డాక్టర్ బాలుకు జాతీయ పురస్కారం!

కామారెడ్డి, నవంబర్ 1 (విజయక్రాంతి): రక్తదాన రంగంలో 19 ఏళ్లుగా విశేష సేవలందిస్తున్న కామారెడ్డికి చెందిన డాక్టర్ బాలుకు జాతీయ స్థాయిలో అరుదైన గుర్తింపు లభించింది. ఇంటర్నేషనల్ వైశ్య ఫెడరేషన్ ఆధ్వర్యంలో న్యూఢిల్లీలో నిర్వహించిన జాతీయ సమావేశంలో ఆయనకు రాందాస్ అగర్వాల్ జన్ సేవా సమ్మాన్‌-2026 (National Award) పురస్కారాన్ని అందజేసి ఘనంగా సన్మానించారు.

ఉత్తరప్రదేశ్ వృత్తి విద్య, నైపుణ్య అభివృద్ధి శాఖ మంత్రి కపిల్ దేవ్ అగర్వాల్, ఢిల్లీ బీజేపీ ఎమ్మెల్యే తిలక్ రామ్ గుప్తా, ఐవీఎఫ్ జాతీయ అధ్యక్షుడు అశోక్ అగర్వాల్, జాతీయ సీనియర్ వర్కింగ్ ప్రెసిడెంట్ ఉప్పల శ్రీనివాస్ గుప్తా, బీజేపీ సీనియర్ నాయకుడు శ్యామ్ జాజు చేతుల మీదుగా డాక్టర్ బాలు ఈ పురస్కారాన్ని అందుకున్నారు (Award Ceremony).

ఈ సందర్భంగా డాక్టర్ బాలు మాట్లాడుతూ.. 2007 నుంచి రక్తదాన కార్యక్రమాల ద్వారా ఇప్పటివరకు 30 వేల యూనిట్లకు పైగా రక్తాన్ని సేకరించినట్లు తెలిపారు. తలసేమియా వ్యాధితో బాధపడుతున్న చిన్నారుల కోసం తక్కువ సమయంలోనే 7 వేల యూనిట్ల రక్తాన్ని సేకరించడంతో ఈ పురస్కారం లభించిందన్నారు (Blood Donation).

ఈ ప్రతిష్టాత్మక పురస్కారానికి తనను ఎంపిక చేయడంలో సహకరించిన గంజి రాజమౌళి గుప్తా, ఉప్పల శ్రీనివాస్ గుప్తాతో పాటు తనకు అండగా నిలిచిన ప్రతి ఒక్కరికీ కృతజ్ఞతలు తెలిపారు. ఐవీఎఫ్ సేవాదళ్ రాష్ట్ర చైర్మన్‌గా, రెడ్‌క్రాస్ జిల్లా సమన్వయ సభ్యుడిగా డాక్టర్ బాలు సేవలందిస్తున్నారు (Social Service).

ఈ కార్యక్రమంలో మాజీ పార్లమెంట్ సభ్యుడు అనిల్ అగర్వాల్, ఐవీఎఫ్ జాతీయ కోశాధికారి దినేశ్ చాంద్ గుప్తా, ఐవీఎఫ్ కేంద్ర కమిటీ సభ్యులు కక్కిరాల రమేశ్, నీల భైరయ్య పాల్గొన్నారు.