ఈయూ విజయానికి కార్మికుల సహకారం

ఆసిఫాబాద్, అక్టోబర్ 10 (విజయ క్రాంతి): కార్మికుల హక్కుల (Workers' Rights) సాధన కోసం నిరంతరం పోరాటం చేస్తామని సీపీఐ రాష్ట్ర కార్యదర్శివర్గ సభ్యుడు కలవేన శంకర్ అన్నారు. ఆసిఫాబాద్ ఆర్టీసీ డిపోలో ఎంప్లాయీస్ యూనియన్ (Employees Union) సాధించిన విజయానికి సహకరించిన కార్మికులను శనివారం ఆయన కలిసి మాట్లాడారు. ఈ సందర్భంగా కార్మికుల సహకారాన్ని అభినందించారు.

కార్మికుల ఐక్యత, సంఘటిత పోరాటాల ద్వారానే హక్కులను సాధించుకోవచ్చని పేర్కొన్నారు. కార్మికులకు ఏ సమస్య వచ్చినా వారి పక్షాన నిలబడి పోరాటం చేస్తామని భరోసా ఇచ్చారు. కార్మికుల సంక్షేమం (Workers' Welfare), హక్కుల పరిరక్షణ కోసం తమ మద్దతు ఎల్లప్పుడూ ఉంటుందని తెలిపారు.

ఈ కార్యక్రమంలో ఏఐటీయూసీ జిల్లా అధ్యక్షుడు టి. దివాకర్, ప్రధాన కార్యదర్శి బోగే ఉపేందర్, డిప్యూటీ జనరల్ సెక్రటరీ చిరంజీవి, ఈయూ డిపో అధ్యక్షుడు మల్లికార్జున్, కార్యదర్శి అశోక్, సహాయ కార్యదర్శి నరేష్, కోశాధికారి జీఎం బాబు, గ్యారేజీ కార్యదర్శి రవీందర్, సీపీఐ మంచిర్యాల జిల్లా కార్యదర్శి లక్ష్మణ్, ఏఐటీయూసీ జిల్లా కార్యదర్శి మేకల దాసు తదితరులు పాల్గొన్నారు.