జనసేన ఆధ్వర్యంలో వాల్మీకి జయంతి
భూత్పూర్, అక్టోబర్ 26 (విజయక్రాంతి): జనసేన పార్టీ తెలంగాణ రాష్ట్ర నాయకుడు గుడిబండ రవి ఆధ్వర్యంలో దేవరకద్ర నియోజకవర్గ జనసేన పార్టీ కార్యాలయంలో వాల్మీకి మహర్షి జయంతి వేడుకలు (Valmiki Jayanti Celebrations) ఘనంగా నిర్వహించారు. ఈ సందర్భంగా వాల్మీకి మహర్షి చిత్రపటానికి పూలమాలలు వేసి ఘనంగా నివాళులర్పించారు.
అనంతరం గుడిబండ రవి మాట్లాడుతూ రామాయణ మహాకావ్యాన్ని రచించి సమాజానికి ధర్మం, నీతి, మానవతా విలువలను చాటిచెప్పిన మహనీయుడు వాల్మీకి మహర్షి అని కొనియాడారు. ఆయన జీవితం (Life of Valmiki) ప్రతి ఒక్కరికీ ఆదర్శప్రాయమని అన్నారు. వాల్మీకి మహర్షి ఆశయాలను ఆదర్శంగా తీసుకొని సమాజ అభివృద్ధికి ప్రతి ఒక్కరూ కృషి చేయాలని పిలుపునిచ్చారు.
ఈ కార్యక్రమంలో జనసేన నాయకులు గోపే లక్ష్మీనారాయణ, జి. రామస్వామి, శ్రీను, పి. రాజు, పి. శేఖర్, ఎస్. రాములు, బి. నాగయ్య, యు. శివ, మహేష్, మణికంఠ తదితరులు పాల్గొన్నారు. వాల్మీకి మహర్షి బోధనలు (Maharshi Valmiki Teachings) సమాజానికి మార్గదర్శకమని ఈ సందర్భంగా గుర్తుచేశారు.
