Breaking News

పంటలు ఎండుతుంటే.. ఇతర రాష్ట్రాలకు ఇస్తారా • ఢిల్లీలో హైటెన్షన్‌... బారికేడ్లు ఎక్కిన రాహుల్‌ • రాజ్యసభ బరిలో దినేష్ ఆర్య.. నామినేషన్ దాఖలు • నిజామాబాద్‌లో హైటెన్షన్..ఎమ్మెల్యే అరెస్ట్! • ఢిల్లీలో హైటెన్షన్.. ఎంపీల ర్యాలీ! • స్టేషనరీ పేరుతో బాణాసంచా స్మగ్లింగ్! • బెంగాల్‌ ఉప ఎన్నికల్లో హైటెన్షన్! • కరెంట్ బిల్లు మోత మోగనుందా? • దుకాణాల క్లోజింగ్‌.. హైకోర్టు సీరియస్ • ఈసీ ఆఫీస్‌ వద్ద టెన్షన్‌..మీడియాకు నో ఎంట్రీ •

Districts - Kamareddy

కామారెడ్డి యోగ సెంటర్లో ఆర్ఎస్ఎస్ ప్రతిజ్ఞ

కామారెడ్డి: కామారెడ్డి పట్టణంలోని రామాలయంలోని హనుమాన్ యోగ కేంద్రంలో మంగళవారం ఆర్ఎస్ఎస్ విభాగ్ ప్రచారక్ శివకుమార్ యోగ సభ్యులచే ఆర్ఎస్ఎస్ 100 సంవత్సరాలు పూర్తి చేసుకున్న సందర్భంగా ప్రతిజ్ఞ చేయించారు. ఆర్ఎస్ఎస్ సేవలు దేశానికి ఆదర్శమని, ప్రతి ఒక్కరూ హిందూ ధర్మాన్ని పాటించి భారతదేశాన్ని రక్షించాలని ఆయన పిలుపునిచ్చినట్లు తెలిసింది. ఈ కార్యక్రమంలో పలువురు ప్రముఖులు పాల్గొన్నారు.

06-10-2026 | 02:56pm

దసరా వేళ అప్రమత్తంగా ఉండాలి: సీఐ నరేష్

భిక్కనూర్: దసరా పండుగ సందర్భంగా రద్దీ ప్రాంతాల్లో దొంగతనాల పట్ల ప్రజలు అప్రమత్తంగా ఉండాలని భిక్కనూర్ సీఐ జగడం నరేష్, ఎస్‌ఐ అనిల్ సూచించారు. మార్కెట్లు, దేవాలయాలు, షాపింగ్ ప్రాంతాల్లో మొబైల్ ఫోన్లు, నగదు, బంగారు ఆభరణాలను జాగ్రత్తగా చూసుకోవాలని కోరారు. ద్విచక్ర వాహనాలను లాక్ చేసి సురక్షిత ప్రదేశాల్లో పార్కింగ్ చేయాలని, ఇళ్లకు తాళాలు వేసి వెళ్లేటప్పుడు విలువైన వస్తువులను బహిరంగంగా ఉంచవద్దని తెలిపారు. అనుమానాస్పద వ్యక్తులు కనిపిస్తే పోలీసులకు సమాచారం ఇవ్వాలని పేర్కొన్నారు.

06-10-2026 | 12:10pm

ఎస్సీ బాలికల వసతి గృహంలో హెల్త్ క్యాంప్

బాన్సువాడ: కామారెడ్డి జిల్లా బాన్సువాడ పట్టణంలోని ఎస్సీ బాలికల వసతి గృహంలో మంగళవారం వార్డెన్ గంగా సుధా ఆధ్వర్యంలో హెల్త్ క్యాంప్ నిర్వహించారు. వైద్య సిబ్బంది విద్యార్థినులకు ఆరోగ్య పరీక్షలు నిర్వహించి, వ్యక్తిగత పరిశుభ్రత, పోషకాహారం, ఆరోగ్యకరమైన జీవనశైలిపై అవగాహన కల్పించారు. అనారోగ్య సమస్యలు ఎదురైతే వెంటనే వైద్యులను సంప్రదించాలని సూచించారు. విద్యార్థినుల ఆరోగ్యంపై ప్రత్యేక దృష్టి సారించి ఇలాంటి శిబిరాలు క్రమం తప్పకుండా నిర్వహించాలని అధికారులు ఆదేశించారు.

