Breaking News

ఒక్కడే @400.. రంజీ ట్రోఫీలో చిన్మయ్ చరిత్ర • ఏళ్ల‌ భూ స‌మ‌స్య‌ల‌కు పరిష్కారం • కాంగ్రెస్ నేతలకు లీగల్ నోటీసులు • ఒక్క చుక్క రక్తమైనా ధారపోశారా..? • ఎల్‌నినోపై మంత్రి తుమ్మల హెచ్చరిక • రూపాయి వెనకడుగు • తెలంగాణలో రూ.50 వేల కోట్ల స్కామ్? • ఊర్లలో తిరగకుండా చేస్తాం.. కవిత వార్నింగ్ • రావణుడి తలల్లో అంతర్జాతీయ ప్రముఖులు • గవర్నర్ విజయదశమి శుభాకాంక్షలు •

Latest News

ముదిరాజులను బీసీ-‘ఏ’లోకి మార్చాలి

ముషీరాబాద్: ముదిరాజులను బీసీ-డి గ్రూపు నుంచి బీసీ-ఏ గ్రూపులోకి మార్చాలని డిమాండ్ చేస్తూ తెలంగాణ ముదిరాజుల ఆత్మగౌరవ పోరాట సంఘం (టి-మ్యాప్స్) రాష్ట్ర కన్వీనర్ పిట్టల భూమేష్ ముదిరాజ్, డ్యాగల రమ ముదిరాజ్ ఆమరణ నిరాహార దీక్ష ప్రారంభించారు. మచ్చ బొల్లారం కార్యాలయంలో సోమవారం మధ్యాహ్నం 3 గంటలకు ఈ దీక్ష చేపట్టారు. కామారెడ్డి డిక్లరేషన్ ప్రకారం ముదిరాజులకు బీసీ-ఏ గ్రూపులో రిజర్వేషన్లు కల్పించాలని, అక్టోబర్ 22న జీవో ప్రకటించాలని వారు డిమాండ్ చేశారు. బీసీఎఫ్ రాష్ట్ర అధ్యక్షుడు నాగనమోని చెన్నరాములు ముదిరాజ్ ఈ దీక్షకు సంపూర్ణ మద్దతు ప్రకటించారు.

20-10-2026 | 05:00am

జీహెచ్‌ఎంసీ శాశ్వత ఉద్యోగుల సమస్యల పరిష్కారానికి కృషి

ముషీరాబాద్: కవాడిగూడ జీహెచ్‌ఎంసీ పార్కింగ్ యార్డులో జరిగిన దసరా ఉత్సవాలకు తెలంగాణ జన సమితి గ్రేటర్ హైదరాబాద్ అధ్యక్షుడు ఎం. నరసయ్య ముఖ్య అతిథిగా హాజరయ్యారు. జీహెచ్‌ఎంసీ శాశ్వత ఉద్యోగుల సమస్యల పరిష్కారానికి కృషి చేస్తామని ఆయన ఈ సందర్భంగా వెల్లడించారు. కాంట్రాక్టు ఉద్యోగుల సమస్యల పరిష్కారానికి ప్రొఫెసర్ కోదండరామ్ నాయకత్వంలో ఉద్యమాన్ని ఉధృతం చేస్తామని మహమ్మద్ జహీర్ పేర్కొన్నారు.

20-10-2026 | 05:10am

అలై బలై గీతాన్ని ఆవిష్కరించిన దత్తాత్రేయ

హైదరాబాద్: తెలంగాణ సంస్కృతి, సంప్రదాయాలకు ప్రతీకగా నిలిచే ‘దత్తన్న అలై బలై 2026’ కార్యక్రమానికి సంబంధించిన గీతాన్ని మాజీ గవర్నర్ బండారు దత్తాత్రేయ సోమవారం ఆవిష్కరించారు. ప్రముఖ జానపద గాయకుడు నర్సీ రెడ్డి (నల్గొండ గద్దర్) ఆలపించిన ఈ పాటను విడుదల చేశారు. ఈ వేడుకలను ఈనెల 22న ఉదయం 10 గంటలకు నాంపల్లి ఎగ్జిబిషన్ గ్రౌండ్స్‌లో నిర్వహించనున్నట్లు నిర్వాహకులు వెల్లడించారు. ఈ కార్యక్రమంలో అలై బలై ఫౌండేషన్ చైర్‌పర్సన్ బండారు విజయలక్ష్మి పాల్గొన్నారు.

