ఆకాశంలో విమానం మిస్సింగ్..ఏం జరిగింది?

అమెరికా తీరంలో ఎయిర్ అంబులెన్స్ అదృశ్యం.. ఆరుగురు గల్లంతు!

అమెరికా తీర ప్రాంతంలో (US Coast) ఓ ఎయిర్ అంబులెన్స్‌ (Air Ambulance) అదృశ్యం కావడం కలకలం రేపుతోంది. కెనడాకు చెందిన లాటిట్యూడ్ ఎయిర్ అంబులెన్స్ సంస్థకు చెందిన గల్ఫ్‌స్ట్రీమ్ జీ100 విమానం నాన్‌టుకెట్ సమీపంలో ప్రయాణిస్తుండగా ఒక్కసారిగా సంబంధాలు తెగిపోయాయి.వైద్య రవాణా కోసం బయలుదేరిన ఈ విమానంలో మొత్తం ఆరుగురు (Six People) ఉన్నట్లు సమాచారం. వీరిలో ఇద్దరు పైలట్లు, ఇద్దరు వైద్య సిబ్బంది, ఓ రోగి, అతని కుటుంబ సభ్యుడు ఉన్నారు. విమానంతో కమ్యూనికేషన్ (Communication) తెగిపోవడంతో అధికారులు అప్రమత్తమయ్యారు.

రెండు గంటల ప్రయాణం తర్వాత రాడార్ నుంచి మాయం

బెర్ముడాలోని ఎల్ఎఫ్ వేడ్ అంతర్జాతీయ విమానాశ్రయం నుంచి బోస్టన్ లోగాన్ అంతర్జాతీయ విమానాశ్రయానికి (Boston Logan Airport) ఈ విమానం బయలుదేరింది. దాదాపు రెండు గంటల పాటు ప్రయాణించిన అనంతరం విమానం రాడార్‌ (Radar) నుంచి అదృశ్యమైనట్లు సమాచారం.విమానం చివరిసారిగా నాన్‌టుకెట్ సమీపంలోని సముద్ర ప్రాంతంలో కనిపించినట్లు తెలుస్తోంది. దీంతో గాలింపు చర్యలు (Search Operation) ప్రారంభించినట్లు సమాచారం. విమానంలో ఉన్న ఆరుగురి ఆచూకీ కోసం అధికారులు తీవ్రంగా ప్రయత్నిస్తున్నారు.విమానం అదృశ్యం కావడానికి గల కారణాలు ఇంకా తెలియరాలేదు. వాతావరణ పరిస్థితులు, సాంకేతిక లోపం (Technical Issue) లేదా ఇతర కారణాలపై అధికారులు దర్యాప్తు చేపట్టే అవకాశం ఉంది. ఘటనకు సంబంధించిన పూర్తి వివరాలు తెలియాల్సి ఉంది.