భూకబ్జాదారులపై ఉక్కుపాదం మోపాలి!
కొత్తపల్లి, అక్టోబర్ 23(విజయక్రాంతి): కరీంనగర్ నగరంతో(Karimnagar City) పాటు జిల్లా వ్యాప్తంగా ప్రభుత్వ భూములు(Government lands) మరియు ప్రైవేట్ వ్యక్తుల భూములను కబ్జాలు చేస్తున్న వారిపై అటు అధికార యంత్రాంగం(Administrative machinery) ఇటు పోలీసులు ఉక్కుపాదం మోపాలని సిపిఐ జిల్లా కార్యదర్శి పంజాల శ్రీనివాస్(CPI District Secretary Panjala Srinivas),నగర కార్యదర్శి కసిరెడ్డి సురేందర్ రెడ్డి లు ఒక ప్రకటనలో ప్రభుత్వాన్ని కోరారు.
గత కొంత కాలంగా కరీంనగర్ నగరంతో పాటు చుట్టుప్రక్కల విలీన గ్రామాల్లో నివాస యోగ్యానికి ఉపయోగపడే ప్రభుత్వ భూములను కొంత మంది రాజకీయ నాయకులు,ప్రజా ప్రతినిధులు,మాజీ ప్రజా ప్రతినిధులు కబ్జాలు చేస్తూ ప్రభుత్వ ఆదాయానికి గండి కొడుతున్నారని, ప్రైవేటు వ్యక్తులకు సంబంధించిన పట్టా భూములను కబ్జాలు(Land grabbing) చేస్తూ పట్టాదారులను,కొనుగోలు దారులను భయబ్రాంతులకు గురిచేయడం,డబ్బులు వసూలు చేయడం లాంటివి జరుగుతున్నాయని,కబ్జా దారుల వెనుక ప్రజా ప్రతినిధుల హస్తం కూడా ఉండడంతో విచ్చల విడిగా భూ కబ్జా దారులు చెలరేగిపోతున్నారని అలాంటి వారిని గుర్తించి అధికారులు,పోలీసులు చట్టపరమైన కఠిన చర్యలు తీసుకోవాలని కోరారు.
కనీసం ఉండడానికి ఇండ్లు లేని ఎన్నో లక్షల కుటుంబాలు ఉన్నాయని వారికి ఇండ్ల స్థలాలతో ఇవ్వడానికి ప్రభుత్వ భూములు ఉండవు కానీ ప్రభుత్వ భూములు కబ్జా కోరుల చేతుల్లోకి ఎలా వెళుతున్నాయో అర్థం కావడం లేదని,ఇందులో అధికారుల పాత్ర కూడా ఉంటుందనే అనుమానాలు కలుగుతున్నాయని, ఇప్పటికైనా ప్రభుత్వ భూముల కబ్జాలు చేసే వారిపై కఠిన చర్యలు తీసుకోవాలని లేని పక్షంలో ప్రభుత్వంపై ప్రజల నుండి పెద్ద ఎత్తున తిరుబాటు తప్పదని ఈ సందర్భంగా శ్రీనివాస్,సురేందర్ రెడ్డి పేర్కొన్నారు.
