Breaking News

పంటలు ఎండుతుంటే.. ఇతర రాష్ట్రాలకు ఇస్తారా • ఢిల్లీలో హైటెన్షన్‌... బారికేడ్లు ఎక్కిన రాహుల్‌ • రాజ్యసభ బరిలో దినేష్ ఆర్య.. నామినేషన్ దాఖలు • నిజామాబాద్‌లో హైటెన్షన్..ఎమ్మెల్యే అరెస్ట్! • ఢిల్లీలో హైటెన్షన్.. ఎంపీల ర్యాలీ! • స్టేషనరీ పేరుతో బాణాసంచా స్మగ్లింగ్! • బెంగాల్‌ ఉప ఎన్నికల్లో హైటెన్షన్! • కరెంట్ బిల్లు మోత మోగనుందా? • దుకాణాల క్లోజింగ్‌.. హైకోర్టు సీరియస్ • ఈసీ ఆఫీస్‌ వద్ద టెన్షన్‌..మీడియాకు నో ఎంట్రీ •

Districts - Nalgonda

కరువు పరిస్థితులపై అఖిల సమావేశం ఏర్పాటు చేయాలి: జూలకంటి

దామరచర్ల: ఖరీఫ్ సీజన్‌లో వర్షాభావం కారణంగా రాష్ట్రంలో వేల ఎకరాల్లో వరి, పత్తి సహా వాణిజ్య పంటలు ఎండిపోతున్నాయని, వాటిని రక్షించడానికి ప్రభుత్వం తక్షణ చర్యలు తీసుకోవాలని సీపీఎం రాష్ట్ర కార్యదర్శివర్గ సభ్యులు జూలకంటి రంగారెడ్డి డిమాండ్ చేశారు. నల్లగొండ జిల్లా దామరచర్ల మండలంలో ఎండిన పంటలను పరిశీలించిన ఆయన, అఖిలపక్ష సమావేశం ఏర్పాటు చేసి, నాగార్జునసాగర్ ఎడమ కాలువ ద్వారా సాగునీటిని విడుదల చేయాలని సూచించారు. రైతులకు ఎకరాకు రూ.20-30 వేల నష్టం వాటిల్లిందని, వారికి నష్టపరిహారం అందించాలని కోరారు.

04-10-2026 | 09:20pm

అధిక ధరలకు యూరియా అమ్మకం

దామరచర్ల: కొండ్రపోల్ గ్రామంలోని రైతు మిత్ర ఎరువుల దుకాణంలో యూరియాను అధిక ధరలకు విక్రయిస్తున్నట్లు వ్యవసాయ శాఖ ఆత్మ ఉద్యోగి కృష్ణ సోషల్ మీడియాలో(Social Media) పోస్ట్ చేయడంతో దుమారం రేగింది. ఒక్కో యూరియా బస్తా రూ.266 ఉండగా, దుకాణ యజమాని జనార్దన్ రెడ్డి రూ.300కు విక్రయించినట్లు కృష్ణ ఆరోపించారు. దీనిపై కృష్ణ వాడపల్లి ఎస్ఐ, వ్యవసాయ శాఖ అధికారులకు ఫిర్యాదు చేయగా, దుకాణంలోని 125 బస్తాల డీఏపీని సీజ్ చేసినట్లు ఏఓ వెల్లడించారు. యూరియాపై రవాణా ఛార్జీలు అదనంగా తీసుకోవచ్చని తెలిపారు.

04-10-2026 | 07:33pm

ఉద్యమకారుల సంక్షేమానికి కొత్త బాధ్యత!

చిట్యాల: తెలంగాణ మలిదశ ఉద్యమకారుల సంక్షేమ సంఘం (టీ.యం.యు.ఎస్) రాష్ట్ర ఉపాధ్యక్షుడిగా చిట్యాల మండలం నేరడ గ్రామానికి చెందిన మంద వేణుగోపాల్ రెడ్డి నియమితులయ్యారు. ఈ నియామకం తక్షణమే అమల్లోకి వస్తుందని సంఘం రాష్ట్ర వ్యవస్థాపక అధ్యక్షుడు కూనూరు సంజయ్ దాస్ గౌడ్ వెల్లడించారు. ఉద్యమకారుల సంక్షేమం, హక్కుల సాధన కోసం టీ.యం.యు.ఎస్ కృషి చేస్తుందని, వేణుగోపాల్ రెడ్డి వారి సమస్యలను ప్రభుత్వం దృష్టికి తీసుకెళ్లడంలో చురుకైన పాత్ర పోషిస్తారని ఆయన పేర్కొన్నారు.

