ్యూనిటీ కిచెన్ ఏర్పాటుకు ప్రభుత్వం శ్రీకారం చుట్టింది. ఉప ముఖ్యమంత్రి భట్టి విక్రమార్క, పౌరసరఫరాల శాఖ మంత్రి ఉత్తమ్ కుమార్‌రెడ్డిలు రేపు దీనికి శంకుస్థాపన చేయనున్నారు. సింగరేణి కంపెనీ ఈ నిర్మాణానికి రూ. 9.60 కోట్ల విరాళం అందించినట్లు తెలిసింది.

05-10-2026 | 05:30am

అల్పాహార పంపిణీకి అంకురార్పణ..

సూర్యాపేట: జిల్లాలోని 1,029 ప్రభుత్వ పాఠశాలలు, జూనియర్‌ కళాశాలల్లో చదువుతున్న సుమారు 60 వేల మంది విద్యార్థులకు ప్రతిరోజూ అల్పాహారం అందించేందుకు మునగాల మండలంలో రూ. 9.60 కోట్లతో అత్యాధునిక కమ్యూనిటీ కిచెన్‌ ఏర్పాటుకు ప్రభుత్వం శ్రీకారం చుట్టింది. ఉప ముఖ్యమంత్రి భట్టి విక్రమార్క, రాష్ట్ర మంత్రి ఎన్‌. ఉత్తమ్‌ కుమార్‌ రెడ్డిలు ఈ ప్రాజెక్టుకు మంగళవారం శంకుస్థాపన చేయనున్నారు. సింగరేణి కంపెనీ రూ. 9.60 కోట్ల విరాళం అందించినట్లు తెలిసింది. హరేకృష్ణ మూవ్‌మెంట్‌ ఛారిటబుల్‌ ఫౌండేషన్‌ సహకారంతో ఈ ప్రాజెక్టును అమలు చేయనున్నారు.

04-10-2026 | 09:16pm

మానవత్వం చాటిన సూర్యాపేట కౌన్సిలర్లు

సూర్యాపేట: ఇటీవల అనారోగ్యంతో మృతి చెందిన 20వ వార్డు కౌన్సిలర్ చెంచల మణిలత భర్త, మాజీ కౌన్సిలర్ చెంచల శ్రీనివాస్ కుటుంబానికి సూర్యాపేట మున్సిపల్ కౌన్సిలర్లు మానవతా దృక్పథంతో అండగా నిలిచారు. పార్టీలకతీతంగా ఏకమై, తమ ఒక నెల గౌరవ వేతనం రూ. 2.40 లక్షలను శ్రీనివాస్ కుటుంబానికి ఆర్థిక సహాయంగా అందజేశారు. ఈ చర్య పట్ల పట్టణ ప్రజలు హర్షం వ్యక్తం చేశారు.

04-10-2026 | 09:12pm

విద్యుత్ కోతలతో ఎండుతున్న సాగర్ ఆయకట్టు

గరిడేపల్లి: విద్యుత్ కోతలతో సాగర్ ఆయకట్టు పరిధిలో వరి పంటలు ఎండిపోతున్నాయని సీపీఐ జిల్లా కార్యవర్గ సభ్యులు పోకల వెంకటేశ్వర్లు ఆవేదన వ్యక్తం చేశారు. రైతులకు 24 గంటల ఉచిత విద్యుత్ హామీ ఇచ్చిన కాంగ్రెస్ ప్రభుత్వం కనీసం 8-9 గంటలు కూడా సక్రమంగా ఇవ్వడం లేదని విమర్శించారు. పొట్ట దశలో ఉన్న వరి పంటలను కాపాడాలని, కనీసం 16 గంటలైనా కరెంట్ ఇవ్వాలని ఆయన డిమాండ్ చేశారు. ఈ సమావేశంలో సీపీఐ మండల కార్యదర్శి కడియాల అప్పయ్య తదితరులు పాల్గొన్నారు.

04-10-2026 | 08:37pm

పిల్లుట్ల రఘుకు సేవా రత్నం అవార్డు

గరిడేపల్లి: ఓజో ఫౌండేషన్ అధినేత, హుజూర్నగర్ నియోజకవర్గ బిఆర్ఎస్ యువ నాయకులు పిల్లుట్ల రఘుకు ఢిల్లీలో సేవారత్నం అవార్డు, డాక్టరేట్ లభించింది. ఈ సందర్భంగా గరిడేపల్లి మండలంలో బిఆర్ఎస్ నాయకులు, మాజీ ప్రజా ప్రతినిధులు ఆయనను ఘనంగా సన్మానించారు. నిరుపేద కుటుంబాలకు అండగా నిలుస్తూ, మారుమూల గ్రామాలలోనూ సేవా కార్యక్రమాలు నిర్వహించి రఘు ప్రత్యేక గుర్తింపు పొందారని వారు వెల్లడించారు. రానున్న రోజుల్లో మరిన్ని సేవా కార్యక్రమాలు చేపడతానని రఘు హామీ ఇచ్చారు.

04-10-2026 | 07:51pm