జానపద కళాకారుల సంక్షేమమే లక్ష్యం

బిజినపల్లి, అక్టోబర్ 25: జానపద కళాకారుల అభ్యున్నతికి తెలంగాణ ఫోక్ ఇండస్ట్రీ (Telangana Folk Industry) కృషి చేయాలని, కళాకారుల ప్రతిభకు తగిన గుర్తింపు లభించడంతోపాటు వారి కుటుంబాలకు ఆర్థిక భరోసా కల్పించేలా సంఘం పనిచేయాలని తెలంగాణ రాష్ట్ర ప్రముఖ జానపద కళాకారుడు ఎద్దుల జంగిరెడ్డి అన్నారు. జానపద కళలకు గుర్తింపు, ఉపాధి అవకాశాలు, ఆరోగ్య కార్డులు, ప్రమాద బీమా (Accident Insurance) వంటి సంక్షేమ సదుపాయాల కోసం పోరాడాలని పిలుపునిచ్చారు.

తెలంగాణ ఫోక్ ఇండస్ట్రీ ఆధ్వర్యంలో ఉమ్మడి మహబూబ్‌నగర్ జిల్లా కవులు, కళాకారులు, రచయితల సమావేశాన్ని ఆదివారం బిజినపల్లి మండల కేంద్రంలోని ఆర్‌.ఆర్‌. ఫంక్షన్‌ హాల్‌లో ఘనంగా నిర్వహించారు. ఈ సభలో పలువురు ప్రముఖ కళాకారులు మాట్లాడుతూ, కళాకారులందరూ ఐక్యంగా ఉంటూ సంఘాన్ని బలోపేతం చేసుకోవాలని, సభ్యత్వం ద్వారా సంక్షేమ సదుపాయాలు (Welfare Benefits) పొందాలని సూచించారు. నవంబర్ 3న సిరిసిల్లలో నిర్వహించనున్న తెలంగాణ ఫోక్ ఇండస్ట్రీ ఆవిర్భావ సభకు కళాకారులు పెద్ద సంఖ్యలో హాజరుకావాలని పిలుపునిచ్చారు.

ఈ సమావేశంలో కోదాడ శీను, గజ్వేల్ వేణు, ఎద్దుల జంగిరెడ్డి, సంతోష్, జయప్రకాష్, పిట్టలదొర భాస్కర్, డప్పు స్వామి, రవిశంకర్, ఎల్లారెడ్డి, పాము నాగులు, కంచరపల్లి రాజు, బండారి కురుమయ్య, కొడిదల శ్రవణ్ కుమార్, డి. కృష్ణయ్య, డప్పు లక్ష్మణ్, డప్పు నరసింహ, ఎగిరే బాలు, డాన్సర్ ప్రభాకర్, డప్పు రవి, కాశీదాస్, బోనాస్ రాజు, డప్పు మహేష్ తదితర ఉమ్మడి మహబూబ్‌నగర్ జిల్లా కవులు, కళాకారులు, రచయితలు పాల్గొన్నారు. కళాకారుల ఐక్యత (Unity)తోనే వారి హక్కులు, సంక్షేమం సాధ్యమవుతాయని ఈ సందర్భంగా వక్తలు అభిప్రాయపడ్డారు.