Breaking News

పంటలు ఎండుతుంటే.. ఇతర రాష్ట్రాలకు ఇస్తారా • ఢిల్లీలో హైటెన్షన్‌... బారికేడ్లు ఎక్కిన రాహుల్‌ • రాజ్యసభ బరిలో దినేష్ ఆర్య.. నామినేషన్ దాఖలు • నిజామాబాద్‌లో హైటెన్షన్..ఎమ్మెల్యే అరెస్ట్! • ఢిల్లీలో హైటెన్షన్.. ఎంపీల ర్యాలీ! • స్టేషనరీ పేరుతో బాణాసంచా స్మగ్లింగ్! • బెంగాల్‌ ఉప ఎన్నికల్లో హైటెన్షన్! • కరెంట్ బిల్లు మోత మోగనుందా? • దుకాణాల క్లోజింగ్‌.. హైకోర్టు సీరియస్ • ఈసీ ఆఫీస్‌ వద్ద టెన్షన్‌..మీడియాకు నో ఎంట్రీ •

Districts - Adilabad

బ్రిడ్జి నిర్మించిన ఫలితం లేకుండా పోయింది

బోథ్: సోనాల మండలం మారముల గ్రామమైన పెద్దగూడ గిరిజనుల కష్టాలు తీర్చేందుకు ఆదిలాబాద్ ఎంపీ జి. నగేష్ తన నిధుల నుండి కేటాయించిన 15 లక్షల రూపాయలతో నిర్మించిన బ్రిడ్జి వరద ఉధృతికి రోడ్డు కోతకు గురైంది. కాంట్రాక్టర్ మట్టి నింపినా ఫలితం లేదని గ్రామస్తులు వాపోతున్నారు. బ్రిడ్జికి ఇరువైపులా సైడ్ వాల్స్, సీసీ నిర్మాణం కోసం మరో 15 లక్షల రూపాయలు మంజూరు చేయాలని గ్రామస్తులు ఎంపీని కోరుతున్నారు.

06-10-2026 | 12:06pm

మహిళలు, బాలికలు నూతన చట్టాలపై అవగాహన

ఉట్నూర్: మహిళలు, బాలికలు నూతన చట్టాలపై అవగాహన కలిగి ఉండాలని జిసిడివో మెస్రం ఛాయ అన్నారు. ఇంద్రవెల్లి మండల కేంద్రంలోని పోస్ట్ మెట్రిక్ హాస్టల్‌లో లైంగిక వేధింపులపై అవగాహన కార్యక్రమం నిర్వహించారు. పని ప్రదేశంలో లైంగిక వేధింపుల చట్టం 2013 ప్రకారం పది మందికి పైగా ఉద్యోగులున్న ప్రతి సంస్థలో నివారణ యంత్రాంగం ఉండాలని ఆమె పేర్కొన్నారు. పాష్ చట్టం 2013 మహిళలకు తిరుగులేని ఆయుధమని ఆమె వెల్లడించారు.

05-10-2026 | 09:41pm

PRTU-TS జిల్లా అధ్యక్షుడుకు ఘన సన్మానం

బెల: PRTU-TS ఆదిలాబాద్ జిల్లా అధ్యక్షుడిగా ఏకగ్రీవంగా ఎన్నికైన కొమ్ము కృష్ణ కుమార్‌ను మండల సర్పంచుల సంఘం, కాంగ్రెస్ పార్టీ ప్రతినిధులు ఘనంగా సన్మానించారు. ఉపాధ్యాయుల సమస్యల పరిష్కారం, సంక్షేమం, సంఘ అభివృద్ధికి ఆయన చేస్తున్న కృషిని నాయకులు అభినందించారు. ఈ కార్యక్రమంలో అశోక్ ఠాక్రే, రాందాస్ నాక్లె, వాన్కడే రూప్ రావ్ తదితరులు పాల్గొని శుభాకాంక్షలు తెలిపారు.

