బతుకమ్మ సంబురాలు షురూ

బోథ్,సెప్టెంబర్ 30(విజయక్రాంతి): మండలంలో బతుకమ్మ పండుగ వేడుకలు (Bathukamma Celebrations) ప్రారంభమయ్యాయి. మహిళలు, యువతులు తమ తమ కాలనీల్లో బతుకమ్మ గద్దెలను ఏర్పాటు చేసుకుని పూజా కార్యక్రమాలు నిర్వహించారు.ప్రతిరోజూ వివిధ రకాల పూలతో చిన్న బతుకమ్మలను పేర్చి పూజలు నిర్వహిస్తూ, బతుకమ్మ పాటలు పాడుతూ మహిళలు ఉత్సాహంగా వేడుకల్లో (Festive Celebrations) పాల్గొంటున్నారు.పూలను పూజించే ఈ పండుగ తెలంగాణ రాష్ట్రంలో సంప్రదాయబద్ధంగా ఘనంగా నిర్వహిస్తారు.

మండలంలోని అన్ని గ్రామాల్లోనూ బతుకమ్మ వేడుకలు ప్రారంభమయ్యాయి. చిన్నా పెద్దా తేడా లేకుండా ప్రజలు ఉత్సాహంగా పాల్గొంటున్నారు. బతుకమ్మ పండుగ దసరా వరకు (Dasara Festival) కొనసాగనుంది. చివరి రోజుల్లో బతుకమ్మల నిమజ్జన కార్యక్రమాన్ని (Immersion Ceremony) ఘనంగా నిర్వహించేందుకు గ్రామాల్లో ఏర్పాట్లు చేస్తున్నారు.