గణపతి ఉత్సవాల్లో తీవ్ర విషాదం

కరెంట్ షాక్ తో ఇద్దరు మృతి, నలుగురికి గాయాలు

లాల్‌బాగ్: ముంబైలోని(Mumbai) లాల్‌బాగ్ ప్రాంతంలో ఉన్న ఒక గణపతి పండల్(Ganapati pandal) సమీపంలో ఆదివారం జరిగిన విద్యుదాఘాత ఘటనలో ఎనిమిదేళ్ల బాలికతో సహా ఇద్దరు మరణించగా, మరికొందరు గాయపడ్డారని అధికారులు తెలిపారు. గణపతి ఉత్సవాల సందర్భంగా లాల్‌బాగ్ ప్రాంతం(Lalbagh area) భారీ జనసందోహంతో కిక్కిరిసిపోయి ఉన్న సమయంలో, కాలచౌకిలోని దత్తారామ్ లాడ్ మార్గ్‌లో ఉన్న 'కాలచౌకి విభాగ్ సార్వజనిక్ ఉత్సవ్ మండల్' సమీపంలో తెల్లవారుజామున సుమారు 2:20 గంటలకు ఈ ఘటన జరిగిందని వారు తెలిపారు. ఈ ఘటన గురించి అర్ధరాత్రి 2:42 గంటలకు ముంబై అగ్నిమాపక దళానికి (Mumbai Fire Brigade) సమాచారం అందిందని, ఆ వెంటనే అగ్నిమాపక సిబ్బంది, పోలీసులు, బెస్ట్ (BEST) మరియు మున్సిపల్ వార్డు కార్యాలయ సిబ్బందిని ఘటనా స్థలానికి తరలించినట్లు మున్సిపల్ అధికారులు తెలిపారు.