05-10-2026 | 09:22pm

ప్రజావాణి దరఖాస్తులు త్వరితగతిన పరిష్కరించాలి

ఉట్నూర్: ఐటీడీఏ ఉట్నూర్ అసిస్టెంట్ ప్రాజెక్టు అధికారి జాదవ్ వసంత్ రావు ప్రజావాణి కార్యక్రమంలో అధికారులను ఆదేశించారు. ప్రజల నుంచి అందిన దరఖాస్తులను క్షేత్రస్థాయిలో పరిశీలించి, సమన్వయంతో త్వరితగతిన పరిష్కరించాలని సూచించారు. జైనూర్, ఇంద్రవెల్లి, గాదిగూడ మండలాల నుంచి వచ్చిన ప్రజలు ఆర్ఓఎఫ్ఆర్ పట్టా, నర్సింగ్ ఉద్యోగం, ఎడ్ల జత, ఆర్థిక సహాయం, పింఛన్లు, ఇందిరమ్మ ఇళ్లు, రైతు భరోసా వంటి సమస్యలపై వినతులు సమర్పించారు. ప్రతి దరఖాస్తును బాధ్యతాయుతంగా పరిశీలించి, నిబంధనల మేరకు పరిష్కరించాలని ఆయన వెల్లడించారు.

05-10-2026 | 07:37pm

బతుకమ్మ ఉత్సవాలకు ఏజెన్సీ నుంచి గునుగు పువ్వులు..

ఉట్నూర్: అక్టోబర్ 10న ప్రారంభమయ్యే బతుకమ్మ ఉత్సవాల కోసం ఆదిలాబాద్ జిల్లా ఉట్నూర్ ఏజెన్సీ ప్రాంతానికి ఉమ్మడి కరీంనగర్, వరంగల్, నిజామాబాద్ జిల్లాల నుండి మహిళలు గునుగు పువ్వుల సేకరణకు ప్రత్యేక వాహనాల్లో తరలివస్తున్నారు. సోమవారం ఉదయం ఉట్నూర్, ఇంద్రవెల్లి, నార్నూర్, గాదిగూడ, సిరికొండ, ఆదిలాబాద్ రూరల్ మండలాల పరిధిలోని పంట చేల నుండి గునుగు పువ్వులను సేకరించినట్లు తెలిసింది.

05-10-2026 | 07:15pm

చేయూత పెన్షన్లపై క్షేత్రస్థాయిలో పరిశీలన

ఉట్నూర్: రాష్ట్ర ప్రభుత్వం మంజూరు చేసే చేయూత పెన్షన్ల కోసం దరఖాస్తు చేసుకున్న అర్హులైన లబ్ధిదారుల వివరాలను డీఆర్డీఓపీడీ, జిల్లా మానిటరింగ్ అధికారి రాథోడ్ రవీందర్ సోమవారం క్షేత్రస్థాయిలో పరిశీలించారు. ఆయనతోపాటు జిల్లా పింఛన్ల ఇన్చార్జి డీపీఎం జాదవ్ శేషారావు, ఎంపీడీవో మహేందర్, ఈజీఎస్ ఏపిఓ జాదవ్ శ్రీనివాసుల పాల్గొన్నారు. ఇంద్రవెల్లిలోని గిరిజన బాలుర వసతి గృహంలో నెలకొన్న నీటి సమస్యను కలెక్టర్ దృష్టికి తీసుకెళ్తానని రవీందర్ హామీ ఇచ్చారు.

05-10-2026 | 07:10pm

ఈ ఏడాది ఉపాధి హామీ కూలీల సంఖ్య పెరిగేలా చూడండి.

