Breaking News

ఢిల్లీలో హైటెన్షన్‌... బారికేడ్లు ఎక్కిన రాహుల్‌ • రాజ్యసభ బరిలో దినేష్ ఆర్య.. నామినేషన్ దాఖలు • నిజామాబాద్‌లో హైటెన్షన్..ఎమ్మెల్యే అరెస్ట్! • ఢిల్లీలో హైటెన్షన్.. ఎంపీల ర్యాలీ! • స్టేషనరీ పేరుతో బాణాసంచా స్మగ్లింగ్! • బెంగాల్‌ ఉప ఎన్నికల్లో హైటెన్షన్! • కరెంట్ బిల్లు మోత మోగనుందా? • దుకాణాల క్లోజింగ్‌.. హైకోర్టు సీరియస్ • ఈసీ ఆఫీస్‌ వద్ద టెన్షన్‌..మీడియాకు నో ఎంట్రీ • శంషాబాద్ ఎయిర్‌పోర్టులో బుల్లెట్ కలకలం •

Districts - Nirmal

పాత్రికేయులకు ఇళ్ల స్థలాలు ఇవ్వాలి

నిర్మల్: నిర్మల్ జిల్లా కేంద్రంలో పనిచేస్తున్న పాత్రికేయులకు ఇళ్ల స్థలాలు కేటాయించాలని నిర్మల్ ప్రెస్ క్లబ్ ఆధ్వర్యంలో రాష్ట్ర మంత్రులు పొంగులేటి శ్రీనివాస్ రెడ్డి, జూపల్లి కృష్ణారావులకు వినతిపత్రం సమర్పించారు. ఏళ్ల తరబడిగా జిల్లాలో సేవలు అందిస్తున్న తమకు ప్రభుత్వం ఇళ్ల స్థలాలు ఇచ్చి ఆదుకోవాలని పాత్రికేయులు విన్నవించారు. ఇది రాష్ట్రవ్యాప్త సమస్య అని, దీనికి త్వరలో పరిష్కారం చూపుతామని మంత్రులు హామీ ఇచ్చారు.

05-10-2026 | 10:29pm

ఇందిరమ్మ ఇళ్లకు అనుమతులు ఇవ్వాలి

నిర్మల్: కడెం మండలం ఇస్లాంపూర్ గ్రామ పరిధిలోని కొలంగూడ గిరిజనులకు ప్రభుత్వం మంజూరు చేసిన 31 ఇందిరమ్మ ఇళ్ల నిర్మాణానికి అటవీశాఖ అధికారులు అనుమతులు ఇవ్వాలని డిమాండ్ చేస్తూ సీపీఐ (ఎంఎల్) మాస్‌లైన్ ప్రజాపంథా ఆధ్వర్యంలో నిర్మల్ ఆర్డీవో కార్యాలయం ముందు ధర్నా నిర్వహించారు. టైగర్ జోన్ పేరుతో నిర్మాణాలను నిలిపివేయడం సరికాదని, సమస్యను ఖానాపూర్ ఎమ్మెల్యే, జిల్లా కలెక్టర్ దృష్టికి తీసుకెళ్లినా పరిష్కారం కాలేదని పార్టీ ఉమ్మడి జిల్లా కార్యదర్శి నంది రామయ్య వెల్లడించారు.

05-10-2026 | 10:12pm

ప్రత్యేక ప్రత్యేక కౌంటర్ ద్వారా దరఖాస్తులు

నిర్మల్: జిల్లా వైద్య ఆరోగ్య శాఖలో ఖాళీగా ఉన్న ఫార్మసీ, ఏఎన్ఎంలు, వైద్యుల పోస్టుల కోసం దరఖాస్తుల గడువు సోమవారంతో ముగిసింది. చివరి రోజు కావడంతో పెద్ద ఎత్తున అభ్యర్థులు దరఖాస్తు చేసుకున్నారు. మంత్రుల పర్యటన కారణంగా లోనికి అనుమతి నిరాకరించగా, జిల్లా వైద్యాధికారి రాజేందర్ సమక్షంలో కలెక్టర్ ప్రధాన గేటు బయట ప్రత్యేక కౌంటర్లు ఏర్పాటు చేసి దరఖాస్తులు స్వీకరించినట్లు అధికారులు వెల్లడించారు.

