Breaking News

టైగర్ ష్రాఫ్‌పై కాల్పుల కలకలం! • వినియోగదారులకు శాంసంగ్ గుడ్‌న్యూస్ • ఎయిర్‌టెల్ అదిరిపోయే ఆఫర్ • ఫోర్ ఫాదర్స్ పబ్‌పై కొరడా • సెంచరీతో చెలరేగిన అఘా.. పాక్‌ భారీ స్కోరు • ముగిసిన నామినేషన్ల పర్వం • సీఎం రేవంత్ సీరియస్ • ఆదివారం బంగారం, వెండి ధరలు ఇవే • ఇన్సూరెన్స్ రంగంలో కొత్త సంచలనం • రైతులకు రూ.20 వేల బంపర్ ఆఫర్ •

Districts - Kamareddy

ఐవిఎఫ్ ఆధ్వర్యంలో ఉత్తమ బతుకమ్మ పురస్కారాలు

కామారెడ్డి: కామారెడ్డి జిల్లా కేంద్రంలో ఇంటర్నేషనల్ వైశ్య ఫెడరేషన్ (IVF) ఆధ్వర్యంలో సద్దుల బతుకమ్మ పండుగ పురస్కారాల కార్యక్రమాన్ని ఆదివారం రాత్రి విద్యానగర్ కాలనీలో నిర్వహించారు. ఈ కార్యక్రమానికి ముఖ్యఅతిథిగా జిల్లా న్యాయ సేవాధికారిత సంస్థ కార్యదర్శి నాగరాణి హాజరై, బతుకమ్మ పండుగ మహిళా సాధికారికకు ప్రతీక అని పేర్కొన్నారు. ఉత్తమ బతుకమ్మలను తీర్చిదిద్దిన వారికి అభినందనలు తెలిపి, బహుమతులు అందజేశారు. మహిళలను ప్రోత్సహించాలనే ఉద్దేశంతో ఈ కార్యక్రమాన్ని చేపట్టినట్లు IVF నాయకులు వెల్లడించారు.

18-10-2026 | 09:45pm

కామారెడ్డిలో బతుకమ్మ నిమజ్జనం కోసం పాట్లు

కామారెడ్డి: తెలంగాణ బతుకమ్మ పండుగ సందర్భంగా కామారెడ్డి పెద్ద చెరువు వద్ద బతుకమ్మ నిమజ్జనం ఏర్పాట్లలో మున్సిపల్ అధికారులు నిర్లక్ష్యం వహించారు. విద్యుత్ లైట్లు ఏర్పాటు చేయకపోవడంతో ఆదివారం రాత్రి నిమజ్జనం కోసం వచ్చిన మహిళలు తీవ్ర ఇబ్బందులు పడ్డారు. స్థానిక కౌన్సిలర్ నరేందర్ రెడ్డి ముందుగానే వినతి పత్రం ఇచ్చినా అధికారులు పట్టించుకోలేదని తెలిసింది. ముస్లిం కాంట్రాక్టర్‌కు పనులు అప్పగించడం వల్లే నిర్లక్ష్యం జరిగిందని బిజెపి కౌన్సిలర్ నరేందర్ రెడ్డి ఆరోపించారు. మహిళలు టార్చిలైట్లతో నిమజ్జనం చేసి, అధికారుల తీరుపై ఆగ్రహం వ్యక్తం చేశారు.

18-10-2026 | 08:34pm

గణేష్ కాలనీలో ఘనంగా సద్దుల బతుకమ్మ సంబరాలు

నాగల్‌గిద్ద: నాగల్‌గిద్ద మండలంలోని కరస్‌గుత్తి గ్రామ గణేష్ కాలనీలో సద్దుల బతుకమ్మ సంబరాలను ఆదివారం ఘనంగా నిర్వహించారు. కాలనీ మహిళలు ఒకే రకమైన చీరలు ధరించి, పూలతో బతుకమ్మలను పేర్చి, కోలాటాలతో సందడి చేశారు. డీజే, లైటింగ్ ఏర్పాట్లకు సహకరించిన రేణుక-మారుతి చౌహాన్ దంపతులను కాలనీ ప్రజలు సన్మానించి కృతజ్ఞతలు తెలిపారు. ఈ వేడుకలు గ్రామంలో ప్రత్యేక ఆకర్షణగా నిలిచాయి.

18-10-2026 | 06:14pm

బతుకమ్మ చీరల పంపిణీ చేసిన బిఆర్ఎస్ నాయకులు

నాగిరెడ్డిపేట్: మండలంలోని మాసానీపల్లి గ్రామంలో సద్దుల బతుకమ్మ పండుగ సందర్భంగా బీఆర్ఎస్ నాయకులు చీరల పంపిణీ కార్యక్రమాన్ని నిర్వహించారు. మాజీ ఎమ్మెల్యే నల్లమడుగు సురేందర్ ఆదేశాల మేరకు ముగ్గురు ఆడపడుచులకు బహుమతులుగా చీరలు అందజేశారు. మొదటి బహుమతి బెస్త పద్మకు, రెండవ బహుమతి వరిగే లక్ష్మికి, మూడవ బహుమతి పెద్దపట్లోళ్ల సవితకు లభించాయి. కేసీఆర్ ప్రభుత్వంలో బతుకమ్మ చీరలు అందేవని, కాంగ్రెస్ ప్రభుత్వంలో అవి నిలిచిపోవడం బాధాకరమని బీఆర్ఎస్ గ్రామ అధ్యక్షుడు బొల్లారం రాజు పేర్కొన్నారు.

