ఎన్‌హెచ్‌ఎం ఉద్యోగులకు కోవా లక్ష్మి అండ!
ఆసిఫాబాద్ (విజయక్రాంతి): వైద్య, ఆరోగ్యశాఖలో జాతీయ ఆరోగ్య మిషన్‌ (National Health Mission – NHM) విభాగంలో పనిచేస్తున్న ఉద్యోగుల సమస్యలను వెంటనే పరిష్కరించాలని ఎమ్మెల్యే కోవా లక్ష్మి ప్రభుత్వాన్ని డిమాండ్ చేశారు. జిల్లా కేంద్రంలోని కలెక్టరేట్ ఎదుట సమస్యల పరిష్కారం కోసం ఎన్‌హెచ్‌ఎం ఉద్యోగులు చేపడుతున్న సమ్మెకు (Strike) ఆమె మద్దతు తెలిపారు.
గ్రామీణ, పట్టణ ప్రాంతాల్లో ప్రజలకు నిరంతరం వైద్య సేవలు అందిస్తున్న ఉద్యోగుల డిమాండ్లను ప్రభుత్వం పరిగణనలోకి తీసుకోవాలని ఆమె కోరారు. ప్రజారోగ్య పరిరక్షణలో కీలక పాత్ర పోషిస్తున్న ఉద్యోగుల సేవలను గుర్తించి, వారిని క్రమబద్ధీకరించాలని (Regularisation) డిమాండ్ చేశారు.
ఈ కార్యక్రమంలో మున్సిపల్ చైర్మన్ ఆకాష్, వైస్ చైర్మన్ అహ్మద్, సింగిల్ విండో చైర్మన్ అలీ బిన్ హైమద్, నాయకులు రవీందర్, నిసార్, హైమద్, అన్సార్, గుండా శ్యామ్, సందీప్, ఖాసీం, పొన్నాల నారాయణ, శంకర్ తదితరులు పాల్గొన్నారు.
