నీటి వృథాపై చెన్నూర్‌లో అవగాహన ర్యాలీ
చెన్నూర్ (విజయ క్రాంతి): మంచిర్యాల జిల్లా చెన్నూర్ పట్టణంలో సోమవారం అటవీశాఖ ఆధ్వర్యంలో బ్రిక్స్ (BRICS) అవగాహన ర్యాలీ నిర్వహించారు (Awareness Rally). ఈ సందర్భంగా చెన్నూర్ రేంజ్ అధికారి బి. చంద్రమౌళి మాట్లాడుతూ.. ‘నీటిని పొదుపు చేద్దాం – భవిష్యత్తును కాపాడుకుందాం’ అనే సందేశాన్ని ప్రజల్లోకి తీసుకెళ్లడమే ర్యాలీ ముఖ్య ఉద్దేశమని తెలిపారు.
నీటి ప్రాముఖ్యత, నీటి వనరుల సంరక్షణ, వర్షపు నీటి నిల్వ, ప్రతి నీటి బొట్టును పొదుపుగా వినియోగించుకోవాల్సిన అవసరంపై ప్రజలకు అవగాహన కల్పించినట్లు చెప్పారు (Water Conservation). భవిష్యత్ తరాలకు నీటి కొరత రాకుండా ఉండాలంటే ప్రతి ఒక్కరూ నీటి సంరక్షణలో భాగస్వాములు కావాలని పిలుపునిచ్చారు (Rainwater Harvesting).
‘నీటిని కాపాడండి – ప్రాణాలను రక్షించండి’, ‘నీటి బొట్టు – జీవనానికి మెట్టు’, ‘నీరు ఉంటేనే భవిష్యత్తు ఉంటుంది’, ‘నీటిని పొదుపు చేద్దాం – ప్రకృతిని పరిరక్షిద్దాం’ అనే నినాదాలతో ర్యాలీ కొనసాగింది (Save Water).
ఈ కార్యక్రమంలో చెన్నూర్ ఫారెస్ట్ డిప్యూటీ రేంజ్ అధికారులు పి. ప్రభాకర్, జి. రమాదేవి, ఎ. విజయలక్ష్మి, సెక్షన్ అధికారులు ఎన్. రాజేష్, బదర్, అంజయ్య, బీట్ అధికారులు, వాచర్లు పాల్గొన్నారు.
