మండలం ఏర్పాటుకు పదేళ్లు..చిరస్థాయిగా కేసీఆర్‌
గుమ్మడిదల, అక్టోబర్ 10 (విజయక్రాంతి): గుమ్మడిదల మండలం ఏర్పాటై 10 సంవత్సరాలు పూర్తయిన సందర్భంగా గుమ్మడిదల చౌరస్తాలో మండల బీఆర్‌ఎస్‌ నాయకులు తెలంగాణ మాజీ ముఖ్యమంత్రి కేసీఆర్‌ చిత్రపటానికి పాలాభిషేకం (Milk Abhishekam) చేశారు.
ఈ సందర్భంగా బీఆర్‌ఎస్‌ రాష్ట్ర నాయకులు చిమ్ముల గోవర్ధన్ రెడ్డి మాట్లాడుతూ.. ఆంధ్రుల పాలనలో విసిగిపోయిన తెలంగాణ ప్రజల ఆకాంక్షల కోసం ప్రాణత్యాగాలకు సైతం వెనుకాడకుండా తెలంగాణ ఉద్యమం (Telangana Movement) సాగించి, ప్రత్యేక తెలంగాణ రాష్ట్రాన్ని సాధించిన నాయకుడు కేసీఆర్‌ అని కొనియాడారు. తెలంగాణ తొలి ముఖ్యమంత్రిగా బాధ్యతలు చేపట్టి ప్రజల హృదయాలను గెలుచుకున్న కేసీఆర్‌ చరిత్రలో చిరస్థాయిగా నిలిచిపోతారని అన్నారు. ఇలాంటి నాయకుడు లభించడం తెలంగాణ ప్రజల అదృష్టమని పేర్కొన్నారు.
గత పదేళ్లలో తెలంగాణ ప్రజలు ఎలాంటి ఇబ్బందులు పడలేదని, ముఖ్యంగా కేసీఆర్‌ ప్రభుత్వ హయాంలో 24 గంటల విద్యుత్‌ సరఫరా (24-Hour Power Supply) అందించారని గుర్తుచేశారు. ప్రస్తుత రేవంత్‌ రెడ్డి ప్రభుత్వ పాలనలో రైతులు ఎదుర్కొంటున్న ఇబ్బందులు వర్ణనాతీతమని విమర్శించారు. రానున్న రోజుల్లో ఓటు ద్వారా కాంగ్రెస్ ప్రభుత్వాన్ని తెలంగాణ ప్రజలు గద్దె దింపుతారని ధీమా వ్యక్తం చేశారు. కేసీఆర్‌ వంటి నాయకుడు లభించడం తెలంగాణ ప్రజలతో పాటు బీఆర్‌ఎస్‌ నాయకులు, కార్యకర్తల అదృష్టమని తెలిపారు.
ఈ కార్యక్రమంలో చైర్మన్‌ చిన్న పాపని కుమార్‌ గౌడ్‌, మండల బీఆర్‌ఎస్‌ పార్టీ అధ్యక్షుడు ప్రభాకర్‌ రెడ్డి, కౌన్సిలర్లు, బీఆర్‌ఎస్‌ నాయకులు, కార్యకర్తలు తదితరులు పాల్గొన్నారు.