18-10-2026 | 05:47pm

వైభవంగా సద్దుల బతుకమ్మ పండుగ వేడుకలు

తాడ్వాయి: కామారెడ్డి జిల్లా తాడ్వాయి మండలంలో సద్దుల బతుకమ్మ పండుగ సంబరాలు ఆదివారం ఘనంగా జరిగాయి. మహిళలు రంగురంగుల పూవులతో బతుకమ్మలను పేర్చి, గ్రామ కూడళ్లలో బతుకమ్మ పాటలు పాడుతూ ఆటలు ఆడారు. అనంతరం బతుకమ్మలను చెరువులు, కుంటల్లో నిమజ్జనం చేసి, సద్దులను పంచుకున్నారు. ఎర్రపహాడ్ గ్రామంలో మాజీ ఎమ్మెల్యే ఏనుగు రవీందర్ రెడ్డి సతీమణి మంజుల రెడ్డి బతుకమ్మ వేడుకల్లో పాల్గొన్నారు.

18-10-2026 | 05:29pm

సమాచార హక్కు కమిటీ వర్కింగ్ ప్రెసిడెంట్‌గా బొడ్డు నరేష్

దోమకొండ: సమాచార హక్కు చట్టం సాధన కమిటీ కామారెడ్డి జిల్లా వర్కింగ్ ప్రెసిడెంట్‌గా దోమకొండకు చెందిన సామాజిక కార్యకర్త బొడ్డు నరేష్ కుమార్ నియమితులయ్యారు. జాతీయ కమిటీ ఛైర్మన్ డాక్టర్ చంటి ముదిరాజ్ నియామక పత్రాన్ని అందజేశారు. ప్రజాస్వామ్యంలో సమాచార హక్కు చట్టం కీలకమని, దీనిపై ప్రజల్లో అవగాహన కల్పించాలని జాతీయ ఛైర్మన్ ఆకాంక్షించారు. నరేష్ కుమార్ కమిటీని బలోపేతం చేస్తూ, ప్రజా సమస్యల పరిష్కారానికి కృషి చేస్తానని తెలిపారు.

18-10-2026 | 05:18pm

ఘనంగా సద్దుల బతుకమ్మ వేడుకలు

నిజాంసాగర్: కామారెడ్డి జిల్లా ఉమ్మడి నిజాంసాగర్ మండలంలోని గ్రామాలలో సద్దుల బతుకమ్మ వేడుకలు ఘనంగా జరిగాయి. తెలంగాణ రాష్ట్రంలో పూలను పూజించే సంస్కృతికి ప్రతీకగా నిలిచే ఈ వేడుకల్లో ఆడపడుచులు అందంగా అలంకరించిన బతుకమ్మలతో కోలాటం, దాండియా నృత్యాలు చేస్తూ సంబరాలను ఉత్సాహంగా నిర్వహించినట్లు తెలిసింది.

18-10-2026 | 05:01pm

బ్రహ్మాజీవాడిలో ఘనంగా యజ్ఞం

కామారెడ్డి జిల్లా తాడ్వాయి మండలం బ్రహ్మాజీవాడి గ్రామంలో దుర్గామాత ఆలయం వద్ద ఆదివారం భక్తులు యజ్ఞం ఘనంగా నిర్వహించారు. సకాలంలో వర్షాలు కురిసి, పంటలు బాగా పండాలని అమ్మవారిని వేడుకుంటూ ప్రత్యేక పూజలు చేశారు. ఈ కార్యక్రమంలో దుర్గామాత భక్తులు, యువకులు, గ్రామ పెద్దలు పాల్గొన్నారని తెలిసింది.

18-10-2026 | 04:44pm

కులం పేరుతో దాడి: కఠిన చర్యలు తీసుకోవాలి

నాగిరెడ్డిపేట్: మండలంలోని లింగంపల్లి గ్రామానికి చెందిన బంధముల నరేష్‌పై దాడికి పాల్పడిన వ్యక్తిపై కఠిన చర్యలు తీసుకోవాలని ఎస్సీ, ఎస్టీ జర్నలిస్టు అసోసియేషన్ కామారెడ్డి జిల్లా అధ్యక్షులు కుంటోళ్ళ యాదయ్య, ఎంఆర్‌పిఎస్ నాయకులు డిమాండ్ చేశారు. ఎస్సీ, ఎస్టీ అట్రాసిటీ, హత్యాయత్నం కేసులు నమోదు చేయాలని, దాడికి పాల్పడిన వ్యక్తిని పోలీసులు అదుపులోకి తీసుకోవాలని కోరారు. నరేష్ ఆస్పత్రిలో చికిత్స పొందుతున్నారని, ఎమ్మార్పీఎస్ అండగా ఉంటుందని, అవసరమైతే ఆందోళన చేస్తామని హెచ్చరించారు.

