హ్యాట్రిక్ ఆశలకు బ్రేక్
నాగోయా, అక్టోబర్ 1: ఆసియా క్రీడల్లో(Asian Games 2026) వరుసగా రెండు స్వర్ణ పతకాలతో దూసుకెళ్లిన భారత ఆర్చర్ చికిత తనిపర్తికి( Chikitha Taniparthi) మహిళల Individual Compound Archeryలో అనూహ్య ఎదురుదెబ్బ తగిలింది. మూడో స్వర్ణంతో హ్యాట్రిక్ సాధించాలన్న ఆశలకు క్వార్టర్‌ఫైనల్లోనే బ్రేక్ పడింది. ఇండోనేషియాకు చెందిన నురిసా డియాన్ అష్రిఫాతో జరిగిన ఉత్కంఠభరిత పోరులో చికిత 143-144తో ఒక్క పాయింట్ తేడాతో ఓటమి పాలైంది. ఇప్పటికే చికిత ఈ ఆసియా క్రీడల్లో అద్భుత ప్రదర్శన కనబరిచింది. Women’s Compound Team Eventలో జ్యోతి సురేఖ వెన్నం, పృథిక ప్రదీప్‌లతో కలిసి గోల్డ్ సాధించింది. ఆ తర్వాత Mixed Team Compoundలో సాహిల్ జాదవ్‌తో కలిసి మరో స్వర్ణం తన ఖాతాలో వేసుకుంది. మహిళల టీమ్ విజయంలో భారత బృందం ప్రపంచ రికార్డును సమం చేయడం కూడా విశేషం.
అయితే వ్యక్తిగత విభాగంలో మాత్రం చికితకు అదృష్టం కలిసిరాలేదు. క్వార్టర్‌ఫైనల్ మ్యాచ్‌లో తొలి రెండు గేమ్‌లలో 29-30, 29-30తో వెనుకబడిన ఆమె.. మూడో గేమ్‌ను 29-29తో సమం చేసింది. నాలుగో గేమ్‌లో 29-26తో ఆధిక్యం సాధించినా, చివరి గేమ్‌లో 27-27తో ముగియడంతో మొత్తంగా 143-144 స్కోరుతో మ్యాచ్‌ను కోల్పోయింది. దీంతో వ్యక్తిగత విభాగంలో చికిత పతకం లేకుండానే నిష్క్రమించింది. అయితే ఒకే ఆసియా క్రీడల్లో ఇప్పటికే రెండు గోల్డ్ మెడల్స్ సాధించడం ద్వారా ఆమె తన ప్రచారాన్ని ఘనంగా కొనసాగించింది. అంతకుముందు మహిళల Individual Compound qualificationలో చికిత 705 పాయింట్లతో అగ్రస్థానంలో నిలిచింది.
