Breaking News

ఢిల్లీలో హైటెన్షన్‌... బారికేడ్లు ఎక్కిన రాహుల్‌ • రాజ్యసభ బరిలో దినేష్ ఆర్య.. నామినేషన్ దాఖలు • నిజామాబాద్‌లో హైటెన్షన్..ఎమ్మెల్యే అరెస్ట్! • ఢిల్లీలో హైటెన్షన్.. ఎంపీల ర్యాలీ! • స్టేషనరీ పేరుతో బాణాసంచా స్మగ్లింగ్! • బెంగాల్‌ ఉప ఎన్నికల్లో హైటెన్షన్! • కరెంట్ బిల్లు మోత మోగనుందా? • దుకాణాల క్లోజింగ్‌.. హైకోర్టు సీరియస్ • ఈసీ ఆఫీస్‌ వద్ద టెన్షన్‌..మీడియాకు నో ఎంట్రీ • శంషాబాద్ ఎయిర్‌పోర్టులో బుల్లెట్ కలకలం •

Districts - Medak

ఇంటర్నేషనల్ టీచర్స్ డే సందర్భంగా ఎంఈఓకు ఘన సన్మానం

తూప్రాన్: అంతర్జాతీయ ఉపాధ్యాయ దినోత్సవం సందర్భంగా తూప్రాన్ మండల ఎంఈఓ పర్వతి సత్యనారాయణను సర్పంచుల ఫోరం అధ్యక్షులు ఇస్లాంపూర్ సర్పంచ్ గొల్లపల్లి సంతోష్ రెడ్డి ఆధ్వర్యంలో వివిధ గ్రామాల సర్పంచులు ఘనంగా సన్మానించారు. ఈ కార్యక్రమంలో మున్సిపల్ చైర్మన్ రజిని, యావపూర్ సర్పంచ్ యాంజాల స్వామి, నర్సంపల్లి సర్పంచ్ ధరావత్ భాస్కర్, గుండ్రెడ్డిపల్లి సర్పంచ్ యాదమ్మ, వట్టూరు సర్పంచ్ శ్రీనివాస్, ఇమామ్ పూర్ సర్పంచ్ స్వరూప, దాతర్పల్లి సర్పంచ్, వెంకటరత్నాపూర్ సర్పంచ్, మున్సిపల్ మాజీ కౌన్సిలర్లు, ఉపాధ్యాయులు పాల్గొన్నారు.

05-10-2026 | 11:54pm

భక్తి శ్రద్ధలతో వినాయక నిమజ్జనోత్సవం

శివ్వంపేట: మండల కేంద్రం శివ్వంపేటలో ఆదివారం రాత్రి వినాయక నిమజ్జనోత్సవాన్ని భక్తిశ్రద్ధలతో నిర్వహించారు. ఈ కార్యక్రమంలో మాజీ ఎమ్మెల్యే మైనంపల్లి హనుమంతరావు పాల్గొని ప్రత్యేక పూజలు చేశారు. కాశీక్షేత్రం నుంచి వచ్చిన వేద పండితులు మంత్రోచ్ఛారణల మధ్య పూజలు నిర్వహించి భక్తులకు తీర్థప్రసాదాలు అందజేశారు. అనంతరం గణనాథుడిని నిమజ్జనానికి తరలించారు. శివశక్తి యూత్ అధ్యక్షుడు కొడకంచి శివప్రసాద్ గౌడ్ ఆధ్వర్యంలో మైనంపల్లి హనుమంతరావును సన్మానించినట్లు తెలిసింది.

05-10-2026 | 11:13pm

ఉరి వేసుకుని వ్యక్తి ఆత్మహత్య..

