ఏపీ పోస్టల్ బ్యాలెట్లలో టీడీపీ జోరు

ఆంధ్రప్రదేశ్‌లో పురపాలక ఎన్నికల ఓట్ల లెక్కింపు (Vote Counting) కొనసాగుతోంది. పోస్టల్ బ్యాలెట్ (Postal Ballot) ఓట్లలో తెలుగుదేశం పార్టీ (TDP) ఆధిక్యం ప్రదర్శిస్తోంది. విశాఖపట్నంలో టీడీపీ మేయర్ అభ్యర్థి ముందంజలో ఉండగా, అమలాపురం మున్సిపాలిటీలో పోస్టల్ బ్యాలెట్ ఓట్లలో జనసేన పార్టీ (Janasena Party) ఆధిక్యంలో కొనసాగుతోంది.

గ్రేటర్ విశాఖపట్నం నగరపాలక సంస్థ (GVMC) పరిధిలో పోస్టల్ బ్యాలెట్ ఓట్ల వివరాలు ఆసక్తికరంగా ఉన్నాయి. మొత్తం 437 పోస్టల్ బ్యాలెట్లలో టీడీపీకి 214 ఓట్లు, వైసీపీకి 134 ఓట్లు, కాంగ్రెస్‌కు 3 ఓట్లు పోలయ్యాయి. ఇతరులకు 85 ఓట్లు వచ్చాయి.

పోస్టల్ బ్యాలెట్ ఓట్లలో టీడీపీ ఆధిక్యం సాధించడంతో ఆ పార్టీ శ్రేణుల్లో ఉత్సాహం నెలకొంది. మిగతా ఓట్ల లెక్కింపు (Counting Process), తుది ఫలితాలపై రాజకీయ వర్గాల్లో ఉత్కంఠ కొనసాగుతోంది.