Breaking News

టైగర్ ష్రాఫ్‌పై కాల్పుల కలకలం! • వినియోగదారులకు శాంసంగ్ గుడ్‌న్యూస్ • ఎయిర్‌టెల్ అదిరిపోయే ఆఫర్ • ఫోర్ ఫాదర్స్ పబ్‌పై కొరడా • సెంచరీతో చెలరేగిన అఘా.. పాక్‌ భారీ స్కోరు • ముగిసిన నామినేషన్ల పర్వం • సీఎం రేవంత్ సీరియస్ • ఆదివారం బంగారం, వెండి ధరలు ఇవే • ఇన్సూరెన్స్ రంగంలో కొత్త సంచలనం • రైతులకు రూ.20 వేల బంపర్ ఆఫర్ •

Districts - Mancherial

వైభవంగా సద్దుల బతుకమ్మ వేడుకలు

బెల్లంపల్లి: మంచిర్యాల జిల్లా బెల్లంపల్లిలో సద్దుల బతుకమ్మ వేడుకలు అంబరాన్నంటాయి. వాడవాడలా రంగు రంగుల పూలతో బతుకమ్మలను అందంగా తీర్చిదిద్ది, గౌరమ్మకు ప్రత్యేక పూజలు చేసి మహిళలు బతుకమ్మ ఆడారు. మునిసిపల్ చైర్ పర్సన్ దావస్వాతి, మాజీ ఎమ్మెల్యే అమురాజుల శ్రీధర్ వేడుకల్లో పాల్గొన్నారు. ఆటా పాటలతో హోరెత్తిన సంబురాలు పోచమ్మ చెరువులో బతుకమ్మల నిమజ్జనంతో ప్రశాంతంగా ముగిశాయి. పోలీసులు గట్టి బందోబస్తు ఏర్పాటు చేశారు.

18-10-2026 | 10:42pm

చెన్నూర్ లో ఘనంగా సద్దుల బతుకమ్మ సంబరాలు!

చెన్నూర్: మంచిర్యాల జిల్లా చెన్నూర్ పట్టణంలో సద్దుల బతుకమ్మ వేడుకలను మహిళలు అంగరంగ వైభవంగా జరుపుకున్నారు. పట్టణ కేంద్రంతో పాటు మండలంలోని అన్ని గ్రామాల్లో ఆదివారం తీరొక్క పూలతో బతుకమ్మలను పేర్చి, జగన్నాథాలయం ముందు కౌన్సిలర్ శివకృష్ణ ఆధ్వర్యంలో విద్యుత్ దీపాలతో అలంకరించిన వేదికపై సంప్రదాయ పాటలు, కోలాటాలతో ఆడిపాడారు. అనంతరం బతుకమ్మలను పెద్ద చెరువులో నిమజ్జనం చేసినట్లు తెలిసింది.

18-10-2026 | 10:32pm

సమైక్యతతో పండుగలు జరుపుకోవాలి

మందమర్రి: ప్రజలు సమైక్యతతో సంతోషంగా పండుగ జరుపుకోవాలని రాష్ట్ర కార్మిక, ఉపాధి శిక్షణ, కర్మాగార, గనులు భూగర్భ శాఖ మంత్రి గడ్డం వివేక్ వెంకటస్వామి అన్నారు. ఆదివారం క్యాతనపల్లి పురపాలక పరిధిలో జిల్లా కలెక్టర్ కుమార్ దీపక్, సింగరేణి సంస్థ మందమర్రి ఏరియా జనరల్ మేనేజర్ రాధాకృష్ణ, డి.సి.సి. రఘునాథ్, అధికారులతో కలిసి పలు అభివృద్ధి పనుల ప్రారంభోత్సవాలు, ఠాగూర్ స్టేడియంలో ఏర్పాటు చేసిన బతుకమ్మ సంబరాలలో పాల్గొన్నారు. ఈ పండుగల ద్వారా శాంతి, సౌభాగ్యాలు, సామరస్యం చేకూరాలని ఆయన పేర్కొన్నారు.