18-10-2026 | 04:27pm

దోమకొండలో వైభవంగా శరన్నవరాత్రి ఉత్సవాలు

దోమకొండ: దోమకొండ మండలంలోని శ్రీ చాముండేశ్వరి దేవి ఆలయంలో శరన్నవరాత్రి ఉత్సవాలు వైభవంగా జరుగుతున్నాయి. దుర్గాష్టమి సందర్భంగా అమ్మవారిని శ్రీ దుర్గాదేవి అలంకారంలో అలంకరించారు. భక్తులు పెద్ద సంఖ్యలో తరలివచ్చి దర్శించుకున్నారు. ఆలయ కమిటీ చండీ హోమం, ప్రత్యేక పూజలు నిర్వహించింది. కామినేని శోభన-అనిల్, పటోల మౌనిక-కృష్ణారెడ్డి దంపతులు, దోమకొండ కల్లు డిపో మేనేజ్‌మెంట్ మొత్తం రూ.40,348 విరాళాలు అందజేశారు. దాతలను ఆలయ కమిటీ సత్కరించింది.

18-10-2026 | 04:24pm

ఎన్‌హెచ్‌ఎం ఉద్యోగుల సమ్మెపై ఎమ్మెల్యే ఫైర్

కామారెడ్డి, అక్టోబర్ 17 (విజయక్రాంతి): కామారెడ్డి ఎమ్మెల్యే కాటిపల్లి వెంకటరమణారెడ్డి జాతీయ ఆరోగ్య మిషన్ ఉద్యోగుల నిరవధిక సమ్మెకు సంఘీభావం తెలిపారు. ఉద్యోగులకు టెంట్ వేసుకునేందుకు అనుమతి ఇవ్వకపోవడం, చంటిపిల్లలతో ఎండలో కూర్చోవాల్సి రావడం ప్రభుత్వ నిరంకుశ ధోరణికి నిదర్శనమని విమర్శించారు. సకాలంలో వేతనాలు చెల్లించాలని, సమాన పనికి సమాన వేతనం అమలు చేయాలని డిమాండ్ చేశారు. ఉద్యోగుల సమస్యలు పరిష్కారమయ్యే వరకు అండగా ఉంటానని హామీ ఇచ్చారు.

18-10-2026 | 09:43am

సద్దుల బతుకమ్మకు లైట్స్ ఏర్పాటు

సదాశివనగర్: మండలంలోని ధర్మరావుపేట గ్రామంలో ఆదివారం జరిగే సద్దుల బతుకమ్మ పండుగ కోసం సర్పంచ్ ఉమర్ చెరువు కట్టపై నూతనంగా సిటీ లైట్స్ ఏర్పాటు చేయించారు. రాత్రి సమయంలో బతుకమ్మ నిమజ్జనంలో ఎటువంటి ఇబ్బందులు తలెత్తకుండా గ్రామ పంచాయతీ ఆధ్వర్యంలో ఈ లైట్లు ఏర్పాటు చేసినట్లు సర్పంచ్ వెల్లడించారు.

17-10-2026 | 11:52pm

సీనియర్ పాత్రికేయులు యండమూరి వరప్రసాద్ కన్నుమూత

బాన్సువాడ: కామారెడ్డి జిల్లా బాన్సువాడకు చెందిన సీనియర్ పాత్రికేయులు యండమూరి వరప్రసాద్ అనారోగ్యంతో శనివారం మధ్యాహ్నం జర్నలిస్టుల కాలనీలోని తన స్వగృహంలో తుదిశ్వాస విడిచారు. సాక్షి, ఆంధ్రజ్యోతి, సూర్య వంటి ప్రముఖ దినపత్రికల్లో పనిచేసిన ఆయన మృతి పాత్రికేయ రంగంలో తీవ్ర విషాదాన్ని నింపింది. వృత్తిపట్ల అంకితభావంతో, నిష్పక్షపాతంగా వార్తలను అందించడంలో ఆయన ప్రత్యేక గుర్తింపు పొందారని పలువురు జర్నలిస్టులు, ప్రముఖులు సంతాపం వ్యక్తం చేశారు.

17-10-2026 | 11:39pm

కుంకుమార్చన పూజలు హోమం కార్యక్రమం

బీబీపేట: శివ్ శక్తి సేన ఆధ్వర్యంలో బీబీపేట మండల కేంద్రంలో మూడో వార్షికోత్సవం శరన్నవరాత్రులలో శనివారం ఘనంగా జరిగింది. ఏడవ రోజు శ్రీ లక్ష్మీ అమ్మవారి అవతారంలో సుమారు 80 మంది భక్తులతో వేద బ్రాహ్మణుడు కుంకుమార్చన పూజ, హోమం వంటి కార్యక్రమాలను నిర్వహించారు. ఈ కార్యక్రమంలో శివ్ సేన యూత్ సభ్యులు, మాల ధారణ భక్తులు పాల్గొన్నారు.

17-10-2026 | 11:16pm