Breaking News

అనంత్‌జీత్-పరీనాజ్ జోడి సూపర్ • హైదరాబాద్ ఐకాన్‌కు ఏమైంది? • ట్యాంక్‌బండ్‌పై హిట్‌ అండ్‌ రన్ • లక్డీకాపుల్‌లో హైటెన్షన్ • తృటిలో తప్పిన ప్రమాదం! • భారత్ మరో సంచలనం • పోలీసు వాహనానికి ఘోర ప్రమాదం.. ఎస్సై పరిస్థితి? • ప్రీమియర్స్ వేళ.. నానికి బిగ్ షాక్ • కవిత ఓదార్పు.. అండగా ఉంటాం • ఆ రోజు.. ఇన్నర్ రింగ్‌రోడ్, ORR వైపే వెళ్లాలి •

Latest News

హైదరాబాద్ ఐకాన్‌కు ఏమైంది?

హైదరాబాద్: హైదరాబాద్‌ నగరానికి ప్రపంచవ్యాప్తంగా గుర్తింపు తెచ్చిన చార్మినార్‌ వద్ద మరోసారి నిర్వహణ లోపాలు వెలుగుచూశాయి. చార్మినార్‌ మొదటి అంతస్తు నుంచి మరమ్మతులు జరుగుతున్న ప్రాంతానికి చెందిన అలంకార భాగాలు ఊడిపడి కిందకు పడిన ఘటన కలకలం రేపింది. రాత్రి సమయంలో ఈ ఘటన చోటుచేసుకోవడంతో అక్కడ పర్యాటకులు లేకపోవడంతో పెను ప్రమాదం తప్పింది. పగటి సమయంలో భారీగా సందర్శకులు ఉండే ప్రాంతంలో ఇలాంటి ఘటన చోటుచేసుకోవడంపై స్థానికులు, పర్యాటకులు ఆందోళన వ్యక్తం చేస్తున్నారు.

24-09-2026 | 12:40pm

దానం కేసులో సుప్రీం తీర్పు

న్యూఢిల్లీ: విజయక్రాంతి: ఖైరతాబాద్ మాజీ ఎమ్మెల్యే దానం నాగేందర్ అనర్హత వ్యవహారం మరో కీలక మలుపు తిరిగింది. తనపై తెలంగాణ హైకోర్టు విధించిన అనర్హత వేటును సవాల్ చేస్తూ దానం నాగేందర్ సుప్రీంకోర్టును ఆశ్రయించిన విషయం తెలిసిందే. ఈ పిటిషన్‌పై విచారణ సందర్భంగా హైకోర్టు ఇచ్చిన తీర్పును సుప్రీంకోర్టు సమర్థించినట్లు సమాచారం. దానం నాగేందర్ పిటిషన్ ను సుప్రీం కొట్టేసింది. 2023 అసెంబ్లీ ఎన్నికల్లో బీఆర్ఎస్ అభ్యర్థిగా ఖైరతాబాద్ నుంచి దానం నాగేందర్ ఎమ్మెల్యేగా గెలుపొందారు. అనంతరం 2024 లోక్‌సభ ఎన్నికల్లో కాంగ్రెస్ అభ్యర్థిగా సికింద్రాబాద్ లోక్‌సభ స్థానం నుంచి పోటీ చేశారు. ఈ వ్యవహారాన్ని పార్టీ ఫిరాయింపుల నిరోధక చట్టంలోని నిబంధనల పరిధిలో పరిశీలించిన తెలంగాణ హైకోర్టు సెప్టెంబర్ 18న ఆయనను ఎమ్మెల్యే పదవికి అనర్హుడిగా ప్రకటించింది. ఈ అనర్హత 2024 ఏప్రిల్ 23 నుంచి అమల్లోకి వస్తుందని హైకోర్టు స్పష్టం చేసింది. ఖైరతాబాద్ అసెంబ్లీ స్థానాన్ని కూడా ఖాళీగా ప్రకటించింది.