బోథ్: ఈ ఏడాది ఎల్ నినో ప్రభావంతో కరువు పరిస్థితులు ఏర్పడే అవకాశం ఉన్నందున ఉపాధి హామీ కూలీల సంఖ్యను పెంచాలని సోనాల ఎంపీడీవో రత్నాకర్ రావు పేర్కొన్నారు. సోమవారం రైతు వేదికలో ఉపాధి హామీ సిబ్బందితో జరిగిన సమావేశంలో, స్థానిక రైతులు, కూలీలు పనుల్లో చేరేలా చూడాలని ఆయన కోరారు. ఏ ఒక్క కూలీ కూడా వలస వెళ్లకుండా చూడాల్సిన బాధ్యత ఉందని, గ్రామ కార్యదర్శులు, సర్పంచులు, ఉపాధి హామీ సిబ్బంది పనులను వేగవంతం చేయాలని సూచించారు.

05-10-2026 | 06:36pm

కడెం నదిలో ఇసుక తోడేళ్లు

బోథ్: సయాద్రి పర్వత శ్రేణుల నుండి ప్రవహించే కడెం నదిలో ఇసుక దొంగలు పడుతున్నారు. నేరడిగొండ మండలంలోని కుట్టి, కుమారి గ్రామాల మధ్యన కడెం నది నుండి ఇసుకను అక్రమంగా తరలిస్తున్నారు. ఎల్ నినో ప్రభావంతో నీటి ఎద్దడి తప్పదని అధికారులు హెచ్చరిస్తున్నప్పటికీ, ఒక గుత్తేదారు పట్టపగలే జెసిపి ద్వారా ట్రాక్టర్లలో ఇసుకను తరలించారు. విషయం గమనించిన కొందరు అధికారులకు ఫిర్యాదు చేయడంతో ట్రాక్టర్, జెసిపిలను నేరడిగొండ పోలీస్ స్టేషన్ కు తరలించినట్లు తెలిసింది. దీంతో భవిష్యత్తులో నీటి ఎద్దడి మరింత తీవ్రమవుతుందని ప్రజలు ఆందోళన వ్యక్తం చేస్తున్నారు.

05-10-2026 | 05:34pm

లబ్ధిదారుల జాబితాపై కసరత్తు

బోథ్: సోనాల మండలంలోని సాకేర గ్రామంలో గజిటెడ్ అధికారులు ఇందిరమ్మ లబ్ధిదారుల గుర్తింపు కార్యక్రమాన్ని చేపట్టారు. వెటర్నరీ డాక్టర్ సుశీల్ తో పాటు ఇతర అధికారులు ఈ సర్వే నిర్వహిస్తున్నారని ఎంపీడీవో రత్నాకర్ రావు వెల్లడించారు. లబ్ధిదారుల గుర్తింపు పూర్తయిన తర్వాత ఇందిరమ్మ లబ్ధిదారుల జాబితా సిద్ధమవుతుందని ఆయన పేర్కొన్నారు.

05-10-2026 | 03:07pm

ప్రజావాణికి నిల్

బోథ్: సోనాల మండల కేంద్రంలో సోమవారం నిర్వహించిన ప్రజావాణి కార్యక్రమానికి దరఖాస్తులు రాలేదని తెలిసింది. నోడల్ అధికారి ఎంపీడీవో రత్నాకర్ రావుతో పాటు ఇతర మండల అధికారులు దరఖాస్తుదారుల కోసం వేచి చూశారు. ప్రజావాణిలో సమర్పించిన దరఖాస్తులకు పరిష్కారం ఉంటుందని నోడల్ అధికారి ఈ సందర్భంగా ప్రజలకు తెలియజేశారు.

05-10-2026 | 02:54pm

చదువుకు అడ్డుగా ఆర్థిక ఇబ్బందులు

బోథ్: మండల కేంద్రానికి చెందిన నిరుపేద విద్యార్థి తిరుణాల సాయిచరణ్ నీట్ పరీక్షలో ఉత్తమ ప్రతిభ కనబరిచి, ఆసిఫాబాద్ ప్రభుత్వ మెడికల్ కళాశాలలో ఎంబిబిఎస్ సీటు సాధించినప్పటికీ ఆర్థిక ఇబ్బందులతో చదువుకు దూరమవుతున్నాడు. ఈ విషయం తెలుసుకున్న మాజీ ఎంపీపీ బూతుల శ్రీనివాస్ సోమవారం ఆయన ఇంటికి వెళ్లి పదివేల రూపాయల ఆర్థిక సహాయం అందించారు. మరికొంతమంది దాతలు కూడా సహాయం చేయాలని ఆయన కోరారు. విద్యార్థులకు స్కాలర్‌షిప్‌లు రాక ఇబ్బందులు పడుతున్నారని ఆయన వెల్లడించారు.