01-10-2026 | 02:47pm

చౌటుప్పల్‌లో రూ.15 కోట్లతో అభివృద్ధి పనులకు శంకుస్థాపన

చౌటుప్పల్: చౌటుప్పల్ మున్సిపాలిటీలో సుమారు రూ.15 కోట్ల వ్యయంతో అంతర్గత రహదారులు, డ్రైనేజీ నిర్మాణ పనులకు మునుగోడు ఎమ్మెల్యే కోమటిరెడ్డి రాజగోపాల్‌రెడ్డి, ఎమ్మెల్సీ నెల్లికంటి సత్యంతో కలిసి మంగళవారం శంకుస్థాపన చేశారు. 9వ వార్డు అంజనా సాయి మేడోస్ కాలనీ, 14వ వార్డు రాజేంద్రనగర్ ప్రాంతాల్లో అభివృద్ధి పనులకు శ్రీకారం చుట్టారు. నాణ్యతా ప్రమాణాలతో పనులు పూర్తి చేయాలని అధికారులను ఎమ్మెల్యే ఆదేశించారు.

29-09-2026 | 11:37pm

మూసీపై వంతెన.. ఏండ్లు గడిచినా అంతేనా?

నల్లగొండ, సూర్యాపేట జిల్లాల మధ్య వారధిగా ఉన్న దామరచర్ల-పాలకవీడు మండలాల మధ్య మూసీ నదిపై వంతెన ప్రమాదకరంగా మారింది. వంతెన ఇరువైపులా రెయిలింగ్ కూలిపోయి, పలుచోట్ల గుంతలు ఏర్పడటంతో వాహనదారులు భయాందోళన చెందుతున్నారు. సిమెంట్, ఇతర పరిశ్రమల ఓవర్‌లోడ్ వాహనాల రాకపోకల వల్ల వంతెన మరింత దెబ్బతిన్నట్లు తెలుస్తోంది. అధికారులు తక్షణమే మరమ్మతులు చేపట్టాలని, ఓవర్‌లోడ్ వాహనాలను నియంత్రించాలని ప్రజలు కోరుతున్నారు.

30-09-2026 | 05:05am

పదేళ్లపాటు పాలనలో ఉండి రేషన్ కార్డులు ఇవ్వలేదు..

మునుగోడు: ఉమ్మడి నల్లగొండ జిల్లా డీసీసీబీ మాజీ చైర్మన్ కుంభం శ్రీనివాస్‌రెడ్డి మునుగోడు మండల కేంద్రంలోని రైతువేదికలో స్మార్ట్ రేషన్ కార్డుల పంపిణీ కార్యక్రమంలో పాల్గొన్నారు. కాంగ్రెస్ ప్రభుత్వం అధికారంలోకి వచ్చిన వెంటనే అర్హులైన కుటుంబాలకు రేషన్ కార్డులు, సన్నబియ్యం పంపిణీ చేస్తోందని ఆయన తెలిపారు. అర్హులైన ప్రతి పేద కుటుంబానికి ప్రభుత్వ సంక్షేమ పథకాలు పారదర్శకంగా అందేలా చర్యలు తీసుకుంటున్నామని పేర్కొన్నారు.

29-09-2026 | 05:27pm

మురుగునీరు నిల్వ లేకుండా చర్యలు చేపట్టాలి..