24-09-2026 | 12:25pm

లక్డీకాపుల్‌లో హైటెన్షన్

హైదరాబాద్: లక్డీకాపుల్‌లోని సింగరేణి ప్రధాన కార్యాలయం వద్ద ఉద్రిక్త వాతావరణం నెలకొంది. సింగరేణిలో జరుగుతున్నట్లు ఆరోపణలు వస్తున్న అక్రమాలు, అవకతవకలపై వాస్తవాలను తెలుసుకునేందుకు మాజీ మంత్రి, బీఆర్ఎస్ నేత కొప్పుల ఈశ్వర్, ఎమ్మెల్యే కేపీ వివేకానందతో పాటు పలువురు బీఆర్ఎస్ నాయకులు సింగరేణి హెడ్ ఆఫీస్‌ను సందర్శించేందుకు సిద్ధమయ్యారు. ఈ నేపథ్యంలో ప్రభుత్వం అప్రమత్తమైంది. బీఆర్ఎస్ నాయకులు సింగరేణి కార్యాలయంలోకి వెళ్లకుండా అడ్డుకునే చర్యల్లో భాగంగా హెడ్ ఆఫీస్ పరిసరాల్లో భారీగా పోలీసులను మోహరించారు. కార్యాలయం వద్దకు వచ్చే వాహనాలు, నాయకులు, కార్యకర్తలను పోలీసులు నిశితంగా పరిశీలిస్తున్నారు. ఎలాంటి అవాంఛనీయ ఘటనలు చోటుచేసుకోకుండా బందోబస్తును కట్టుదిట్టం చేశారు.

24-09-2026 | 11:53am

జిల్లాలకు హెచ్చరిక

హైదరాబాద్: ఏపీ, తెలంగాణలో వర్షాల ప్రభావం కొనసాగుతున్న నేపథ్యంలో పలు జిల్లాలకు ఫ్లాష్ ఫ్లడ్ హెచ్చరికలు జారీ అయ్యాయి. భారీ వర్షాలు కురిసే అవకాశం ఉండటంతో లోతట్టు ప్రాంతాలు, వాగులు, వంకలు, నదీ పరివాహక ప్రాంతాల ప్రజలు అప్రమత్తంగా ఉండాలని అధికారులు సూచిస్తున్నారు. తెలంగాణలోనూ ఖమ్మం, భద్రాద్రి కొత్తగూడెం జిల్లాలకు ఫ్లాష్ ఫ్లడ్ హెచ్చరికలు జారీ అయ్యాయి. భారీ వర్షాల కారణంగా వాగులు, వంకలు పొంగిపొర్లే అవకాశం ఉండటంతో అధికారులు అప్రమత్తంగా ఉండాలని సూచిస్తున్నారు.

24-09-2026 | 09:41am

తిరుమల భక్తులకు కీలక సమాచారం

తిరుమల: తిరుమల శ్రీవారి దర్శనానికి భక్తుల రద్దీ కొనసాగుతోంది. తిరుమలలోని వైకుంఠం క్యూ కాంప్లెక్స్‌లోని 31 కంపార్ట్‌మెంట్లలో భక్తులు వేచి ఉన్నారు. టోకెన్లు లేని భక్తులకు శ్రీవారి సర్వదర్శనానికి సుమారు 15 గంటల సమయం పడుతున్నట్లు తిరుమల తిరుపతి దేవస్థానం అధికారులు తెలిపారు. నిన్న మొత్తం 67,632 మంది భక్తులు శ్రీవారిని దర్శించుకున్నారు. స్వామివారిని దర్శించుకున్న భక్తుల్లో పలువురు మొక్కులు చెల్లించుకున్నారు. ఇందులో భాగంగా 24,909 మంది భక్తులు తలనీలాలు సమర్పించారు. భక్తుల రద్దీకి అనుగుణంగా టీటీడీ అధికారులు క్యూ లైన్లలో ఏర్పాట్లను పర్యవేక్షిస్తున్నారు. భక్తులకు తాగునీరు, అన్నప్రసాదం, ఇతర అవసరమైన సౌకర్యాలు అందించేలా చర్యలు చేపడుతున్నారు. శ్రీవారి హుండీ ఆదాయం కూడా భారీగా నమోదైంది. నిన్న స్వామివారి హుండీ ద్వారా రూ.2.91 కోట్ల ఆదాయం వచ్చినట్లు టీటీడీ వెల్లడించింది. తిరుమలకు వచ్చే భక్తుల సంఖ్య, హుండీ ఆదాయం రోజువారీగా గణనీయంగా నమోదవుతోంది. భక్తుల రద్దీ నేపథ్యంలో దర్శనం కోసం వచ్చే వారు తమ ప్రయాణాన్ని ముందుగానే ప్లాన్ చేసుకోవాలని, టీటీడీ సూచనలు పాటిస్తూ క్యూ లైన్లలో సహకరించాలని అధికారులు కోరుతున్నారు.

24-09-2026 | 08:11am

నో ఎంట్రీ!