05-10-2026 | 09:48pm

గేటు బయట వేచి చూస్తున్నా సర్పంచులు

నిర్మల్: నిర్మల్ జిల్లాలో రూ.23.35 కోట్లతో చేపట్టే అభివృద్ధి పనులను రాష్ట్ర మంత్రులు జూపల్లి కృష్ణారావు, పొంగులేటి శ్రీనివాస్ రెడ్డి సోమవారం ప్రారంభించారు. బాసర పుష్కరాల అభివృద్ధి పనులు, ఆరోగ్య ఉప కేంద్రాలు, కమ్యూనిటీ భవనాల పనులు ఇందులో ఉన్నాయి. అయితే, ప్రారంభోత్సవానికి వచ్చిన కొందరు సర్పంచులను కలెక్టర్ కార్యాలయంలోకి అనుమతించకపోవడంతో వారు ప్రధాన గేటు వద్దే నిలిచిపోయారు. మంత్రులను కలవడానికి కూడా పోలీసులు అడ్డుకోవడంతో సర్పంచులు అసంతృప్తి వ్యక్తం చేసినట్లు తెలిసింది.

05-10-2026 | 09:24pm

మాజీ గవర్నర్ ను కలిసిన ట్రస్ట్ సభ్యులు

నిర్మల్: అఖిలభారత అయ్యప్ప సేవా ట్రస్ట్ సభ్యులు మిస్సోరం మాజీ గవర్నర్ కుమ్మనం రాజశేఖరన, శబరిమల మేల్ శాంతి గోశాల విష్ణు వాసుదేవన్ నంబూత్రిలను మర్యాదపూర్వకంగా కలిశారు. నవంబర్ నెలలో భక్తులకు అన్నదాన కార్యక్రమం నిర్వహించాలని నిర్ణయించినట్లు వెల్లడించారు. శబరిమలకు సమీపంలోని నారాయణ తోడ గ్రామంలో ప్రతినెల ఆలయం తెరిచిన సమయంలో అన్న సంతర్పణ ప్రారంభించనున్నట్లు పేర్కొన్నారు. గత ఐదేళ్లుగా వేములవాడ, కొండగట్టు, తుల్లపల్లి గ్రామాల్లో ట్రస్ట్ నిర్వహించిన సేవా కార్యక్రమాలను వివరించగా, వారు సానుకూలంగా స్పందించినట్లు తెలిసింది.

05-10-2026 | 07:59pm

బాధితులకు పరామర్శ

కుబీర్: కుభీర్ మండలంలోని డోడర్న నెం.3 గ్రామానికి చెందిన లక్కబాయి చౌహాన్, డోడర్న నెం.4 గ్రామానికి చెందిన నాగిబాయి జాదవ్ కుటుంబాలను ముధోల్ నియోజకవర్గం భారత రాష్ట్ర సమితి సమన్వయ సమితి సభ్యులు కిరణ్ కొమ్రేవర్ పరామర్శించారు. అనారోగ్యంతో ఆస్పత్రిలో చికిత్స పొందిన వారి ఆరోగ్య పరిస్థితిని ఆయన అడిగి తెలుసుకున్నారు. ఈ కార్యక్రమంలో అనిల్, దొంతుల దత్తాత్రి, రావుల పోశెట్టి, సజ్జన్, ప్రదీప్, మహేష్ తదితరులు పాల్గొన్నారు.