మునుగోడు: మునుగోడు ఎమ్మెల్యే కోమటిరెడ్డి రాజగోపాల్‌రెడ్డి పట్టణంలో మార్నింగ్ వాక్‌లో భాగంగా పర్యటించి డ్రైనేజీ, తాగునీటి సమస్యలను తెలుసుకున్నారు. మురుగునీరు నిల్వ ఉండకుండా తక్షణ చర్యలు చేపట్టాలని, అవసరమైతే ట్రెంచ్‌లు ఏర్పాటు చేయాలని అధికారులను ఆదేశించారు. డెంగ్యూ వంటి విషజ్వరాలు ప్రబలకుండా పరిసరాలను పరిశుభ్రంగా ఉంచాలని సూచించారు. అనంతరం గంగోరిగూడెం, బీరెల్లిగూడెం గ్రామాల్లో నూతన గ్రామపంచాయతీ, మహిళా సమాఖ్య భవనాలను ఎమ్మెల్సీ నెల్లికంటి సత్యంతో కలిసి ప్రారంభించారు.

29-09-2026 | 05:23pm

గ్రామాభివృద్ధిలో సెక్రటరీలదే కీలకపాత్ర

మునుగోడు: గ్రామాల అభివృద్ధిలో పంచాయతీ సెక్రటరీలదే కీలకపాత్ర అని మునుగోడు ఎమ్మెల్యే కోమటిరెడ్డి రాజగోపాల్‌రెడ్డి స్పష్టం చేశారు. క్యాంపు కార్యాలయంలో సెక్రటరీలతో సమీక్ష నిర్వహించి, ప్రజలకు అందుబాటులో ఉంటూ బాధ్యతాయుతంగా పనిచేయాలని సూచించారు. పారిశుద్ధ్యం, తాగునీరు, వీధిదీపాలు వంటి సమస్యలపై దృష్టి సారించాలని ఆదేశించారు. పనితీరు మెరుగుపర్చుకోని వారు వెళ్లిపోవచ్చని పేర్కొన్నారు. వేసవిలో తాగునీటి సమస్యలు రాకుండా ముందస్తు ప్రణాళికలు సిద్ధం చేయాలని, మల్టీపర్పస్ వర్కర్ల సమస్యలను ప్రభుత్వం దృష్టికి తీసుకెళ్తానని వెల్లడించారు.

28-09-2026 | 10:30pm

అర్హులైన ప్రతి కుటుంబానికి గృహవసతి: ఎమ్మెల్యే బత్తుల లక్ష్మారెడ్డి

దామరచర్ల: ఇందిరమ్మ ఇళ్ల పథకం ద్వారా అర్హులైన ప్రతి కుటుంబానికి గృహ వసతి కల్పిస్తున్నట్లు ఎమ్మెల్యే బత్తుల లక్ష్మారెడ్డి వెల్లడించారు. దామరచర్ల మండలం కొత్తపేట తండాలో నూతనంగా నిర్మించిన ఇందిరమ్మ ఇళ్లను ఆదివారం ఆయన ప్రారంభించారు. సొంత ఇల్లు లేని ప్రతి ఒక్కరికీ ఇందిరమ్మ ఇళ్లను మంజూరు చేస్తానని ఈ సందర్భంగా ఎమ్మెల్యే స్పష్టం చేశారు. తమ సొంత ఇంటి కలను సాకారం చేసుకునే అవకాశం కల్పించినందుకు లబ్ధిదారుల కుటుంబ సభ్యులు ఎమ్మెల్యే బత్తుల లక్ష్మారెడ్డి, ముఖ్యమంత్రి రేవంత్ రెడ్డికి ప్రత్యేక కృతజ్ఞతలు తెలిపారు. ఈ కార్యక్రమంలో స్థానిక ప్రజాప్రతినిధులు, కాంగ్రెస్ నాయకులు, అధికారులు పాల్గొన్నారు.

27-09-2026 | 07:28pm

సొంత గ్రామం లో మొక్కలు నాటిన ఎమ్మెల్సీ శంకర్ నాయక్

దామరచర్ల: సెప్టెంబర్ :25 దామరచర్ల మండలం తన సొంత గ్రామమైన కేతావత్ తండాలో ఎమ్మెల్సీ శ్రీ కేతావత్ శంకర్ నాయక్ శుక్రవారం మొక్కలు నాటారు. ఈ సందర్భంగా ఆయన మాట్లాడుతూ పర్యావరణ పరిరక్షణకు ప్రతి ఒక్కరూ కృషి చేయాలని పిలుపునిచ్చారు. గ్రామంలో మొక్కలు నాటి వాటి సంరక్షణ బాధ్యతను ప్రతి ఒక్కరూ తీసుకోవాలని సూచించారు.