06-10-2026 | 12:02pm

కామారెడ్డిలో శానిటేషన్ కార్మికుల ధర్నా

మున్సిపల్ సానిటేషన్ కార్మికుల వేధింపులు ఆపాలని డిమాండ్ చేస్తూ మంగళవారం కామారెడ్డి మున్సిపల్ శానిటేషన్ కార్మికులు పని బందు చేసి కార్యాలయం ఎదుట ఆందోళన చేపట్టారు. ఉదయం నాలుగు గంటల నుంచి నిరసన చేపట్టారు. చెత్త బండ్లు కొత్తవి ఏర్పాటు చేయాలని పాతబండ్లతో ఇబ్బందులు ఏర్పడుతున్నాయని ఆందోళన వ్యక్తం చేశారు. మున్సిపల్ అధికారులు, శానిటేషన్ ఇన్స్పెక్టర్ లు శాంటిసన్ జవాన్లు తమ ఇష్టానుసారంగా కార్మికుల పట్ల దుర్సుగా వ్యవహరిస్తున్నారని ఆరోపించారు.

06-10-2026 | 11:32am

పంటలెండుతున్ను.. కరెంట్ ఇయ్యండి!

గంభీరావుపేట/కామారెడ్డి/నిర్మల్, అక్టోబర్ 5: విద్యుత్ కోతలతో పంటలు ఎండిపోతున్నాయని, లో వోల్టేజీతో మోటార్లు కాలిపోతున్నాయని ఆరోపిస్తూ రాష్ట్రంలోని పలు ప్రాంతాల్లో రైతులు ఆందోళనలకు దిగారు. రాజన్న సిరిసిల్ల జిల్లా గంభీరావుపేట మండలంలో రైతులు రహదారిపై బైఠాయించగా, నిర్మల్ జిల్లా సారంగాపూర్ మండల రైతులు కలెక్టరేట్ వద్ద ధర్నా చేశారు. కామారెడ్డి జిల్లా పాల్వంచ మండలంలోనూ రైతులు రాస్తారోకో నిర్వహించారు. అధికారులు హామీ ఇవ్వడంతో ఆందోళనలు విరమించారు.

06-10-2026 | 05:20am

నీళ్లు లేక వాలిపోతున్న కంకులు

తాడ్వాయి: కామారెడ్డి జిల్లా తాడ్వాయి మండలంలో వర్షాభావ పరిస్థితుల కారణంగా మొక్కజొన్న రైతులు తీవ్ర ఇబ్బందులు ఎదుర్కొంటున్నారు. ఈ ఖరీఫ్ సీజన్‌లో 17 వేల ఎకరాల్లో మొక్కజొన్న సాగు చేయగా, గత 25 రోజులుగా వర్షాలు లేకపోవడంతో పంటలు ఎండిపోతున్నాయి. ఇప్పటికే 6 వేల ఎకరాల్లోని మొక్కజొన్న పంటకు నష్టం వాటిల్లగా, రైతులు ఎకరాకు రూ.25 వేల వరకు పెట్టుబడి పెట్టి కనీసం అది కూడా రాదేమోనని ఆందోళన చెందుతున్నారు. ప్రభుత్వం నష్టపరిహారం అందించి ఆదుకోవాలని రైతులు వేడుకుంటున్నారు.