హైదరాబాద్: గణేశ్ నిమజ్జనం నేపథ్యంలో నగరంలో ట్రాఫిక్ నియంత్రణకు హైదరాబాద్ పోలీసులు ప్రత్యేక చర్యలు చేపట్టారు. ఇందులో భాగంగా ట్యాంక్‌బండ్, నెక్లెస్ రోడ్డులో రేపు ట్రాఫిక్ ఆంక్షలు అమలు చేయనున్నట్లు హైదరాబాద్ సీపీ సజ్జనార్ తెలిపారు. నిమజ్జన ఊరేగింపుల దృష్ట్యా ఈ మార్గాల్లో సాధారణ వాహనాల రాకపోకలకు అనుమతి ఉండదని సీపీ స్పష్టం చేశారు. ప్రజలు ప్రత్యామ్నాయ మార్గాలను ఎంచుకోవాలని, అత్యవసర పరిస్థితులు లేకుండా ఆంక్షలు ఉన్న ప్రాంతాల వైపు వెళ్లకుండా సహకరించాలని పోలీసులు సూచించారు. అలాగే రేపు ప్రైవేట్ బస్సులు, ట్రక్కులను నగరంలోకి అనుమతించబోమని పోలీసులు తెలిపారు. నగరంలో ట్రాఫిక్ రద్దీని తగ్గించడంతో పాటు నిమజ్జన కార్యక్రమాలు సజావుగా జరిగేలా ఈ నిర్ణయం తీసుకున్నట్లు పేర్కొన్నారు.

24-09-2026 | 07:24am

రేపు సెలవు

హైదరాబాద్: గణేశ్ నిమజ్జనం సందర్భంగా ప్రభుత్వం కీలక నిర్ణయం తీసుకుంది. హైదరాబాద్‌తో పాటు పరిసర జిల్లాల్లో వినాయక నిమజ్జన కార్యక్రమాలు భారీగా జరిగే నేపథ్యంలో హైదరాబాద్, రంగారెడ్డి, మేడ్చల్-మల్కాజిగిరి, సంగారెడ్డి జిల్లాల్లో శుక్రవారం సెలవు ప్రకటించింది. నిమజ్జనానికి పెద్ద సంఖ్యలో భక్తులు తరలివచ్చే అవకాశం ఉండటం, ప్రధాన రహదారుల్లో ట్రాఫిక్ రద్దీ ఏర్పడే పరిస్థితులను దృష్టిలో ఉంచుకుని ప్రభుత్వం ఈ నిర్ణయం తీసుకున్నట్లు తెలుస్తోంది. దీంతో ప్రభుత్వ కార్యాలయాలు, సంబంధిత సంస్థలకు సెలవు వర్తించనుంది. మరోవైపు ఈ సెలవుకు బదులుగా నవంబర్ 14న రెండో శనివారం పని దినంగా ప్రభుత్వం ప్రకటించింది.

24-09-2026 | 07:11am

తెలంగాణలో రెడ్ అలర్ట్.. ఐదు జిల్లాలకు హెచ్చరిక

హైదరాబాద్: తెలంగాణలో మరో రెండు రోజుల పాటు భారీ వర్షాలు కురిసే అవకాశం ఉందని భారత వాతావరణ శాఖ హెచ్చరించింది. ఉత్తర, ఈశాన్య తెలంగాణ జిల్లాల్లో భారీ నుంచి అతి భారీ వర్షాలు కురిసే అవకాశం ఉండటంతో పలు జిల్లాలకు రెడ్ అలర్ట్ జారీ చేసింది. గురువారం మంచిర్యాల, కొమురం భీం ఆసిఫాబాద్, జయశంకర్ భూపాల పల్లి, ములుగు, భద్రాద్రి కొత్తగూడెం జిల్లాలకు రెడ్ అలర్ట్ కొనసాగుతోంది. దక్షిణ తెలంగాణ జిల్లాలకు ఎల్లో అలర్ట్ ప్రకటించారు. హైదరాబాద్‌లో సాధారణ నుంచి మోస్తరు వర్షాలు కురిసే అవకాశం ఉందని అధికారులు తెలిపారు. నగరంలో బుధవారం సాయంత్రం నుంచి పలుచోట్ల చిరుజల్లులు, మరికొన్ని ప్రాంతాల్లో జోరుగా వర్షం కురుస్తోంది.

24-09-2026 | 06:38am

రెండు డీఏలకు సానుకూలం

ఉద్యోగులకు రెండు డీఏలు విడు దల చేసేందుకు ప్రభుత్వం సానుకూలంగా స్పందించిందని తెలంగాణ ఉద్యోగుల జేఏసీ చైర్మన్ వీ లచ్చిరెడ్డి తెలిపారు. సీపీఎస్ విషయంలో ఉద్యోగులు, అధికారులతో కలిపి కమిటీని ఏర్పాటు చేసేందుకు ఓకే చెప్పిందన్నారు.సాధ్యమైనంత త్వరగా నిర్ణయం తీసు కుంటామని సీఎస్ హామీ ఇచ్చారని చెప్పా రు. బుధవారం సీఎస్‌తో ఉద్యోగుల జేఏసీ నేతలు సమావేశమయ్యారు.

