సీఎం సభకు కాంగ్రెస్ కదలిక

సిద్దిపేట రూరల్, సెప్టెంబర్ 30 (విజయక్రాంతి): సిద్దిపేట నియోజకవర్గ కాంగ్రెస్‌ పార్టీ ఇన్‌చార్జి పూజల హరికృష్ణ ఆధ్వర్యంలో చేపట్టిన ‘చలో సిరిసిల్ల’ కార్యక్రమానికి సిద్దిపేట రూరల్ మండల కాంగ్రెస్‌ నాయకులు, కార్యకర్తలు భారీగా తరలివెళ్లారు. సిరిసిల్లలో ముఖ్యమంత్రి రేవంత్‌రెడ్డి పాల్గొనే భారీ బహిరంగ సభ (Public Meeting)కు మండల కాంగ్రెస్‌ అధ్యక్షుడు గుర్రం అంజిరెడ్డి నేతృత్వంలో కాంగ్రెస్‌ శ్రేణులు బయలుదేరాయి. ఈ సందర్భంగా పూజల హరికృష్ణ జెండా ఊపి వాహనాలను ప్రారంభించారు.

ఈ కార్యక్రమంలో బ్లాక్‌ కాంగ్రెస్‌ అధ్యక్షుడు రీక్కల మహేందర్‌రెడ్డి, కోడారి మల్లారెడ్డి, పుల్లూరి కనకయ్యగౌడ్‌, మహిపాల్‌రెడ్డి, ఒగ్గు రవి తదితర కాంగ్రెస్‌ నాయకులు, కార్యకర్తలు పాల్గొన్నారు.