06-10-2026 | 05:20am

ఎల్లారెడ్డిలో భారీ ర్యాలీ

ఎల్లారెడ్డి: కాంగ్రెస్ పార్టీ ఆధ్వర్యంలో అక్టోబర్ 5న ఎల్లారెడ్డి పట్టణంలో అంబేద్కర్ చౌరస్తా నుండి గాంధీ చౌక్ వరకు 'ఓట్ బచావో దేశ్ బచావో' కార్యక్రమంపై భారీ ర్యాలీ నిర్వహించనున్నట్లు కాంగ్రెస్ పార్టీ అధ్యక్షులు కురుమ సాయిబాబా తెలిపారు. ఈ ర్యాలీలో ఎల్లారెడ్డి శాసనసభ్యులు మదన్మోహన్, కామారెడ్డి జిల్లా అధ్యక్షులు ఆలె మల్లికార్జున్ పాల్గొననున్నట్లు వెల్లడించారు. మండలంలోని కాంగ్రెస్ నాయకులు, కార్యకర్తలు అధిక సంఖ్యలో పాల్గొనాలని ఆయన కోరారు.

05-10-2026 | 11:59pm

ఇందిరమ్మ మహిళల లబ్ధిదారులకు మంజూరు పాత్రలో పంపిణీ

నాగిరెడ్డిపేట: మండలంలోని గోపాల్‌పేట్ గ్రామంలో రెండో విడత ఇందిరమ్మ ఇల్లు మంజూరైన తిమ్మాయపల్లి పోచమ్మ, ఎల్పకొండ నవనీతలకు గ్రామ సర్పంచ్ వంశీకృష్ణ గౌడ్ మంజూరు పత్రాలు అందజేశారు. ఇందిరమ్మ ఇళ్ల నిర్మాణాలను వేగవంతం చేసి నాణ్యతతో చేపట్టాలని, బిల్లులు సకాలంలో పొందాలని లబ్ధిదారులకు సూచించారు. ఈ కార్యక్రమంలో పంచాయతీ సెక్రెటరీ సలీం, ఉప సర్పంచ్ గులాం హుస్సేన్ తదితరులు పాల్గొన్నారు.

05-10-2026 | 11:52pm

నాగిరెడ్డిపేట్ మండలంలో సహకార సంఘాల చైర్మన్ల నియామకం

నాగిరెడ్డిపేట్: మండలంలోని తాండూర్ కిచ్చన్నపేట ప్రాథమిక సహకార సంఘం అధ్యక్షులుగా శ్రీధర్ గౌడ్, మాల్తుమ్మెద ప్రాథమిక సహకార సంఘం అధ్యక్షులుగా సురేందర్ గౌడ్ నియమితులయ్యారు. ఈ మేరకు ప్రభుత్వ ఉత్తర్వులు జారీ చేసింది. వీరితో పాటు సహకార సంఘాల డైరెక్టర్లను కూడా నియమించారు. తమ నియామకానికి కృషిచేసిన ఎమ్మెల్యే మదన్మోహన్రావు, డిసిసి అధ్యక్షులు మల్లికార్జున్లకు వారు ప్రత్యేక ధన్యవాదాలు తెలియజేశారు.

05-10-2026 | 11:48pm

నిజాంసాగర్ 25వ నంబర్ కెనాల్ చివరి ఆయకట్టుకు సాగునీరు...

కామారెడ్డి జిల్లా బాన్సువాడ నియోజకవర్గంలోని నిజాంసాగర్ 25వ నంబర్ కెనాల్ చివరి ఆయకట్టులోని కొల్లూరు, నాగారం, దామరంచ, అన్నారం గ్రామాల రైతుల పొలాలకు సాగునీరు అందడం లేదని ప్రభుత్వ వ్యవసాయ సలహాదారులు పోచారం శ్రీనివాసరెడ్డి దృష్టికి తీసుకువచ్చారు. రైతుల సమస్యను తెలుసుకున్న పోచారం వెంటనే ఇరిగేషన్ అధికారులతో మాట్లాడి, కెనాల్‌లోని అడ్డంకులను తొలగించి, చివరి ఆయకట్టు వరకు నీరు చేరేలా చర్యలు తీసుకున్నారు. దీంతో పంటలకు మేలు జరిగిందని రైతులు కృతజ్ఞతలు తెలిపారు. మరో రెండు రోజుల పాటు నీటిని కొనసాగించాలని రైతుల అభ్యర్థన మేరకు పోచారం అధికారులకు సూచించారు.

05-10-2026 | 11:18pm

కృత్రిమ అవయవాల పనితీరును పరిశీలించిన పోచారం భాస్కర్ రెడ్డి..