18-10-2026 | 10:25pm

టీఎన్జీవోస్ ఆధ్వర్యంలో సద్దుల బతుకమ్మ వేడుకలు

మంచిర్యాల టౌన్: తెలంగాణ పూల పండుగ సద్దుల బతుకమ్మ ముగింపు వేడుకలను టీఎన్జీవో హౌసింగ్ బోర్డ్ కాలనీలో మహిళలు, ఆడబిడ్డలు ఆదివారం అత్యంత ఉత్సాహంగా, భక్తిశ్రద్ధలతో జరుపుకున్నారు. కాలనీ ప్రధాన వీధుల గుండా బతుకమ్మలను ఊరేగించి, వేదిక వద్ద ఆటపాటలతో అర్ధరాత్రి వరకు సంబరాలు చేసుకున్నారు. ఉత్సవ కమిటీ అధ్యక్షుడు గడియారం శ్రీహరి, కార్యనిర్వాహక అధ్యక్షుడు గుండేటి యోగేశ్వర్ కుటుంబాలు సుఖసంతోషాలతో ఉండాలని ఆకాంక్షించారు. ఈ కార్యక్రమంలో పలువురు మహిళా బాధ్యులు, అధిక సంఖ్యలో మహిళలు పాల్గొన్నారు.

18-10-2026 | 10:14pm

నూతన సెంట్రల్ లైటింగ్ ని ప్రారంభించిన మంత్రి

మందమర్రి: మంచిర్యాల జిల్లా క్యాతన్‌పల్లి మున్సిపాలిటీ పరిధిలోని గద్దె రాగడిలో కార్మిక, గనుల శాఖ మంత్రి గడ్డం వివేక్ వెంకటస్వామి ఆదివారం సాయంత్రం నూతనంగా ఏర్పాటు చేసిన సెంట్రల్ లైటింగ్‌ను ప్రారంభించారు. ఈ కార్యక్రమంలో జిల్లా కలెక్టర్ కుమార్ దీపక్, డీసీసీ అధ్యక్షుడు రఘునాథ్ రెడ్డి, కాంగ్రెస్ నాయకులు పాల్గొన్నారు.

18-10-2026 | 10:12pm

అంగరంగ వైభవంగా సింగరేణి బతుకమ్మ వేడుకలు

నస్పూర్: మంచిర్యాల జిల్లా శ్రీరాంపూర్ సింగరేణి ఆధ్వర్యంలో కృష్ణ కాలనీలోని శాంతి స్టేడియంలో బతుకమ్మ సంబరాలు ఘనంగా నిర్వహించారు. జీఎం మునిగంటి శ్రీనివాస్, సేవా అధ్యక్షురాలు ఉమారాణి దంపతులు ముఖ్య అతిథులుగా పాల్గొని వేడుకలను ప్రారంభించారు. సింగరేణి ఉద్యోగులు, కుటుంబ సభ్యులు, మహిళలు పెద్ద సంఖ్యలో పాల్గొని బతుకమ్మ ఆటా పాటలతో ఉత్సాహంగా గడిపారు. ఉత్తమ బతుకమ్మలకు బహుమతులు అందజేశారు. సింగరేణి సంస్థ ప్రతి ఏటా ఈ వేడుకలు నిర్వహిస్తుందని జీఎం పేర్కొన్నారు.

18-10-2026 | 10:10pm

అమెరికాలో బతుకమ్మ సంబురాలు

మంచిర్యాల: తెలంగాణ మహిళల పూల పండుగ బతుకమ్మను అమెరికాలోని మేరీల్యాండ్ రాష్ట్రం ఫ్రెడరిక్ సమీపంలోని బ్రన్స్ విక్ లో తెలుగు ప్రజలు ఘనంగా జరుపుకున్నారు. మన బ్రన్స్ విక్ బతుకమ్మ ఆధ్వర్యంలో జరిగిన ఈ వేడుకల్లో తెలంగాణ, ఆంధ్రప్రదేశ్ కు చెందిన వారు అధిక సంఖ్యలో పాల్గొని బతుకమ్మ పాటలకు ఆడారు. మహిళలు తీరొక్క పూలతో బతుకమ్మలను పేర్చి, సద్దులు పంచుకొని, సంప్రదాయబద్ధంగా నిమజ్జనం చేసినట్లు తెలిసింది.

