సమస్యలకు వెంటనే పరిష్కారం

ఇల్లందు టౌన్, సెప్టెంబర్ 30(విజయక్రాంతి): ఇల్లందు పట్టణంలోని మంచినీటి సరఫరా, పారిశుద్ధ్యం, కోతులు, వీధి కుక్కలు, సెంట్రల్ లైటింగ్, వీధిలైట్ల సమస్యలను తక్షణమే పరిష్కరించాలని 13వ వార్డు కౌన్సిలర్ దండు సారయ్య మున్సిపల్ కమిషనర్, చైర్‌పర్సన్‌ను కోరారు.పట్టణంలోని పలు ప్రాంతాల్లో మంచినీటి సరఫరాలో అంతరాయాలు, పైపులైన్ లీకేజీలు (Pipeline Leakage), చెత్తాచెదారం, మురుగు కాలువల సమస్యలు ఉన్నాయని తెలిపారు. వీటి కారణంగా ప్రజలు ఇబ్బందులు ఎదుర్కొంటున్నారని పేర్కొన్నారు.

కోతులు ఇళ్లలోకి ప్రవేశిస్తుండటంతో పాటు వీధి కుక్కల బెడద (Stray Dog Menace) కూడా పెరుగుతోందని తెలిపారు. చిన్నారులు, మహిళలు, వృద్ధుల భద్రతను దృష్టిలో ఉంచుకుని సంబంధిత శాఖలతో సమన్వయం చేసి తగిన చర్యలు తీసుకోవాలని కోరారు.ప్రధాన రహదారిపై సెంట్రల్ లైటింగ్‌లో కొన్ని లైట్లు పనిచేయక రాత్రివేళల్లో ప్రజలు ఇబ్బందులు పడుతున్నారని తెలిపారు. పట్టణంలోని పలు వార్డుల్లో వీధిలైట్లు కూడా పనిచేయడం లేదన్నారు.మున్సిపల్ అధికారులు క్షేత్రస్థాయిలో సమస్యలను (Field Inspection) పరిశీలించి, ప్రజలకు ఇబ్బందులు లేకుండా తక్షణమే పరిష్కార చర్యలు చేపట్టాలని దండు సారయ్య కోరారు.