జలయ్య మేస్త్రి కుటుంబానికి పరామర్శ

జుక్కల్, నవంబర్ 1 (విజయక్రాంతి): జుక్కల్ మండలంలోని బస్వాపూర్ గ్రామానికి చెందిన జలయ్య మేస్త్రి కుటుంబాన్ని పలువురు నాయకులు ఆదివారం పరామర్శించి, కుటుంబ సభ్యులకు ప్రగాఢ సానుభూతి తెలిపారు. (Family Support) టీఆర్పీ జుక్కల్ నియోజకవర్గ అధ్యక్షుడు ఖండేరావ్ ఆధ్వర్యంలో నాయకులు గ్రామానికి చేరుకుని బాధిత కుటుంబాన్ని ఓదార్చారు.

గత నెల 30వ తేదీ సాయంత్రం మహ్మదాబాద్ సమీపంలో జరిగిన రోడ్డు ప్రమాదంలో జలయ్య మేస్త్రి మృతి చెందారు. ఇసుక లోడుతో వెళ్తున్న ట్రాక్టర్ ఢీకొనడంతో ఈ ప్రమాదం జరిగినట్లు తెలిసింది. (Road Accident) కుటుంబానికి పెద్ద దిక్కుగా ఉన్న జలయ్య మృతి చెందడంతో కుటుంబ సభ్యులు తీవ్ర విషాదంలో మునిగిపోయారు.

సూర్యాపేటలో ప్రభుత్వ వైద్యుడిగా విధులు నిర్వహిస్తున్న డాక్టర్ ఆనందరావు తన వంతు సహాయంగా బాధిత కుటుంబానికి రూ.10 వేల ఆర్థిక సాయం అందజేశారు. (Financial Assistance) జలయ్య మృతి ఆ కుటుంబానికి తీరని లోటని, ప్రభుత్వం బాధిత కుటుంబానికి అండగా నిలవాల్సిన అవసరం ఉందని అన్నారు.

స్థానిక ఎమ్మెల్యే తోట లక్ష్మీకాంతారావు స్పందించి కుటుంబానికి ఆర్థిక సాయం అందించాలని కోరారు. ప్రభుత్వం తరఫున తగిన పరిహారం ప్రకటించి బాధిత కుటుంబాన్ని అన్ని విధాలా ఆదుకోవాలని విజ్ఞప్తి చేశారు. ప్రమాద ఘటనపై సంబంధిత అధికారులు విచారణ జరిపి కుటుంబానికి న్యాయం జరిగేలా చర్యలు తీసుకోవాలని కోరారు. (Government Compensation).ఈ కార్యక్రమంలో జాదవ్ ఈశ్వర్, రాజు ముదిరాజ్, మిలింద్, ఈరన్న, డాక్టర్‌తో పాటు పెద్ద ఏడ్గి మాజీ సర్పంచ్ అస్పత్వార్ వినోద్, సర్పంచ్ అస్పత్వార్ అనిల్, గజానంద్ తదితరులు పాల్గొన్నారు.