18-10-2026 | 10:03pm

ఘనంగా సద్దుల బతుకమ్మ వేడుకలు

హాజీపూర్: మంచిర్యాల జిల్లా హాజీపూర్ మండలంలో ఆదివారం మహిళలు సద్దుల బతుకమ్మ వేడుకలను ఘనంగా నిర్వహించారు. తొమ్మిది రోజుల బతుకమ్మ పండుగలో భాగంగా చివరి రోజున పెద్ద బతుకమ్మను రంగురంగుల పూలతో అలంకరించి, గ్రామాల్లోని ప్రధాన కూడళ్లలో పాటలు పాడుతూ, ఆటలు ఆడారు. అనంతరం గోదావరి తీరం, చెరువులు, కాలువలు, నీటి గుంతల్లో బతుకమ్మలను నిమజ్జనం చేసి, సద్దులను పంచుకున్నారు.

18-10-2026 | 08:47pm

ప్రజలకు మెరుగైన వైద్య సేవలు అందించాలి

బెల్లంపల్లి: జిల్లా కలెక్టర్ కుమార్ దీపక్ బెల్లంపల్లిలోని 100 పడకల ప్రభుత్వ ఆసుపత్రిని ఆకస్మికంగా సందర్శించారు. ఆసుపత్రికి వచ్చే ప్రజలకు మెరుగైన వైద్య సేవలు అందించాలని, రోగులకు అవసరమైన మందులు అందుబాటులో ఉంచాలని ఆయన ఆదేశించారు. పండుగల వేళల్లో కూడా రోగులకు ఇబ్బందులు లేకుండా చూడాలని, అత్యవసర వార్డు నిరంతరం తెరిచి ఉంచాలని, కనీసం ఒక వైద్యుడు అందుబాటులో ఉండాలని సూచించారు.

18-10-2026 | 07:56pm

ఘనంగా మాజీ ఎమ్మెల్యే బాల్క సుమన్ జన్మదిన వేడుకలు

చెన్నూరు: మంచిర్యాల జిల్లా చెన్నూరు పట్టణంలో మాజీ ఎమ్మెల్యే, బీఆర్ఎస్ జిల్లా అధ్యక్షుడు బాల్క సుమన్ జన్మదిన వేడుకలను బీఆర్ఎస్ నాయకులు ఘనంగా నిర్వహించారు. శివాలయంలో ప్రత్యేక అభిషేక పూజలు, ప్రభుత్వ ఆసుపత్రిలో రోగులకు పండ్ల పంపిణీ, అన్నపూర్ణ ఆశ్రమంలో అన్నదానం చేశారు. ముస్లిం మత పెద్దలతో ప్రార్థనలు నిర్వహించి, ఐబీ వద్ద 43 కిలోల కేక్ కట్ చేసి వేడుకలు జరుపుకున్నారని తెలిసింది.

18-10-2026 | 07:15pm

రాష్ట్ర పక్షి పాలపిట్టను రక్షిద్దాం..

చెన్నూర్: మంచిర్యాల జిల్లా చెన్నూర్ ఫారెస్ట్ డివిజనల్ ఆఫీసర్ (FDO) A. రామమూర్తి రాష్ట్ర పక్షి పాలపిట్టను సంరక్షించడం ప్రతి ఒక్కరి బాధ్యత అని పేర్కొన్నారు. ఆదివారం చెన్నూర్ ఫారెస్ట్ డివిజన్ కార్యాలయంలో ఆయన ఉద్యోగులతో కలిసి “రాష్ట్ర పక్షి పాలపిట్టను రక్షిద్దాం – తెలంగాణ గౌరవాన్ని నిలబెడదాం” అనే సందేశంతో రూపొందించిన పోస్టర్‌ను ఆవిష్కరించారు. పాలపిట్ట ప్రాముఖ్యత, పక్షుల సంరక్షణ, జీవవైవిధ్య పరిరక్షణపై ప్రజల్లో అవగాహన కల్పించడమే ఈ కార్యక్రమం లక్ష్యమని ఆయన వెల్లడించారు.

