ధనలక్ష్మిగా దుర్గమ్మ..నోట్లతో అలంకరణ

బెల్లంపల్లి, అక్టోబర్‌ 17 (విజయక్రాంతి): మంచిర్యాల జిల్లా బెల్లంపల్లిలో శరన్నవరాత్రి ఉత్సవాలు (Navaratri Festival) వైభవంగా కొనసాగుతున్నాయి. శనివారం వాసవి కన్యకాపరమేశ్వరి ఆలయంలో దుర్గాదేవిని ధనలక్ష్మి అవతారంలో అలంకరించారు. అమ్మవారి అలంకరణకు రూ.66,66,666 విలువైన కరెన్సీ నోట్లను వినియోగించడం ప్రత్యేక ఆకర్షణగా నిలిచింది. ధనలక్ష్మి రూపంలో కొలువుదీరిన అమ్మవారిని దర్శించుకునేందుకు భక్తులు పెద్ద సంఖ్యలో ఆలయానికి తరలివచ్చారు.నవరాత్రి ఉత్సవాల్లో భాగంగా రోజుకో అవతారంలో దర్శనమిస్తున్న దుర్గాదేవి.. శనివారం ధనలక్ష్మి రూపంలో భక్తులకు దర్శనమిచ్చింది. ఈ సందర్భంగా అమ్మవారిని రూ.66 లక్షల 66 వేల 666 విలువైన నోట్లతో ప్రత్యేకంగా అలంకరించారు. ఈ అద్భుత అలంకరణ భక్తులను విశేషంగా ఆకట్టుకుంది. అమ్మవారిని దర్శించుకున్న భక్తులు ప్రత్యేక పూజలు నిర్వహించి మొక్కులు చెల్లించుకున్నారు.

తెల్లవారుజాము నుంచే ఆలయంలో ప్రత్యేక పూజలు (Special Prayers) ప్రారంభమయ్యాయి. వేదపండితుల మంత్రోచ్ఛారణల మధ్య భక్తిశ్రద్ధలతో పూజా కార్యక్రమాలు నిర్వహించారు. ధనలక్ష్మి అవతారంలో కొలువుదీరిన దుర్గాదేవిని దర్శించుకునేందుకు భక్తులు తండోపతండాలుగా తరలివచ్చారు. హారతులు సమర్పించి అమ్మవారి ఆశీస్సులు పొందారు. దీంతో ఆలయ ప్రాంగణంలో పండుగ వాతావరణం నెలకొంది.

అమ్మవారి ధనలక్ష్మి అలంకరణ సందర్భంగా ఆలయంలో చండీయాగం (Chandi Yagam) నిర్వహించారు. వేదపండితుల మంత్రోచ్ఛారణల మధ్య యాగం కొనసాగింది. పుణ్య దంపతులు ఈ కార్యక్రమంలో పాల్గొని ప్రత్యేక పూజలు చేశారు. అమ్మవారి అనుగ్రహం కోసం భక్తులు ప్రార్థనలు చేశారు.

ఈ కార్యక్రమంలో ఆర్యవైశ్య సంఘం అధ్యక్షుడు మేడి పున్నం చంద్రు, ఆర్యవైశ్య యువజన సంఘం అధ్యక్షుడు పుల్లూరు వెంకటేష్‌, బయల సంఘం అధ్యక్షురాలు బాల విజయలక్ష్మి, దుర్గా కమిటీ అధ్యక్షుడు నల్మాస్‌ సంతోష్‌ తదితరు