04-10-2026 | 06:54pm

ఉచిత గుండె వైద్య శిబిరం

ఖానాపూర్: స్వప్న మల్టీస్పెషల్టీ ఆసుపత్రి ఆధ్వర్యంలో కడెం మండలంలో ఉచిత గుండె వైద్య శిబిరం నిర్వహించారు. గుండె వైద్య నిపుణులు డాక్టర్ కిషన్, డాక్టర్ నాలం శశికాంత్ ఆధ్వర్యంలో రోగులకు ఈసీజీ, షుగర్ పరీక్షలతో పాటు అన్ని రకాల ఆరోగ్య పరీక్షలు నిర్వహించి ఉచితంగా మందులు అందజేశారు. కడెం, దస్తురాబాద్ మండలాల ప్రజలు పెద్ద సంఖ్యలో హాజరై ఈ సేవలను సద్వినియోగం చేసుకున్నారని తెలిసింది.

04-10-2026 | 05:06pm

రైతులకు పోలీసులు అవగాహన

ముధోల్ సీఐ రవీందర్ నాయక్ బాసర మండలం బిద్రెల్లి రైతులకు రహదారులపై పంటలను ఆరబెట్టడం వల్ల కలిగే ప్రమాదాలపై అవగాహన కల్పించారు. రహదారులపై సోయా పంట ఆరబెట్టడం వల్ల రాత్రి వేళల్లో వాహనదారులు ప్రమాదాలకు గురవుతున్నారని, ఎవరైనా ప్రాణాలు కోల్పోతే సంబంధిత రైతులపై చట్టపరమైన చర్యలు తీసుకుంటామని హెచ్చరించారు. రైతులు తమ పంటను సురక్షిత ప్రదేశాల్లో ఆరబెట్టుకోవాలని సూచించారు.

04-10-2026 | 04:56pm

నేడు యథావిధిగా ప్రజావాణి

నిర్మల్: జిల్లా కేంద్రంలోని కలెక్టరేట్‌లో ప్రజావాణి కార్యక్రమం యథావిధిగా కొనసాగుతుందని జిల్లా కలెక్టర్ భవేష్ మిశ్రా తెలిపారు. రాష్ట్ర మంత్రులు పొంగులేటి శ్రీనివాస్‌రెడ్డి, జూపల్లి కృష్ణారావు సోమవారం జిల్లాలో పర్యటించనున్నప్పటికీ, ప్రజావాణి కార్యక్రమంపై ప్రజల్లో ఉన్న సందేహాలకు కలెక్టర్ స్పష్టతనిచ్చారు. ప్రజలు తమ సమస్యలు, వినతులను అధికారుల దృష్టికి తీసుకురావచ్చని, సంబంధిత శాఖల అధికారులు అందుబాటులో ఉంటారని ఆయన పేర్కొన్నారు. జిల్లా ప్రజలు ఈ అవకాశాన్ని సద్వినియోగం చేసుకోవాలని కోరారు.

04-10-2026 | 04:49pm

రోడ్డుపై పంటలు ఆరబెట్టొద్దు

కుభీర్: కుభీర్ మండలంలోని రహదారులపై పంటలను ఆరబెట్టవద్దని ఎస్‌ఐ కృష్ణారెడ్డి రైతులకు సూచించారు. రోడ్లపై పంటలు ఆరబెట్టడం వల్ల వాహనదారులకు ఇబ్బందులు, ప్రమాదాలు జరిగే అవకాశం ఉందని ఆయన తెలిపారు. రాత్రి వేళల్లో పంటలు సరిగా కనిపించకపోవడంతో ప్రమాదాలు పెరిగే అవకాశం ఉందని పేర్కొన్నారు. రైతులు తమ పంటలను పొలాల వద్ద లేదా కల్లాల్లో ఆరబెట్టుకోవాలని, వాహనాల రాకపోకలకు అంతరాయం కలిగించకుండా జాగ్రత్తలు తీసుకోవాలని ఎస్‌ఐ కృష్ణారెడ్డి విజ్ఞప్తి చేశారు.