24-09-2026 | 05:40am

నిబంధనలకు తూట్లు!?

నిజాంపేట్ సర్కిల్ పరిధిలోని అక్రమ నిర్మాణదారులకు అడ్డు అదుపూ లేకుండా పోతుంది. కొంత వరకే అనుమతులు తీసుకొని బహుళ అంతస్తులు నిర్మిస్తూ చట్టాన్ని తమ చేతుల్లోకి తీసుకొని కీలుబొమ్మలా ఆడిస్తున్నారు. మరికొందరు నిర్మాణదారులు అయితే రెసిడెన్షియల్ అనుమతులు తీసుకొని కమర్షియల్ భవనాలుగా నిర్మిస్తూ నిబంధనలకు తూట్లు పొడుస్తున్నారు.

24-09-2026 | 05:05am

ఎల్ నినో పేరుతో కృత్రిమ కరువు

రాష్ట్రంలో కరువు పరిస్థితులకు ఎల్ నినో కారణమని కాంగ్రెస్ ప్రభుత్వం తప్పించుకునే ప్రయత్నం చేస్తోందని మాజీ మంత్రి, బీఆర్‌ఎస్‌ఎల్పీ డిప్యూటీ ఫ్లోర్ లీడర్ హరీశ్‌రావు మండిపడ్డారు. నీళ్లు లేక కరువు రాలేదు.. కృష్ణనదిలో నీళ్లు ఉండీ ఎత్తలేని కాంగ్రెస్ ప్రభుత్వ చేతకానితనంతో కరువు వచ్చిందని ఆయన ధ్వజమెత్తారు. బుధవారం నాగర్‌కర్నూల్ జిల్లా కేంద్రంలోని బీఆర్‌ఎస్ పార్టీ కార్యాలయంలో మీడియా సమావేశంలో మాజీ మంత్రులు సింగిరెడ్డి నిరంజన్‌రెడ్డి, శ్రీనివాస్‌గౌడ్ తో కలిసి మాట్లాడారు.

24-09-2026 | 05:25am

‘సర్’నోటీసులకు స్పందించని ఓటర్లు

ఓటరు జాబితా ప్రత్యేక సమగ్ర సవరణ (సర్) లో భాగంగా ఎన్నికల సంఘం ఇచ్చిన నోటీసులకు జిల్లాలో ఓటర్లు సరిగా స్పందించడం లేదు. జిల్లాలో 574464 మంది మాత్రమే నోటీసులకు స్పందించి హియరింగ్ కు హాజరయ్యారు.773250 మంది హియరింగ్ కు హాజరు కాలేదు.39742 మందిరి షెడ్యూల్ కు దరఖాస్తు చేసుకున్నారు.

24-09-2026 | 05:20am

బేకరీలలో తింటే రోగాలే!

ఘట్కేసర్ సర్కిల్ పరిధిలోని పలు బేకరీలపై ఉప్పల్ జోన్ స్పెషల్ ఆపరేషన్ టీమ్ (ఎస్‌ఓటీ) పోలీసులు జరిపిన దాడులలో విస్తుపోయే నిజాలు బయటపడ్డాయి. బేకరీల నిర్వహకులు లాభాపేక్షతో గడువు ముగిసిన రసాయనాలు ఇతర పదార్థాలతో కేకులు తయారు చేస్తూ ప్రజల ప్రాణాలతో చెలగాటమాడుతున్నట్లు వెళ్లడైంది. ఇటీవల ఘట్కేసర్ లో రెండు బేకరీలలో ఎస్ ఓటి పోలీసులు తనిఖీ చేశారు.

24-09-2026 | 05:20am

‘సూపర్ ఎల్ నినో’ డేంజర్ బెల్స్

ప్రపంచవ్యాప్తంగా సూపర్ ఎల్ నినో డేంజర్ బెల్స్ మోగుతున్నాయి. ఎండల తీవ్రత మరింత దంచికొడుతాయని, సూపర్ ఎల్ నినో కారణంగా రాబోయే రోజుల్లో ప్రపంచవ్యాప్తం గా 4.51లక్షల మరణాలు సంభవించే అవకాశం ఉందని చికాగో క్లుమైట్ ఇంపాక్ట్ ల్యాబ్ నివేదిక బుధవారం పేర్కొంది. భారత్‌లోనూ 15,800 చనిపోయే ప్రమాదం ఉందని హెచ్చరించింది. ప్రభుత్వాలు మేల్కోన కుం టే ముప్పు తప్పదని తేల్చిచెప్పింది.

24-09-2026 | 05:10am