పాపన్నపేట: మండలంలోని పొడ్చన్ పల్లి తండాలో 68 ఏళ్ల పాల్త్య అంబ్రియా అనే వ్యక్తి ఉరి వేసుకుని ఆత్మహత్య చేసుకున్నాడు. వ్యవసాయం చేసుకునే అంబ్రియా, గత కొంతకాలంగా మద్యానికి బానిసై కుటుంబ సభ్యులతో గొడవ పడుతున్నాడని ఎస్సై శ్రీనివాస్ గౌడ్ తెలిపారు. ఆదివారం సాయంత్రం ఇంటికి రాకుండా, సోమవారం ఉదయం తండా సమీపంలోని చెట్టుకు ఉరి వేసుకుని కనిపించాడు. మృతదేహాన్ని మెదక్ జిల్లా ఆస్పత్రికి తరలించగా, మృతుడి కుమారుడు శ్రీను ఫిర్యాదు మేరకు కేసు నమోదు చేసినట్లు ఎస్సై పేర్కొన్నారు.

05-10-2026 | 08:38pm

పీటీఆర్‌ లోపంపై విద్యుత్‌శాఖ అలర్ట్‌..

పాపన్నపేట: మిన్ పూర్ 220/130కేవీ సబ్‌స్టేషన్‌లోని పవర్‌ ట్రాన్స్‌ఫార్మర్‌ (పీటీఆర్‌)లో తలెత్తిన సాంకేతిక సమస్యను సీఏజీఎం జితేష్ వి పాటిల్‌ సోమవారం పరిశీలించారు. పీటీఆర్‌ పనితీరు, లోడ్‌ పరిస్థితి, విద్యుత్‌ సరఫరా వ్యవస్థలోని సంబంధిత పరికరాల పనితీరును ఆయన స్వయంగా పరిశీలించారు. లోపం తలెత్తిన కారణాలను విశ్లేషించి, మరమ్మతు చర్యలు చేపట్టే అంశంపై అధికారులతో చర్చించారు. విద్యుత్‌ సరఫరాలో అంతరాయం లేకుండా ప్రత్యామ్నాయ ఏర్పాట్లు చేయాలని ఆదేశించారు. ఈ పర్యటనలో సీఈ బాలస్వామి, ఎస్ఈ నారాయణనాయక్ తదితరులు పాల్గొన్నారు.

05-10-2026 | 08:06pm

స్వచ్ఛతకు బాట

తూప్రాన్: మెదక్ జిల్లా తూప్రాన్ మండలం కొనాయిపల్లిలో శనివారం ప్రారంభమైన చెత్తబుట్టల పంపిణీ కార్యక్రమం సోమవారం కూడా కొనసాగింది. ఎంపీడీవో శాళిక చేతుల మీదుగా ఈ చెత్తబుట్టలను పంపిణీ చేశారు. గ్రామ సర్పంచ్ కంకణాల నాగమణి మాట్లాడుతూ, గ్రామస్తులు చెత్తను ఎక్కడ పడితే అక్కడ వేయకుండా, అందించిన చెత్తబుట్టల్లో వేసి గ్రామ పంచాయతీ సిబ్బందికి సహకరించాలని కోరారు. ఈ కార్యక్రమంలో గ్రామ సెక్రెటరీ సతీష్ కుమార్, ఉప సర్పంచ్, పాలక వర్గ సభ్యులు పాల్గొన్నారు.

05-10-2026 | 03:03pm

ఏబీవీపీ కీలక బాధ్యతల్లో సంతోష్

పాపన్నపేట: అఖిల భారతీయ విద్యార్థి పరిషత్ (ABVP) మెదక్ విభాగ్ అభ్యాసవర్గ సమావేశాలు అక్టోబర్ 3, 4 తేదీల్లో దుబ్బాకలో జరిగాయి. ఈ సమావేశాల్లో పాపన్నపేటకు చెందిన సంతోష్‌ను మెదక్ జిల్లా హాస్టల్స్ కన్వీనర్‌గా నియమించారు. తనపై ఉంచిన నమ్మకానికి ఏబీవీపీ జిల్లా, రాష్ట్ర బాధ్యులకు సంతోష్ కృతజ్ఞతలు తెలిపారు. విద్యార్థుల సమస్యలపై పోరాడుతూ, జాతీయ పునర్నిర్మాణం కోసం కృషి చేస్తానని ఆయన పేర్కొన్నారు.