20-10-2026 | 05:00am

ప్రొఫెషనల్స్‌ను భాగస్వామ్యం చేయాలి

హైదరాబాద్: రాష్ట్రంలో ప్రభుత్వం అమలు చేస్తున్న అభివృద్ధి, సంక్షేమ కార్యక్రమాలను ప్రజల్లోకి విస్తృతంగా తీసుకెళ్లేందుకు ప్రొఫెషనల్స్‌ను భాగస్వామ్యం చేయాలని ముఖ్యమంత్రి రేవంత్‌రెడ్డి అన్నారు. సోమవారం ఎంసీహెచ్‌ఆర్డీ కేంద్రంలో ఆల్ ఇండియా ప్రొఫెషనల్స్ కాంగ్రెస్ (ఏఐపీసీ) చైర్మన్ మధుయాష్కీ గౌడ్‌ సీఎంను మర్యాదపూర్వకంగా కలిశారు. ఈ సందర్భంగా రాష్ట్ర ఆర్థిక పరిస్థితి, సంక్షేమ పథకాలు, ఫీజు రీయింబర్స్‌మెంట్, గత ప్రభుత్వ అప్పులపై చర్చించినట్లు తెలిసింది.

20-10-2026 | 05:05am

ఫ్యూచర్ సిటీకి కొత్త పోలీస్ కమిషనరేట్.. ప్రారంభించిన సీఎం

ఇబ్రహీంపట్నం: తెలంగాణలో పోలీసు వ్యవస్థను బలోపేతం చేసే లక్ష్యంతో ఫ్యూచర్ సిటీ పోలీస్ కమిషనరేట్‌ను ముఖ్యమంత్రి ఎ. రేవంత్ రెడ్డి ప్రారంభించారు. ఇబ్రహీంపట్నంలో నూతనంగా ఏర్పాటు చేసిన ఈ కమిషనరేట్‌తో పాటు ఫ్యూచర్ సిటీ పోలీస్ కమిషనర్ డాక్టర్ తరుణ్ జోషీ కార్యాలయాన్ని కూడా సీఎం ప్రారంభించారు. ఈ కార్యక్రమంలో ఎంపీలు, ఎమ్మెల్యేలు, తెలంగాణ డీజీపీ సీవీ ఆనంద్ సహా పలువురు ఉన్నతాధికారులు పాల్గొన్నారు.

19-10-2026 | 08:28pm

ఏళ్ల‌ భూ స‌మ‌స్య‌ల‌కు పరిష్కారం

హైదరాబాద్: తెలంగాణలో దశాబ్దాలుగా పెండింగ్‌లో ఉన్న భూ వివాదాలకు శాశ్వత పరిష్కారం చూపడమే ప్రభుత్వ లక్ష్యమని రెవెన్యూ శాఖ మంత్రి పొంగులేటి శ్రీనివాసరెడ్డి స్పష్టం చేశారు. భూ భారతి, రెవెన్యూ శాఖ పనితీరుపై సమీక్షా సమావేశం నిర్వహించిన ఆయన, భూ రికార్డుల నిర్వహణలో పారదర్శకత పెంచేందుకు చర్యలు చేపడుతున్నట్లు తెలిపారు. గత 34 నెలల్లో 12,40,366 మంది రైతులకు పట్టాదారు పాస్‌బుక్స్ జారీ చేసినట్లు, రీ-సర్వే ప్రక్రియ ద్వారా అర్హులైన రైతులకు చట్టబద్ధమైన భూహక్కులు కల్పించేందుకు ప్రభుత్వం కృషి చేస్తోందని వెల్లడించారు.

19-10-2026 | 05:59pm

కాంగ్రెస్ నేతలకు లీగల్ నోటీసులు

హైదరాబాద్: కొండపోచమ్మ సాగర్ నీటిని కేసీఆర్ ఫామ్‌హౌస్‌కు మళ్లించారన్న ఆరోపణలపై బీఆర్ఎస్ కాంగ్రెస్ నేతలకు, ప్రముఖ దినపత్రికకు లీగల్ నోటీసులు జారీ చేసింది. టీపీసీసీ అధ్యక్షుడు మహేశ్ కుమార్ గౌడ్, మంత్రి పొంగులేటి శ్రీనివాస రెడ్డి, ఎంపీ వంశీకృష్ణ గడ్డం నోటీసులు అందుకున్న వారిలో ఉన్నారు. ఆరోపణలకు సంబంధించిన సోషల్ మీడియా పోస్టులను తొలగించి, బహిరంగ ప్రచారాన్ని ఉపసంహరించుకోవాలని బీఆర్ఎస్ డిమాండ్ చేసింది. లేనిపక్షంలో చట్టపరమైన చర్యలు తీసుకుంటామని హెచ్చరించింది.

