మాచారమే శక్తి.. హక్కుల పరిరక్షణే బాధ్యత!
11-10-2026 | 01:33pm
జనగామ, అక్టోబర్ 11 (విజయక్రాంతి): సమాచార హక్కు చట్టం పరిరక్షణ కమిటీ (Right to Information Protection Committee) జనగామ జిల్లా కార్యదర్శిగా రఘునాథపల్లి మండలం కోడూర్ గ్రామానికి చెందిన బండ నాగరాజు నియమితులయ్యారు. కమిటీ వ్యవస్థాపక జాతీయ అధ్యక్షుడు జంగిటి శ్రీనివాస్ ముదిరాజ్ ఆదేశాల మేరకు, జాతీయ ఉపాధ్యక్షుడు ఏటి ఆంజనేయులు సూచనతో, రాష్ట్ర అధ్యక్షుడు ఎలిగండ్ల వెంకటేష్ ముదిరాజ్, రాష్ట్ర కమిటీ నిర్ణయం మేరకు ఈ నియామకం చేపట్టారు. జిల్లా ఇన్‌చార్జి నీలం భాస్కర్ సూచనతో, జిల్లా అధ్యక్షుడు జావీద్ పాషా సహకారంతో రాష్ట్ర కార్యదర్శి గోపాల్ దాస్ ఉపేందర్ బండ నాగరాజును జిల్లా కార్యదర్శిగా నియమించారు.
సమాచార హక్కు చట్టంపై ప్రజల్లో అవగాహన (Public Awareness) పెంపొందించడం, పారదర్శకత (Transparency), జవాబుదారీతనం (Accountability) ప్రాధాన్యాన్ని ప్రజలకు తెలియజేయడంలో కమిటీ కీలక పాత్ర పోషించనుంది.