05-10-2026 | 12:00pm

క్రికెట్ టోర్నమెంట్‌లో మెరిసిన సహారా యూత్

పాపన్నపేట: అక్టోబర్ 4న పాపన్నపేటలోని ఉన్నత పాఠశాల మైదానంలో దసరాకు దుర్గమ్మను ప్రతిష్టించే యువజన సంఘం ఆధ్వర్యంలో క్రికెట్ టోర్నమెంట్ నిర్వహించారు. మొత్తం 8 జట్లు పాల్గొన్న ఈ పోటీల్లో సహారా యూత్ జట్టు అద్భుత ప్రదర్శనతో విజేతగా నిలిచింది. గ్రామీణ యువతలో క్రీడా స్ఫూర్తిని పెంపొందించడం, ప్రతిభను వెలికితీయడం ఈ టోర్నమెంట్ ముఖ్య ఉద్దేశమని నిర్వాహకులు వెల్లడించారు.

04-10-2026 | 06:51pm

మంజీరా తీరాన భక్తి వెల్లువ..

పాపన్నపేట: ఆదివారం వారాంతపు సెలవు కావడంతో ఏడుపాయల వనదుర్గమ్మ ఆలయం భక్తులతో కిటకిటలాడింది. జిల్లాతో పాటు పొరుగు జిల్లాలు, హైదరాబాద్‌ జంట నగరాల నుంచి వందలాది మంది భక్తులు తరలివచ్చారు. మంజీరా నదిలో పుణ్యస్నానాలు ఆచరించి, అమ్మవారికి బోనాలు, ఓడిబియ్యం సమర్పించి మొక్కులు చెల్లించుకున్నారు. అమ్మ నామస్మరణతో ఆలయ ప్రాంగణం మార్మోగిందని తెలిసింది.

04-10-2026 | 06:47pm

సీఎం రిలీఫ్ ఫండ్ చెక్కును అందజేసిన బిజెపి నాయకులు

చేగుంట: మాసాయిపేట మండలంలోని చెట్ల తిమ్మాయిపల్లి గ్రామానికి చెందిన బట్టి యాదగౌడ్‌కు మెదక్ పార్లమెంట్ సభ్యులు మాధవనేని రఘునందన్ రావు సహకారంతో మంజూరైన రూ.33,000 సీఎం రిలీఫ్ ఫండ్ చెక్కును మాసాయిపేట మండల బీజేపీ అధ్యక్షులు ములుగు నాగేందర్ రెడ్డి అందజేశారు. ఈ కార్యక్రమంలో ఎస్సీ మోర్చా అధ్యక్షులు ఆకారం బాబు, పోతనశెట్టిపల్లి సర్పంచ్ ఉప్పల ప్రశాంత్, మండల ప్రధాన కార్యదర్శి ఏశం నవీన్ యాదవ్ తదితరులు పాల్గొన్నారు.

04-10-2026 | 05:17pm

అముల్ ప్రోడక్ట్ కంపెనీ భూమి పూజ కార్యక్రమానికి విచ్చేసిన

తూప్రాన్: మెదక్ జిల్లా తూప్రాన్ మున్సిపల్ పరిధిలోని బ్రాహ్మణపల్లి రైల్వే ట్రాక్ సమీపంలో సాబర్ డైరీ అమూల్ ప్రోడక్ట్ కంపెనీ భూమి పూజ కార్యక్రమానికి విచ్చేసిన రాష్ట్ర మంత్రులు దుద్దిల్ల శ్రీధర్ బాబు, మెదక్ జిల్లా ఇన్చార్జ్ వివేక్ వెంకటస్వామిలకు తూప్రాన్ టోల్గేట్ వద్ద మెదక్ జిల్లా కాంగ్రెస్ అధ్యక్షులు ఆంజనేయులు గౌడ్, రాష్ట్ర కాంగ్రెస్ నాయకులు చిటుకుల మహిపాల్ రెడ్డి ఘన స్వాగతం పలికారు. మంత్రులకు బొకే అందించి శాలువాతో సన్మానించినట్లు తెలిసింది.

