ఫ్రీ మెడికల్ క్యాంప్‌

కాగజ్‌నగర్, అక్టోబర్ 4 (విజయక్రాంతి): కాగజ్‌నగర్ మర్చంట్ అసోసియేషన్ ఆధ్వర్యంలో పట్టణంలోని అగ్రేసేన్ భవన్‌లో ఆదివారం ఉచిత వైద్య శిబిరం (Free Medical Camp) నిర్వహించారు. ప్రజలకు ఆరోగ్యంపై అవగాహన కల్పించడంతో పాటు.. అవసరమైన వైద్య పరీక్షలను ఉచితంగా అందించాలనే ఉద్దేశంతో ఈ శిబిరాన్ని ఏర్పాటు చేశారు.కాగజ్‌నగర్ డీఎస్పీ వహీదుద్దీన్ రిబ్బన్ కట్ చేసి వైద్య శిబిరాన్ని ప్రారంభించారు. అనంతరం వివిధ విభాగాలకు చెందిన వైద్యులు ప్రజలకు వైద్య పరీక్షలు నిర్వహించారు.మంచిర్యాలకు చెందిన మెడిలైఫ్ ఎండీ ఫిజీషియన్ డా. చేతన్ చౌహాన్ ఆధ్వర్యంలో వైద్య బృందం (Medical Team) శిబిరంలో సేవలందించింది.

కార్డియాలజీ విభాగంలో డా. సురేంద్ర, పల్మనాలజీ డా. కుమారస్వామి కౌటం, యూరాలజీ డా. అభినయ్ కుమార్, ఆర్థోపెడిక్స్ డా. శ్రీధర్, గైనకాలజీ డా. ప్రసన్నకుమారి, జనరల్ సర్జరీ డా. చంద్రబోస్, రేడియాలజీ డా. ఎస్. శ్రీనివాస్, డెంటల్ విభాగంలో డా. స్వప్నిక తదితర వైద్యులు పాల్గొని సేవలు అందించారు.వైద్యులు రోగులను పరీక్షించి అవసరమైన సూచనలు, చికిత్సకు సంబంధించిన సలహాలు (Medical Advice) అందించారు. వివిధ ఆరోగ్య సమస్యలకు సంబంధించి ప్రజలకు అవగాహన కల్పించారు.

ఈ కార్యక్రమంలో టౌన్ సీఐ ప్రేమ్ కుమార్, వ్యాపారవేత్త చిలువేరు సత్యనారాయణ, మర్చంట్ అసోసియేషన్ సభ్యులు కొసనగొట్టు వెంకటరమణ, మహేష్ లోయా, అరుణ్ అగర్వాల్, కొడిప్యాక రవీందర్, హరి సోని, హితేష్ అగర్వాల్ పాల్గొన్నారు.అలాగే లెక్చరర్లు డీ. దేవేందర్, చిప్ప సత్యనారాయణ తదితరులు హాజరయ్యారు. ఉచిత వైద్య శిబిరం నిర్వహించడం పట్ల స్థానికులు, వ్యాపార వర్గాలు నిర్వాహకులను అభినందించారు.ప్రజల ఆరోగ్యంపై దృష్టి సారిస్తూ ఇలాంటి సేవా కార్యక్రమాలను (Service Activities) భవిష్యత్తులోనూ కొనసాగించాలని మర్చంట్ అసోసియేషన్ ప్రతినిధులు తెలిపారు.