బాన్సువాడ: కామారెడ్డి జిల్లా బాన్సువాడ పట్టణంలో కృత్రిమ అవయవాలు వినియోగిస్తున్న లబ్ధిదారుల ఇళ్లకు మాజీ డీసీసీబీ చైర్మన్ పోచారం భాస్కర్ రెడ్డి సోమవారం వెళ్లి, వాటి పనితీరు, ఎదురవుతున్న ఇబ్బందులను అడిగి తెలుసుకున్నారు. కృత్రిమ అవయవాల వినియోగంతో వారి దైనందిన జీవితంలో కలుగుతున్న మార్పులను పరిశీలించారు. దివ్యాంగులకు అండగా నిలిచి, వారి స్వావలంబనకు తోడ్పడే కార్యక్రమాలు కొనసాగాల్సిన అవసరం ఉందని ఆయన పేర్కొన్నారు. భాస్కర్ రెడ్డికి లబ్ధిదారులు కృతజ్ఞతలు తెలిపారు.

05-10-2026 | 11:11pm

నాలుగు సింగల్ విండో చెర్మన్ ల నియామకం

సదాశివనగర్: మండలంలోని అడ్లూర్ ఎల్లారెడ్డి, సదాశివనగర్, పద్మాజీవాడి, ఊత్తునూర్ ప్రాథమిక వ్యవసాయ సహకార సంఘాలకు నూతన ఛైర్మన్‌లను నియమిస్తూ ప్రభుత్వం సోమవారం ఉత్తర్వులు జారీ చేసింది. ఎమ్మెల్యే మదన్ మోహన్ రావు నియామక పత్రాలను అందజేశారు. అడ్లూర్ ఎల్లారెడ్డికి బొంబోత్తుల లింగగౌడ్, సదాశివనగర్‌కు గాదారి శ్రీనివాస్ రెడ్డి, పద్మాజీవాడికి నోముల రూపేందర్ రెడ్డి, ఊత్తునూర్ సురేందర్ రాథోడ్‌లను ఛైర్మన్‌లుగా నియమించినట్లు తెలిసింది.

05-10-2026 | 10:50pm

తాడువాయి సింగిల్ విండో చైర్మన్ గా సుధాకర్ రావు...

తాడ్వాయి: కామారెడ్డి జిల్లా తాడ్వాయి సింగిల్ విండో చైర్మన్‌గా సంతాజి గారి సుధాకర్ రావును ఎల్లారెడ్డి ఎమ్మెల్యే కే.మదన్ మోహన్ రావు నియమించారు. పార్టీలో అంకితభావంతో పనిచేసిన వారికి పదవులు దక్కుతాయని మండల పార్టీ అధ్యక్షులు బండారు సంజీవులు ఈ సందర్భంగా పేర్కొన్నారు. ఎమ్మెల్యే పని చేసే వారిని గుర్తించి న్యాయం చేస్తారని తెలిపారు. సుధాకర్ రావు ఎమ్మెల్యేకు కృతజ్ఞతలు వెల్లడించారు.

05-10-2026 | 08:58pm

కాంగ్రెస్ ప్రభుత్వం రైతులను ఆదుకోవాలి...

బాన్సువాడ: నిజామాబాద్ జిల్లా వర్ని మండలంలోని సిద్దాపూర్, శాం రావు తండా, చేలక తండా, చింతల పేట్ తండా శివార్లలో సుమారు 800 ఎకరాల వరి పంటలు సాగునీరు లేక ఎండిపోయాయి. బీఆర్‌ఎస్ నాయకులు మోరిల్ శ్రీనివాసరావు ఈ ప్రాంతాలను సందర్శించి, రైతులకు ధైర్యం చెప్పారు. రైతులకు ఎకరానికి 30 నుండి 40 వేల రూపాయల నష్టపరిహారం అందించాలని, 24 గంటల త్రీ ఫేస్ విద్యుత్ సరఫరా చేయాలని డిమాండ్ చేశారు. సిద్ధాపూర్ రిజర్వాయర్ పనులు పూర్తి చేయాలని రైతులు కోరారు.

05-10-2026 | 08:50pm