19-10-2026 | 05:42pm

ఒక్క చుక్క రక్తమైనా ధారపోశారా..?

హైదరాబాద్: టీపీసీసీ అధ్యక్షుడు మహేశ్ కుమార్ గౌడ్ చార్మినార్ వద్ద రాజీవ్ గాంధీ సద్భావనా యాత్ర స్ఫూర్తిని గుర్తుచేస్తూ బీజేపీ, ఆర్ఎస్ఎస్ దేశం కోసం త్యాగాలు చేయలేదని విమర్శించారు. కాంగ్రెస్ చరిత్ర త్యాగాలకు నిదర్శనమని, రాజీవ్ గాంధీ ఆధునిక సాంకేతికత, 18 ఏళ్లకే ఓటు హక్కు కల్పించడంలో కీలక పాత్ర పోషించారని పేర్కొన్నారు. ఇందిరా గాంధీ, సోనియా గాంధీ త్యాగాలను ప్రస్తావిస్తూ, ప్రజాస్వామ్య వ్యవస్థలను కాపాడాలని పిలుపునిచ్చారు.

19-10-2026 | 05:22pm

దసరాకు సొంతూరికి సీఎం రేవంత్

హైదరాబాద్: తెలంగాణ ముఖ్యమంత్రి రేవంత్ రెడ్డి రేపు నాగర్ కర్నూల్ జిల్లాలోని తన సొంతూరు కొండారెడ్డి పల్లిలో పర్యటించనున్నారు. దసరా వేడుకల్లో పాల్గొనేందుకు గ్రామానికి వెళ్లనున్న ఆయన, పలు అభివృద్ధి కార్యక్రమాలను ప్రారంభించడంతో పాటు కొత్త ప్రాజెక్టులకు శంకుస్థాపనలు చేయనున్నారు. భూగర్భ మురుగునీటి శుద్ధి కేంద్రం, ప్రాథమిక ఆరోగ్య కేంద్రాన్ని ప్రారంభించి, మూడు ఏటీసీ కేంద్రాల నిర్మాణానికి శంకుస్థాపన చేయనున్నట్లు తెలిసింది. సీఎం పర్యటనపై స్థానికంగా ఆసక్తి నెలకొంది.

19-10-2026 | 05:05pm

ఎల్‌నినోపై మంత్రి తుమ్మల హెచ్చరిక

భద్రాద్రి కొత్తగూడెం: తెలంగాణలో ఎల్‌నినో ప్రభావంతో వర్షాలు తగ్గి, భూగర్భజలాలు పడిపోయే ప్రమాదం ఉందని, ఉష్ణోగ్రతలు 50 డిగ్రీల సెల్సియస్‌ను దాటే అవకాశం ఉందని రాష్ట్ర వ్యవసాయ శాఖ మంత్రి తుమ్మల నాగేశ్వరరావు ఆందోళన వ్యక్తం చేశారు. తాగునీటి అవసరాల కోసం గోదావరి జలాలను నిల్వ చేసేందుకు దుమ్ముగూడెం ఆనకట్టపై ఇసుక బస్తాలు ఏర్పాటు చేయాలని ప్రభుత్వం నిర్ణయించినట్లు వెల్లడించారు. రైతులు వరి సాగుకు దూరంగా ఉండాలని సూచించారు.

