తుమ్మలతో ఎమ్మెల్యే మట్టా భేటీ!

సత్తుపల్లి, అక్టోబర్ 19 (విజయక్రాంతి): రాష్ట్ర వ్యవసాయ శాఖ మంత్రి తుమ్మల నాగేశ్వరరావును సత్తుపల్లి ఎమ్మెల్యే డాక్టర్ మట్టా రాగమయి దయానంద్ సోమవారం మర్యాదపూర్వకంగా (Courtesy Meeting) కలిశారు. దమ్మపేట మండలం గండుగులపల్లి గ్రామంలో జరిగిన ఈ భేటీలో మంత్రి తుమ్మలకు దసరా శుభాకాంక్షలు (Dasara Greetings) తెలియజేశారు. అనంతరం నియోజకవర్గ సమస్యలపై ఇరువురు చర్చించారు. వేంసూరు మండలం కల్లూరుగూడెంలో పామాయిల్ ఫ్యాక్టరీ (Palm Oil Factory) నిర్మాణ పనులతో పాటు సత్తుపల్లి, వేంసూరు మండలాలకు గోదావరి జలాలు అందించేందుకు నాగుపల్లి వద్ద జరుగుతున్న పనుల వివరాలను మంత్రి ఎమ్మెల్యేకు వివరించారు. ఈ కార్యక్రమంలో సత్తుపల్లి నియోజకవర్గానికి చెందిన సీనియర్ నాయకులు పాల్గొన్నారు.