మగవారికీ ప్రసూతి సెలవులు!
- ప్రైవేట్ జాబ్స్‌లో సైతం పేయిడ్ చైల్డ్ కేర్ లీవ్స్
- 2030 నాటికి 5 లక్షల క్రెచ్‌లను ఏర్పాటు చేయాలి
- 9 రంగాల్లో మార్పులు తేవాలి
- 730- రోజల పెటర్నిటీ లీవుల్లో భర్తకూ సగం వాటా
- కేంద్రానికి 37 సిఫార్సులు చేసిన ఎన్‌సీడబ్ల్యూ
న్యూ ఢిల్లీ, అక్టోబర్ 3: కుటుంబ వ్యవస్థ, పిల్లల పెంపకంలో శతాబ్దాలుగా వస్తున్న సాంప్రదాయ విధానాలకు పాతరేసి, వర్కింగ్ పేరెంట్స్ జీవితాల్లో విప్లవాత్మక మార్పులు చేసేందుకు జాతీయ మహిళా కమిషన్(ఎన్‌సీడబ్ల్యూ)(National Commission for Women ) నడుం బిగించింది. ఇప్పటివరకు కేవలం మహిళల కు మాత్రమే పరిమితమైన చైల్ కేర్ సెలవులను ఇకపై పురుషులకు కూడా వర్తింపజేస్తూ ‘జెండర్ న్యూట్రల్’గా మార్చాలని కేంద్ర ప్రభుత్వా నికి చారిత్రాత్మక సిఫార్సులను సమర్పించింది.
ప్రసూతి, శిశు సంరక్షణ రక్షణను బలోపేతం చేయడానికి కేంద్ర ప్రభుత్వానికి 37 సిఫార్సు లను చేసింది. వీటిలో ప్రైవేట్ రంగ ఉద్యోగులకు లింగ -సమాన శిశు సంరక్షణ సెలవును విస్తరించడం, అన్ని రంగాల్లో తప్పనిసరి వేతనంతో కూడిన పితృత్వ సెలవును ప్రవేశపెట్టడం, 2030 నాటికి ఐదు లక్షల క్రెచ్‌లు(శిశు సంరక్షణ కేంద్రాలు) సీట్లను సృష్టించడం వంటివి కీలకంగా ఉన్నాయి.
ప్రసూతి ప్రయోజనాలు, శిశు సంరక్షణ సెలవు (సీసీఎల్), పితృత్వ సెలవు, శిశు సంరక్షణ మౌలిక సదుపాయాలు, నర్సింగ్, చనుబాలిచ్చే తల్లులకు మద్దతు, ప్రైవేట్ రంగం కవరేజ్, కార్యాలయ వివక్షతో సహా తొమ్మిది కీలక రంగాల్లో సంస్కరణలను ప్రతిపాదించింది. న్యూ ఢిల్లీలోని డాక్టర్ అంబేద్కర్ అంతర్జాతీయ కేంద్రంలో మే 5న (ఎన్‌సీడబ్ల్యూ) నిర్వహించిన ‘ప్రసూతి, శిశు సంరక్షణకు సంబంధించిన చట్టాలపై జాతీయ సంప్రదింపులు’ సందర్భంగా జరిగిన చర్చల ఆధారంగా ఈ సిఫార్సులు రూపొందించబడ్డాయి.
ఈ కమిషన్ తన సిఫార్సు నివేదికను సిబ్బంది, శిక్షణ విభాగానికి, మహిళా, శిశు అభివృద్ధి మంత్రిత్వ శాఖకు, కార్మిక, ఉపాధి మంత్రిత్వ శాఖలకు సమర్పించినట్లు శనివారం ప్రకటించింది. సంరక్షణను పంచుకోవడం వైపు ఒక ప్రధాన మార్పుగా, ప్రస్తుతం ఉన్న మహిళా-కేంద్రీకృత శిశు సంరక్షణ సెలవు చట్రాన్ని, తల్లిదండ్రులిద్దరికీ అందుబాటులో ఉండే లింగ-తటస్థ శిశు సంరక్షణ సెలవుగా మార్చాలని ఎన్‌సీడబ్ల్యూ సిఫార్సు చేసింది.
ప్రస్తుతం ఉన్న 730-రోజుల సీసీఎల్ సెలవులను ఉద్యోగం చేస్తున్న తల్లిదండ్రులిద్దరి మధ్య సమానంగా, ఒక్కొక్కరికి 365 రోజు లు చొప్పున విభజించాలని స్పష్టం చేసింది. తల్లిదండ్రులిద్దరూ ఒకే సంస్థలో పనిచేస్తుంటే ఉమ్మడి పూల్‌ను అనుమతించాలని వెల్లడిచింది. 0-2 సంవత్సరాల వయస్సు గల పిల్లల కోసం, ప్రాథమిక, ద్వితీయ సంరక్షకుల మధ్య 60:40 భాగస్వామ్య-సంరక్షణ నమూనాను కూడా ప్రతిపా దించింది.
పెద్ద పరిశ్రమలతో ప్రారంభించి, ఆ తర్వాత మధ్య తరహాతోపాటు చిన్న సంస్థలను కవర్‌చేస్తూ, దశలవారీగా అమలు చేయడం ద్వారా ప్రైవేట్ రంగ ఉద్యోగులకు కూడా సీసీఎల్‌ను విస్తరించాలని ఎన్‌సీడబ్లూ సిఫా ర్సు చేసింది. ప్రైవేట్, అసంఘటిత రంగాలలో తప్పనిసరి వేతనంతో కూడిన పితృత్వ సెలవును ప్రవేశపె ట్టాలని తెలిపింది.
గిగ్, ప్లాట్‌ఫామ్ కార్మికులకు కూడా..
శిశు సంరక్షణ మౌలిక సదుపాయాలను బలోపేతం చేయడానికి, కేంద్ర-రాష్ట్ర సహకారంతో 2030 నాటికి ఐదు లక్షల క్రెచ్ సీట్లను సృష్టిం చేందుకు ఒక జాతీయ శిశు సంరక్షణ మౌలిక సదుపాయాల మిషన్‌ను కమిషన్ ప్రతిపాదించింది. అనధికారిక, గిగ్, ప్లాట్‌ఫామ్ కార్మికులకు కూడా ప్రసూతి, శిశు సంరక్షణ ప్రయోజనాలను విస్తరించాలని పేర్కొంది. సామాజిక భద్రతా కోడ్, 2020లోని సెక్షన్ 109ను అమలులోకి తీసుకురావాలని తెలిపింది. పీఎంఎంవీవైని సార్వత్రిక, చట్టబద్ధంగా చేయాలని, దత్తత తీసుకున్న, పిల్లలను కన్నతల్లులైన తల్లులకు సెలవును 12 వారాల నుంచి 26 వారాలకు పెంచాలని ఇది ప్రతిపాదించింది.
పాలిచ్చే తల్లులకు అర్ధగంట విరామం
పాలిచ్చే తల్లుల కోసం, ప్రస్తుతం ఉన్న 15 నిమిషాల పాలిచ్చే విరామాన్ని ఒక్కొక్కరికి 30 నిమిషాలకు పెంచాలని సిఫార్సు చేసింది. యజమానులు నిబంధనలను పాటించని పక్షంలో, మరింత పటిష్టమైన శిక్షా యంత్రాంగాలను, జరిమానాలను విధించాలని ఎన్‌సీడబ్ల్యూ సిఫార్సు చేసింది.
