కరువు మండలాల్లో ఉపాధి పనులు

- కలెక్టర్‌ హేమంత్. 

నాగర్‌ కర్నూల్‌  (విజయక్రాంతి): ఎల్ నినో ప్రభావం(El Niño effect) కారణంగా జిల్లాలో ఏర్పడిన కరువు ప్రభావిత మండలాల్లో విబి-జీ రామ్‌ జీ పథకం(VB G Ram Ji Scheme) కింద కూలీలకు విస్తృతంగా ఉపాధి పనులు కల్పించాలని కలెక్టర్‌ హేమంత్‌ కేశవ్‌ పాటిల్‌(Collector Hemant Keshav Patil) అధికారులను ఆదేశించారు. నవంబర్‌ నుంచి మార్చి వరకు గరిష్ఠ పనిదినాలు కల్పించేలా ప్రణాళిక రూపొందించాలని శనివారం నిర్వహించిన సమీక్షలో సూచించారు.

ప్రతి గ్రామ పంచాయతీలో కనీసం రెండు పనులు అందుబాటులో ఉంచాలని, వ్యవసాయ కుంటలు, చెరువుల పూడికతీత, భూమి అభివృద్ధి, నీటి సంరక్షణ పనులకు ప్రాధాన్యత ఇవ్వాలన్నారు. చెంచు, గిరిజన కుటుంబాలు, దివ్యాంగులకు ప్రత్యేకంగా ఉపాధి కల్పించాలని, కూలీలకు సకాలంలో పనులు, వేతనాలు అందేలా చర్యలు తీసుకోవాలని స్పష్టం చేశారు. బాచారం ఏటీఆర్‌ పునరావాస పనుల జాప్యంపై నివేదిక సమర్పించాలని సంబంధిత అధికారులను ఆదేశించారు.