జిల్లా స్థాయికి ఎంపికైన శ్రీ నారాయణ పాఠశాల విద్యార్థులు

గణపురం, సెప్టెంబర్ 18 (విజయక్రాంతి): గ్రామీణ ప్రాంత విద్యార్థుల్లో దాగి ఉన్న క్రీడా ప్రతిభను వెలికితీసేందుకు నిర్వహిస్తున్న 69వ పాఠశాల క్రీడా సమాఖ్య పోటీల్లో గణపురం శ్రీ నారాయణ హైస్కూల్(Sri Narayana High School) విద్యార్థులు సత్తా చాటారు. శుక్రవారం నిర్వహించిన మండల స్థాయి ఖో-ఖో, కబడ్డీ పోటీల్లో 14 మంది విద్యార్థులు జిల్లా స్థాయికి ఎంపికయ్యారు.

పద్నాలుగు సంవత్సరాలలోపు బాలబాలికల ఖో-ఖో, కబడ్డీతో పాటు పదిహేడు సంవత్సరాలలోపు ఖో-ఖో, కబడ్డీ విభాగాల్లో విద్యార్థులు ప్రతిభ కనబరిచారు. జిల్లా స్థాయికి ఎంపికైన విద్యార్థులను పాఠశాల చైర్మన్ నాగనబోయిన రవి, కరస్పాండెంట్ పోతుగంటి శశిధర చారి అభినందించి పుష్పగుచ్ఛాలతో సత్కరించారు. విద్యార్థుల ప్రతిభకు కృషి చేసిన వ్యాయామ ఉపాధ్యాయులు కార్తీక్, రాజేందర్‌ను  అభినందించారు.