ప్రాణం తీసిన ఈత సరదా.. ఒకరి మృతి

సూర్యాపేట జిల్లా నూతనకల్ మండలం ముక్కుడుదేవులపల్లిలో ఆదివారం విషాదం (Tragedy) నెలకొంది. వాగులో ఈతకు (Swimming) వెళ్లిన ముగ్గురు యువకులు గల్లంతవ్వగా, అందులో కడారి భాను ప్రకాశ్ (20) మృతి చెందాడు. మిగతా ఇద్దరు సురక్షితంగా బయటపడ్డారు. మృతుడు జనగామ జిల్లా పాలకుర్తి మండలం విస్నూర్ గ్రామానికి చెందిన వ్యక్తిగా గుర్తించారు. పండుగ సెలవులు (Festival Holidays) రావడంతో మృతుడు ఇక్కడకు వచ్చినట్లు సమాచారం. గ్రామస్తులు, పోలీసులు వెంటనే స్పందించి మృతదేహాన్ని వాగు నుండి బయటకు తీశారు. ఈ ఘటన స్థానికంగా తీవ్ర విషాదాన్ని నింపింది.