కొడంగల్‌కు సీఎం రేవంత్
దసరా వేళ కొడంగల్‌కు ముఖ్యమంత్రి.. ఇదీ రేవంత్ రూట్ మ్యాప్!
హైదరాబాద్: తెలంగాణ ముఖ్యమంత్రి రేవంత్ రెడ్డి(Telangana Chief Minister Revanth Reddy) నేడు కొడంగల్‌లో పర్యటించనున్నారు. దసరా పండుగ సందర్భంగా తన సొంత నియోజకవర్గమైన కొడంగల్ ప్రజలు, కాంగ్రెస్ పార్టీ నాయకులకు ఆయన శుభాకాంక్షలు తెలియజేయనున్నారు. ఈ పర్యటనలో భాగంగా సీఎం ఉదయం నుంచి సాయంత్రం వరకు పలు కార్యక్రమాల్లో పాల్గొననున్నారు. మైసూర్ నుంచి హైదరాబాద్‌కు చేరుకున్న అనంతరం పండగ సాయన్న ముదిరాజ్ జయంతి కార్యక్రమానికి హాజరై, ఆ తర్వాత కొడంగల్‌కు వెళ్లనున్నారు.
ఇవి కూడా చదవండి: కర్రల సమరంలో రక్తపాతం
ఉదయం హైదరాబాద్‌కు సీఎం రాక
ముఖ్యమంత్రి రేవంత్ రెడ్డి ఉదయం 10 గంటలకు మైసూర్ నుంచి హైదరాబాద్‌కు చేరుకోనున్నారు. అనంతరం రవీంద్రభారతిలో నిర్వహించే పండగ సాయన్న ముదిరాజ్ జయంతి(Panduga sayanna jayanti) కార్యక్రమంలో పాల్గొంటారు. ఈ కార్యక్రమం ముగిసిన తర్వాత మధ్యాహ్నం 12.30 గంటలకు కొడంగల్‌కు చేరుకుంటారు. అక్కడ స్థానిక ప్రజలు, నాయకులకు విజయదశమి శుభాకాంక్షలు తెలియజేయనున్నారు. కొడంగల్ పర్యటనలో భాగంగా ప్రజలు, స్థానిక నాయకులతో సీఎం రేవంత్ రెడ్డి కలిసే అవకాశం ఉంది. దసరా పండుగ నేపథ్యంలో ఈ పర్యటనకు ప్రాధాన్యం ఏర్పడింది. సాయంత్రం 4 గంటలకు కొడంగల్ నుంచి తిరిగి హైదరాబాద్‌కు బయలుదేరనున్నారు. ముఖ్యమంత్రి పర్యటన నేపథ్యంలో సంబంధిత కార్యక్రమాల ఏర్పాట్లపై ఆసక్తి నెలకొంది.
CM Revanth Reddy Tour Schedule: ఉదయం 10 గంటలకు హైదరాబాద్ చేరిక, అనంతరం రవీంద్రభారతిలో పండగ సాయన్న జయంతి కార్యక్రమం, మధ్యాహ్నం 12.30 గంటలకు కొడంగల్ చేరిక, సాయంత్రం 4 గంటలకు హైదరాబాద్‌కు తిరుగు ప్రయాణం.