04-10-2026 | 05:16pm

కరెంట్ షాక్ తో వ్యక్తి మృతి

చేగుంట: చేగుంట మండలం పెద్ద శివనూర్ గ్రామంలో కరెంట్ షాక్ తగిలి అన్నం యాదగిరి (50) అనే వ్యక్తి మృతి చెందాడు. తన వ్యవసాయ పొలంలో గడ్డి కోస్తుండగా, పక్కనే ఉన్న కరెంటు వైర్ కొడవలికి తగలడంతో ఈ ప్రమాదం జరిగింది. చేగుంట పోలీసులు కేసు నమోదు చేసి దర్యాప్తు ప్రారంభించారు. మృతదేహాన్ని పోస్టుమార్టం నిమిత్తం తూప్రాన్ ప్రభుత్వ ఆసుపత్రికి తరలించినట్లు తెలిసింది.

04-10-2026 | 05:09pm

నాణ్యమైన విత్తనాల ఎంపికతో అధిక దిగుబడులు

నర్సాపూర్: రైతులు నాణ్యమైన విత్తనాల ఎంపికతో అధిక దిగుబడులు సాధించవచ్చని రైతు విజ్ఞాన కేంద్రం ప్రధాన శాస్త్రవేత్త సతీష్ వెల్లడించారు. నర్సాపూర్, శివంపేట ప్రాథమిక వ్యవసాయ సహకార సంఘాల ఆధ్వర్యంలో నాబార్డ్ సహకారంతో రైతు వేదికలో విత్తన సహకార సంఘాల బలోపేతంపై శిక్షణ కార్యక్రమం నిర్వహించారు. knm1638 రకం విత్తనాలతో అధిక దిగుబడులు వస్తాయని, విత్తనోత్పత్తిలో పాటించాల్సిన మెళకువలు, తెగుళ్ల నివారణపై రైతులకు సలహాలు అందించారు.

03-10-2026 | 08:26pm

బతుకమ్మ వేళ అభివృద్ధికి శ్రీకారం!

రామాయంపేట: బతుకమ్మ పండుగ సందర్భంగా రామాయంపేట మున్సిపాలిటీ పరిధిలోని మల్లచెరువు కట్టపై సీసీ రోడ్ల నిర్మాణ పనులను మున్సిపల్ కౌన్సిలర్ గజవాడ నాగరాజు శనివారం కొబ్బరికాయ కొట్టి ప్రారంభించారు. మెదక్ ఎమ్మెల్యే మైనంపల్లి రోహిత్ రావు ఆదేశాల మేరకు ఈ పనులు చేపట్టినట్లు నాగరాజు వెల్లడించారు. ప్రజలకు మెరుగైన రహదారి సౌకర్యం కల్పించడమే లక్ష్యమని, మౌలిక వసతుల కల్పనకు ప్రాధాన్యత ఇస్తున్నామని ఆయన పేర్కొన్నారు. ఈ కార్యక్రమంలో మున్సిపల్ కమిషనర్ రవీందర్, పలువురు కౌన్సిలర్లు, నాయకులు పాల్గొన్నారు.

03-10-2026 | 06:56pm

ఆరోగ్యశ్రీ యూనియన్ రాష్ట్ర ఉపాధ్యక్షుడిగా అంతొల్ల సురేష్

హైదరాబాద్: రాజీవ్ ఆరోగ్యశ్రీ ఎంప్లాయిస్ యూనియన్ రాష్ట్ర నూతన కమిటీ కొలువుదీరింది. 33 జిల్లాల అధ్యక్ష, కార్యదర్శులు హాజరైన సమావేశంలో గిరి యాదయ్య రెండోసారి రాష్ట్ర అధ్యక్షుడిగా ఎన్నికయ్యారు. ఆయన ఆధ్వర్యంలో నూతన కమిటీని ఏర్పాటు చేయగా, ఎల్లాపూర్ గ్రామానికి చెందిన అంతొల్ల సురేష్‌కు రాష్ట్ర ఉపాధ్యక్షుడిగా బాధ్యతలు అప్పగించారు. ఉద్యోగుల సంక్షేమం, సమస్యల పరిష్కారానికి కృషి చేస్తానని సురేష్ ఈ సందర్భంగా వెల్లడించారు.

03-10-2026 | 06:36pm