05-10-2026 | 02:52pm

23న కొమరం భీమ్ విగ్రహ ఆవిష్కరణ

ఉట్నూర్: ఆదివాసుల అమరవీరుడు కొమరం భీమ్ విగ్రహాన్ని ఈనెల 23న ఆవిష్కరించాలని సార్ మేడిలు, గ్రామాల పటేళ్లు నిర్ణయించారు. ఆదివారం ఇంద్రవెల్లి మండల కేంద్రంలోని అమరవీరుల స్మారక స్థూపం వద్ద జరిగిన సమావేశంలో ఈ నిర్ణయం తీసుకున్నారు. విగ్రహావిష్కరణకు పెద్ద సంఖ్యలో ఆదివాసి గిరిజనులు పాల్గొనేలా ఈనెల 10వ తేదీ నుండి ప్రత్యేక సమావేశాలు నిర్వహించి అవగాహన కల్పించాలని తీర్మానించారు. ఈ సమావేశంలో మెస్రం వెంకట్రావు, మెస్రం దుర్గు, మెస్రం చిన్ను పటేల్ వంటి సార్ మేడిలు పాల్గొన్నారు.

04-10-2026 | 07:53pm

మృతి చెందిన హమాలి కుటుంబాన్ని పరామర్శించిన

బోథ్: మండల కేంద్రానికి చెందిన సివిల్ సప్లై హమాలీ కార్మికుడు జమ్మూ రాజ్ మహేష్ మృతి చెందడంతో ఏఐటీయూసీ రాష్ట్ర ఉపాధ్యక్షులు ఎస్ విలాస్, సిర్రా దేవేందర్ ఆదివారం ఆయన కుటుంబాన్ని పరామర్శించారు. మహేష్ మృతి కార్మిక లోకానికి తీరని లోటని వారు పేర్కొన్నారు. సివిల్ సప్లై శాఖ తరఫున మృతుని కుటుంబానికి అందాల్సిన అన్ని బెనిఫిట్‌లు అందేలా చూస్తామని హామీ ఇచ్చారు. ఏఐటీయూసీ కార్మికుని కుటుంబానికి అండగా ఉంటుందని జిల్లా అధ్యక్ష, ప్రధాన కార్యదర్శులు బి గోవర్ధన్, దేవేందర్ వెల్లడించారు.

04-10-2026 | 04:08pm

ఎల్ నినో ప్రభావంపై ప్రజలను అప్రమత్తం చేస్తున్నాం: ఎంపీడీవో

బోథ్: రాష్ట్రంలో నెలకొన్న వర్షాభావ పరిస్థితుల దృష్ట్యా ప్రజలను ఎల్ నినో ప్రభావంపై అప్రమత్తం చేస్తున్నామని సోనాల ఎంపీడీవో రత్నాకర్ రావు తెలిపారు. బోరు బావులు ఎండిపోయే ప్రమాదం ఉన్నందున ప్రతి ఇంటి వద్ద ఇంకుడు గుంతలు నిర్మించుకోవాలని సూచించారు. ఉపాధి హామీ కింద కూలీల సంఖ్య పెంచి ఉపాధి కల్పించాలని, 76 ఇందిరమ్మ ఇళ్లు పూర్తయ్యాయని, మరో 121 నిర్మాణంలో ఉన్నాయని వెల్లడించారు. రైతులు రబీ వేయకుంటే మంచిదని, గ్రామ కార్యదర్శులు ప్రజల సమస్యలను పరిష్కరించాలని పేర్కొన్నారు.

04-10-2026 | 03:36pm