25-09-2026 | 02:48pm

మళ్ళీ కరెంట్ కష్టాలు: మాజీ మంత్రి

తెలంగాణలో మళ్లీ విద్యుత్ కష్టాలు మొదలయ్యాయని మాజీ మంత్రి జగదీశ్ రెడ్డి(Former Minister Jagadish Reddy) అన్నారు. 2014కు ముందు నాటి కరెంట్ కష్టాలు పునరావృతమవుతున్నాయంటూ విమర్శలు చేశారు. ఇళ్లకు పవర్ కట్స్.. పరిశ్రమలకు జనరేటర్లు.. రైతులకు డీజిల్ జనరేటర్ల దుస్థితి నెలకొంటున్నట్లు చెప్పారు. దామరచర్ల 4 వేల మెగావాట్ల ప్లాంట్ దేశంలోనే అతిపెద్దదని చెప్పారు.

24-09-2026 | 08:04pm

మహమ్మాయి ఆలయంలో ఘనంగా వినాయక నవరాత్రి ఉత్సవాలు.

చిట్యాల, సెప్టెంబర్ 23 (విజయక్రాంతి): చిట్యాల మండలం నేరడ గ్రామంలోని శ్రీశ్రీ మహమ్మాయి శాంభవి దేవి ఆలయంలో వినాయక నవరాత్రి ఉత్సవాలు(Vinayaka Navaratri celebrations) ఘనంగా నిర్వహించారు. ఆలయ ప్రధానార్చకులు పెందోట సత్యనారాయణ, సహ అర్చకులు శివకిరణ్ ఆధ్వర్యంలో తొమ్మిది రోజుల పాటు గణనాథునికి ప్రత్యేక పూజలు నిర్వహించారు. బుధవారం గణనాథుని నిమజ్జన శోభాయాత్రను భక్తిశ్రద్ధలతో, కన్నుల పండుగగా నిర్వహించారు. అనంతరం నిర్వహించిన లడ్డూ వేలంపాటలో తట్టుకునూరు శివప్రసాద్ రూ.31,116లకు లడ్డూను దక్కించుకున్నారు.

23-09-2026 | 08:09pm

ఆరోగ్యాన్ని దృష్టిలో పెట్టుకుని డీజేలను నిషేధించాలి..

దామరచర్ల సెప్టెంబర్ 23: అధిక శబ్దంతో నిర్వహిస్తున్న డీజే కార్యక్రమాల వల్ల ప్రజలు తీవ్ర ఇబ్బందులు ఎదుర్కొంటున్నారని, ముఖ్యంగా వృద్ధులు, చిన్నపిల్లలు, గుండె సంబంధిత సమస్యలు ఉన్నవారిపై అధిక శబ్దం ప్రతికూల ప్రభావం చూపే అవకాశం ఉన్నందున డీజే శబ్ద కాలుష్యాన్ని నియంత్రించేందుకు తెలంగాణ ప్రభుత్వం కఠిన చర్యలు తీసుకోవాలని బీసీ జేఏసీ రాష్ట్ర కన్వీనర్ జాజుల లింగంగౌడ్(BC JAC State Convener Jajula Lingam Goud) విజ్ఞప్తి చేశారు.

23-09-2026 | 08:03pm

వనం వారి కృష్టాపురంలో వికసిత్ భారత్ యాక్షన్ ప్లాన్ తయారీ కార్యక్రమం

ముదిగొండ, (విజయక్రాంతి): ఈరోజు వనం వారి కృష్ణాపురం(Krishnapuram) గ్రామపంచాయతీ, ముదిగొండ మండలం నందు గౌరవ సర్పంచ్ గారి అధ్యక్షతన నాలుగు రకాల చెత్త నిర్వహణ, వికసిత్ భారత్ యాక్షన్ ప్లాన్ తయారీ కార్యక్రమం చేపట్టబడినది.

23-09-2026 | 07:03pm