ఘనంగా విల్లా మేరీ కాలేజీ స్నాతకోత్సవం
రంగారెడ్డి: విల్లా మేరీ కాలేజ్(Villa Marie College) మహిళా డిగ్రీ కళాశాల స్నాతకోత్సవం ఘనంగా జరిగింది. ఉస్మానియా యూనివర్సిటీ వైస్ ఛాన్సలర్ ప్రొ. కుమార్ ముఖ్యఅతిథిగా హాజరై 2023-26 బ్యాచ్ కు చెందిన విద్యార్థినులకు గ్యాడ్యుయేట్ పట్టాలు అందజేశారు. ఓవరాల్ టాపర్ గా సమ్రీన్, స్టూడెంట్ ఆఫ్ ది ఇయర్ గా మేకల శ్రీసాయి సాత్విక అవార్డులు అందుకున్నారు. ఆర్ట్స్, బిజినెస్ అండ్ అడ్మినిస్ట్రే షన్, కామర్స్ అండ్ సైన్స్ విభాగాలకు చెందిన మొత్తం 385 మంది గ్రాడ్యుయేట్లకు డిగ్రీలను ప్రధానం చేశారు.
ఈ సందర్భంగా విద్యార్థు లను ఉద్దే శిస్తూ ప్రసంగించిన ఉస్మానియా వీసీ ప్రొ.కుమార్ నాణ్యమైన విద్యతోనే సమర్థు లైన, బాధ్యతాయుతమైన గ్రాడ్యుయేట్లు వెలుగులోకి వస్తారని చెప్పారు. వినూత్న విద్యాబోధన ద్వారా మహిళల అభివృద్ధి కి విల్లా మేరీ డిగ్రీ కాలేజ్ చేసిన కృషిని ప్రత్యేకంగా అభినందించారు. మహిళలు విద్యాపరంగా మరియు వృత్తిపరంగా రాణించడానికి అర్థవంతమైన అభ్యాస అనుభవాలను అందించడంలో మరియు అవకాశాలను కల్పించడంలో ఈ సంస్థ తీసుకున్న చొరవలను ఆయన ప్రశంసించారు.డిగ్రీ పట్టా లు అందుకున్న విద్యార్థి నులకు కళాశాల డైరెక్ట ర్ డాక్ట ర్ ఫిలోమినా, ప్రిన్సిపాల్ రేవతి దేవీ మాథుర్ శుభాకాంక్షలు తెలిపారు.
నాణ్యమైన విద్య, వినూత్న బోధనా పద్ధతులు మరియు సంపూర్ణ అభివృద్ధి ద్వారా యువతులను పోషించే ఒక విశిష్ట విద్యా కేంద్రంగా విల్లా మేరీని ఆకాంక్షించారు. ప్రిన్సిపాల్ శ్రీమతి రేవతి దేవి మాథుర్ సంస్థ యొక్క విద్యా పురోగతి, విజయాలు, కార్యక్రమాలు మరియు మైలురాళ్లను వివరిస్తూ నివేదికను సమర్పించారు. పట్టభద్రులైన వారిలో ఆర్ట్స్ విభాగం నుండి 61 మంది, బిజినెస్ అడ్మినిస్ట్రేషన్ నుండి 137 మంది, కామర్స్ నుండి 161 మంది మరియు సైన్స్ విభాగం నుండి 15 మంది విద్యార్థులు ఉన్నారు. వీరిలో 338 మంది విద్యార్థులు స్నాతకోత్సవ వేదికపై స్వయంగా తమ పట్టాలను స్వీకరించారు. ఈ సందర్భంగా నిర్వహించిన పలు సాంస్కృతిక కార్యక్రమాలు అందరినీ అలరించాయి.
