విద్యార్థులు చదువుతో పాటు క్రీడల పట్ల శ్రద్ధ చూపాలి
విబిఐటి సెక్రటరీడాక్టర్ జి. మనోహర్ రెడ్డి
ఘట్ కేసర్, అక్టోబర్ 2 (విజయక్రాంతి): విజ్ఞాన భారతి ఇంజనీరింగ్ కళాశాలలో గత 15 రోజులుగా జరుగుతున్న విభవ-26 స్టేట్ లెవెల్ క్రికెట్ టోర్నమెంట్(Cricket Tournament) ముగింపు దశకు చేరుకున్నాయి. శుక్రవారం జరిగిన బహుమతుల ప్రధానోత్సవం కార్యక్రమానికి విబిఐటి సెక్రటరీ డాక్టర్ జి. మనోహర్ రెడ్డి ముఖ్య అతిథిగా విచ్చేసి విజేత క్రీడాకారులకు బహుమతులు, నగదును బహుకరించారు. ఈ సందర్భంగా ఆయన మాట్లాడుతూ విద్యార్థులు చదువుతో పాటు క్రీడల పట్ల మక్కువ చూపాలన్నారు. క్రీడలలో రాణిస్తే ఉజ్వల భవిష్యత్తు తమ సొంతం అవుతుందన్నారు. ఈ టోర్నమెంట్ లో
మొత్తం 24 కళాశాలలకు చెందిన జట్లు పాల్గొన్నాయని, టోర్నమెంట్ చాలా బాగా జరిగిందని, ప్రతి మ్యాచ్ కు మ్యాన్ ఆఫ్ ద మ్యాచ్ బహుమతిని అందజేశామని కళాశాల ప్రిన్సిపల్ డాక్టర్ పివిఎస్ శ్రీనివాస్ అన్నారు. ఈ కార్యక్రమంలో కళాశాల డైరెక్టర్ లు డాక్టర్ వైవిఎస్ఎస్ ప్రసాద్, నరేష్, డాక్టర్ సతీష్, డాక్టర్ పోతలయ్య, భోగయ్య నాయుడు, ఫిజికల్ డైరెక్టర్ డాక్టర్ ఎం. శ్రీనివాసరెడ్డి, సహాయ పీడీలు శివలాల్, మహేష్, వెంకటేష్, శ్రవణ్ కుమార్, కేర్ టేకర్ రాములు పాల్గొన్నారు.