19-10-2026 | 04:54pm

ఎల్ నినో ప్రభావంపై నజర్.. కమిటీలో ఆరుగురు మంత్రులు

హైదరాబాద్: తెలంగాణ ప్రభుత్వం ఎల్ నినో పరిస్థితుల సమీక్ష కోసం ఉపముఖ్యమంత్రి భట్టి విక్రమార్క నేతృత్వంలో మంత్రివర్గ ఉపసంఘాన్ని ఏర్పాటు చేసింది. మంత్రులు ఉత్తమ్ కుమార్ రెడ్డి, పొంగులేటి శ్రీనివాస్ రెడ్డి, సీతక్క, తుమ్మల నాగేశ్వరరావు, వాకిటి శ్రీహరి సభ్యులుగా ఉన్నారు. ముఖ్యమంత్రి సలహాదారు రామకృష్ణారావు ప్రత్యేక ఆహ్వానితుడిగా వ్యవహరించనున్నారు. వాతావరణ మార్పులు, వర్షపాతం, ఉష్ణోగ్రతలు, వ్యవసాయ రంగంపై ఎల్ నినో ప్రభావాలను ఈ కమిటీ పర్యవేక్షించి, అవసరమైన సూచనలు జారీ చేయనుంది.

19-10-2026 | 04:26pm

తెలంగాణలో రూ.50 వేల కోట్ల స్కామ్?

హైదరాబాద్: తెలంగాణలో రూ.50,000 కోట్ల భూముల కుంభకోణం జరిగిందని బీఆర్ఎస్ నేత మన్నె క్రిశాంక్ ఆరోపించారు. సెక్షన్ 22A కింద నిషేధిత జాబితాలోని భూముల్లో అవకతవకలు జరిగాయని, సీఎం రేవంత్ రెడ్డి సోదరుడు కృష్ణారెడ్డికి ఇందులో ప్రమేయం ఉందని పేర్కొన్నారు. చేవెళ్లలోని చందన్‌వల్లి గ్రామంలో సర్వే నంబర్ 363 భూమిని అక్రమంగా రిజిస్ట్రేషన్ చేశారని, దీనిపై సీబీఐ విచారణకు ఆదేశించాలని డిమాండ్ చేశారు. ఆసుపత్రి, ఫార్మా కంపెనీ, కార్పొరేట్ స్కూళ్ల లావాదేవీలపైనా ప్రశ్నలు లేవనెత్తారు.

19-10-2026 | 04:25pm

ఊర్లలో తిరగకుండా చేస్తాం.. కవిత వార్నింగ్

భూపాలపల్లి: తెలంగాణ రక్షణ సేన అధ్యక్షురాలు కల్వకుంట్ల కవిత కాళేశ్వరం ప్రాజెక్టులోని కన్నెపల్లి పంప్‌హౌస్ వద్ద ప్రాణహిత నది ప్రవాహాన్ని పరిశీలించి, రైతులకు నీటిని అందించేందుకు కొత్త ప్రతిపాదనను వెల్లడించారు. కన్నెపల్లి వద్ద 93 మీటర్లకు పైగా కాఫర్ డ్యామ్ నిర్మిస్తే, మేడిగడ్డ బ్యారేజీపై ఆధారపడకుండా అన్నారం, సుందిళ్ల ప్రాజెక్టులకు నీటిని ఎత్తిపోసే అవకాశం ఉంటుందని ఆమె పేర్కొన్నారు. ఈ పనులకు సుమారు రూ.25 కోట్లు ఖర్చవుతుందని, నెలన్నర రోజుల్లో పూర్తి చేయవచ్చని ప్రతిపాదించారు. నవంబర్ నెలాఖరులోగా ప్రభుత్వం నిర్ణయం తీసుకోకపోతే ఆందోళన చేపడతామని హెచ్చరించారు.

19-10-2026 | 04:13pm

పాతబస్తీలో అగ్నిప్రమాదం

హైదరాబాద్: పాతబస్తీలోని మదీనా క్రాస్ రోడ్ వద్ద ఉన్న ఓ వస్త్ర దుకాణం, గోదాములో అగ్నిప్రమాదం సంభవించింది. మంటలు చెలరేగడంతో స్థానికులు భయాందోళనలకు గురయ్యారు. సమాచారం అందుకున్న అగ్నిమాపక సిబ్బంది వెంటనే ఘటనాస్థలికి చేరుకుని మంటలను అదుపులోకి తెచ్చేందుకు ప్రయత్నిస్తున్నారు. అగ్నిప్రమాదానికి గల కారణాలు, ఆస్తి నష్టం, ఎవరైనా గాయపడ్డారా అనే వివరాలు ఇంకా తెలియాల్సి ఉంది.

19-10-2026 | 03:53pm