18-10-2026 | 04:04pm

బెల్లంపల్లి ఆర్ముడ్ హెడ్ క్వార్టర్స్‌లో సీపీ తని

బెల్లంపల్లి, విజయక్రాంతి: రామగుండం పోలీస్ కమిషనర్ అంబర్ కిషోర్ ఝా శనివారం బెల్లంపల్లి ఆర్ముడ్ హెడ్‌క్వార్టర్స్‌ను సందర్శించారు. కార్యాలయం, స్టోర్ రూమ్, రికార్డులను పరిశీలించారు. సిబ్బంది విధులు, విధుల కేటాయింపు, స్పెషల్ పార్టీ కార్యకలాపాలపై ఆర్‌ఐ సంపత్‌ను వివరాలు అడిగి తెలుసుకున్నారు. కార్యాలయాలను పరిశుభ్రంగా ఉంచాలని, సిబ్బందికి అవసరమైన మౌలిక సదుపాయాల నిర్వహణపై ప్రత్యేక దృష్టి సారించాలని అధికారులను ఆదేశించారు.

18-10-2026 | 10:06am

కాంగ్రెస్ అసమర్ధ పాలనతోనే కరెంట్ కోతలు

లక్షేట్టిపేట: కాంగ్రెస్ ప్రభుత్వ అసమర్థ పాలనతోనే రాష్ట్రంలో కరెంట్ కోతలు ప్రారంభమయ్యాయని మాజీ ఎమ్మెల్యే దివాకర్ రావు విమర్శించారు. మంచిర్యాల జిల్లా లక్షేట్టిపేటలో శనివారం రాత్రి కాగడాలతో నిరసన తెలిపి, రాస్తారోకో నిర్వహించారు. రైతుల పంటలకు విద్యుత్ సరఫరా లేకపోవడంతో ఇబ్బందులు ఎదురవుతున్నాయని, రేవంత్ రెడ్డి ప్రభుత్వం విద్యుత్ ఉత్పత్తి కేంద్రాలను పట్టించుకోవడం లేదని ఆయన ఆరోపించారు. వెంటనే రైతులకు 24 గంటల విద్యుత్ అందించాలని డిమాండ్ చేశారు.

17-10-2026 | 11:49pm

వైద్య సేవల్లో నిర్లక్ష్యం వద్దు

లక్షేట్టిపేట: ప్రభుత్వ ఆసుపత్రులలో ప్రజలకు అందించే వైద్య సేవల్లో నిర్లక్ష్యం వహించరాదని జిల్లా కలెక్టర్ కుమార్ దీపక్ అన్నారు. మంచిర్యాల జిల్లా లక్షేట్టిపేట మండల కేంద్రంలోని 30 పడకల ప్రభుత్వ ఆసుపత్రిని శనివారం ఆకస్మికంగా సందర్శించి వైద్య సేవలు, రోగుల సంఖ్య, మందుల లభ్యత, పారిశుద్ధ్య నిర్వహణను పరిశీలించారు. దగ్గు, జలుబు, జ్వరాలతో పాటు డెంగ్యూ లక్షణాలతో వస్తున్న రోగుల వివరాలపై సమీక్షించారు. డెంగ్యూ కేసులు నమోదవుతున్న ప్రాంతాలలో త్రాగునీటి నాణ్యతను పరీక్షించాలని, మురుగు కాలువలను శుభ్రంగా ఉంచాలని అధికారులను ఆదేశించారు.

17-10-2026 | 07:01pm