గాంధీ బాటలో నడుద్దాం..

రామాయంపేట, అక్టోబర్ 2 (విజయ క్రాంతి): జాతిపిత మహాత్మా గాంధీ(Mahatma Gandhi) చూపిన సత్యం, అహింస మార్గమే సమాజానికి స్ఫూర్తిదాయకమని రామాయంపేట తహసీల్దార్ రజనీకుమారి అన్నారు. గాంధీ జయంతి సందర్భంగా శుక్రవారం తహసీల్దార్ కార్యాలయంలో గాంధీజీ చిత్రపటానికి పూలమాల వేసి ఘనంగా నివాళులర్పించారు.

ఈ సందర్భంగా తహసీల్దార్ రజనీకుమారి మాట్లాడుతూ గాంధీజీ ఆశయాలను ప్రతి ఒక్కరూ ఆచరణలో పెట్టాలని, సత్యం–అహింస సిద్ధాంతాలను జీవితంలో పాటించాలని పిలుపునిచ్చారు. ఆయన చూపిన మార్గం నేటి తరానికి కూడా ఆదర్శమని పేర్కొన్నారు. కార్యక్రమంలో తహసీల్దార్ కార్యాలయ సిబ్బంది తదితరులు పాల్గొన్నారు.