04-10-2026 | 04:29pm

ఎమ్మెల్యే పరామర్శ

భైంసా: భైంసా మండలం పాంగ్రి గ్రామానికి చెందిన నారాయణ పటేల్ భార్య కుసుంబాయి అనారోగ్యంతో మృతి చెందారు. ఈ విషయం తెలుసుకున్న ముధోల్ ఎమ్మెల్యే పవార్ రామారావు పటేల్ శనివారం వారి కుటుంబాన్ని పరామర్శించారు. మృతురాలి చిత్రపటానికి పూలమాల వేసి నివాళులర్పించి, కుటుంబ సభ్యులకు ప్రగాఢ సానుభూతి తెలియజేశారు. ఈ కష్ట సమయంలో అండగా ఉంటామని భరోసా కల్పించినట్లు తెలిసింది.

03-10-2026 | 08:20pm

ఈనెల 5న మంత్రుల పర్యటన

నిర్మల్: రాష్ట్ర మంత్రులు పొంగులేటి శ్రీనివాస్ రెడ్డి, జూపల్లి కృష్ణారావు సోమవారం నిర్మల్ జిల్లాలో పర్యటించనున్నారు. ఈ పర్యటనకు సంబంధించిన ఏర్పాట్లపై జిల్లా కలెక్టర్ భవేశ్ మిశ్రా శనివారం అధికారులతో సమావేశం నిర్వహించారు. మంత్రుల పర్యటనకు తగిన ఏర్పాట్లు చేయాలని, అధికారులు నివేదికలతో సిద్ధంగా ఉండాలని కలెక్టర్ ఆదేశించారు. పోలీసు బందోబస్తు, ప్రోటోకాల్ పాటించాలని సూచించారు. ఈ సమావేశంలో అదనపు కలెక్టర్ రాథోడ్ రమేష్, ఏఎస్పీ సాయికిరణ్ పాల్గొన్నారు.

03-10-2026 | 08:08pm

పుష్కర ఘాట్లను పరిశీలించిన వైద్యశాఖ డైరెక్టర్

భైంసా: నిర్మల్ జిల్లా బాసర పుష్కర ఘాట్‌ను రాష్ట్ర ప్రజా ఆరోగ్యం మరియు కుటుంబ సంక్షేమ డైరెక్టర్ డాక్టర్ రవీంద్ర నాయక్ శనివారం పరిశీలించారు. పుష్కరాలకు వచ్చే భక్తులకు ఆరోగ్య సమస్యలు తలెత్తకుండా వైద్య సేవలు, అత్యవసర చికిత్స అందించే ఏర్పాట్లను ఆయన సమీక్షించారు. భక్తులకు నాణ్యమైన వైద్య సేవలు అందించేందుకు ప్రణాళిక రూపొందించాలని అధికారులను కోరారు. ఈ కార్యక్రమంలో జిల్లా వైద్య ఆరోగ్య శాఖ అధికారులు పాల్గొన్నారు.

03-10-2026 | 08:03pm

ఆసుపత్రి ఆకస్మిక తనిఖీ

నిర్మల్ జిల్లాలోని బాసర బైంసా పట్టణంలోని ప్రభుత్వ ప్రాథమిక ఆరోగ్య కేంద్రాన్ని డైరెక్టర్ ప్రజారోగ్యం మరియు కుటుంబ సంక్షేమ శాఖ, హైదరాబాద్ డాక్టర్ రవీంద్ర నాయక్ ఈరోజు ఆకస్మికంగా తనిఖీ చేశారు. ఈ సందర్భంగా వైద్య సేవలు, జాతీయ ఆరోగ్య కార్యక్రమాల అమలు, ఔషధాల లభ్యత, రోగుల నమోదు, సిబ్బంది హాజరు, ల్యాబొరేటరీ పరీక్షలు, మాతా శిశు ఆరోగ్య సేవలు, టీకా కార్యక్రమాలు, కుటుంబ నియంత్రణ, ఎన్‌సీడీ స్క్రీనింగ్ వంటి అంశాలను పరిశీలించారు. ప్రజలకు సకాలంలో వైద్య సేవలు అందించాలని ఆయన సూచించారు. ఈ కార్యక్రమంలో జిల్లా వైద్య మరియు ఆరోగ్యశాఖ అధికారి డాక్టర్ రాజేందర్ తదితరులు పాల్గొన్నారు.

03-10-2026 | 07:31pm