-ఓ షాపులో అర్ధరాత్రి సమయంలో షార్ట్ సర్క్యూట్?

- పక్కనే ఉన్న 25 షాపులు అగ్నికి ఆహుతి 

-రూ.2 కోట్లకు పైగా ఆస్తి నష్టం

-ఫైరింజన్లు రావడంలో ఆలస్యం.. పెరిగిన ప్రమాద తీవ్రత 

-రోడ్డున పడ్డ కుటుంబాలు

-బాధితులకు అండగా ప్రభుత్వం: మంత్రి పొన్నం 

కరీంనగర్, నవంబర్ 30 (విజయక్రాంతి): ప్రముఖ పుణ్యక్షేత్రమైన కొండగ ట్టులో భారీ అగ్నిప్రమాదం సంభవించింది. కొండగట్టు గుట్టకింది ప్రాంతంలో అభయాంజనేయ విగ్రహం వద్ద ఉన్న సుమారు 25 షాపులు అగ్నికి ఆహుతయ్యాయి. శనివారం అర్ధరాత్రి సమయంలో షాప్ లో షార్ట్ సర్క్యూట్ వల్ల నిప్పు రవ్వలు ఎగిసిపడ్డాయి. దీంతో ఒక్కసారిగా మంటలు ఎగిసి పడ్డాయి. మంటలు పక్కన ఉన్న అన్ని షాపులకు వ్యాపించాయి.

అన్ని దుకాణాలు కూ డా పిల్లల బొమ్మలు ప్లాస్టిక్ వస్తువులు, పూ జ సామాగ్రి అమ్మే దుకాణాలు కావడంతో నిమిషాల వ్యవధిలో మంటలు భారీగా ఎగిసిపడ్డాయి. అందులో నివాసం ఉంటున్న వారు కట్టు బట్టలతో ప్రాణాలు దక్కితే చా లు అని బయటకు పరిగెత్తి వచ్చారు. అగ్నిప్రమాదం జరగగానే స్థానికులు ఫైరింజన్‌కు సమాచారం అందించారు. కాగా ఫైరింజన్ మధ్యలోనే ఆగిపోయినట్లు స్థానికులు తెలిపారు. కరీంనగర్ నుంచి మరో ఫైరింజన్ రావడం ఆలస్యం కావడంతో ప్రమాద తీవ్ర త పెరిగింది.

అగ్ని ప్రమాదంలో సర్వం కో ల్పోయిన వారందరూ చిరువ్యాపారులే. త్వరలో జరిగే సమ్మక్క సారక్క జాతర కోసం దుకాణదారులు లక్షల అప్పులు చేసి భారీగా పిల్లల అటవస్తులు, ప్లాస్టిక్ సామాను స్టాక్ పెట్టుకున్నారు. అన్ని కాలిపోయాయి. దాచుకున్న డబ్బు, బంగారం, టీవీలు, ఫ్రిడ్జ్ లు వంట సామాగ్రి పూర్తిగా కాలిపోయాయి. సు మారు రెండు కోట్లకు పైగా నష్టం జరిగినట్లు బాధితులు తెలిపారు. మొత్తంగా రూ.2 కోట్ల కు పైగా నష్టం వాటిల్లినట్టు తెలుస్తున్నది. 

రూ.ఐదు లక్షల రుణ సాయం: మంత్రి అడ్లూరి 

అగ్ని ప్రమాదంలో షాపులు కోల్పోయిన వారికి తక్షణమే మహిళా సంఘాల ద్వారా ప్రతి ఒక్క కుటుంబానికి రూ.5 లక్షల వడ్డీ లేని రుణాన్ని ఇస్తామని మంత్రి అడ్లూరి లక్ష్మణ్ కుమార్ తెలిపారు. మాజీ మంత్రి జీవన్‌రెడ్డి సూచనల మేరకు రుణాలు అందజేస్తున్నట్లు తెలిపారు. షాపులు దగ్ధమైన వా రికి ఉచితంగా కరెంటు సప్లు ఇస్తామన్నారు.

తక్షణ సాయంగా రూ.20 వేలు: ఎమ్మెల్యే సత్యం

అగ్ని ప్రమాదం బాధాకరమని చొప్పదండి ఎమ్మెల్యే మేడిపల్లి సత్యం అన్నారు. అగ్ని ప్రమాదంలో సర్వం కోల్పోయిన బాధితులకు తక్షణ సహాయం కింద ప్రభుత్వం తరఫున రూ.20 వేల ఆర్థిక సాయం అందజేస్తున్నట్లు తెలిపారు. ప్రమాదానికి బాధ్యు లైన వారిని, విధుల్లో నిర్లక్ష్యంగా ఉన్న వారిని కఠినంగా శిక్షిస్తామని అన్నారు. మరోసారి ఇలాంటి సంఘటనలు జరగకుండా చర్యలు తీసుకుంటామని తెలిపారు.

రూ.30 లక్షల ఆర్థిక సాయం చేయాలి: కేటీఆర్

కొండగట్టు అగ్నిప్రమాదంపై బీఆర్‌ఎస్ వర్కింగ్ ప్రెసిడెంట్ కేటీఆర్ ఆవేదన వ్యక్తం చేశారు. ప్రమాద ఘటనపై చొప్పదండి మా జీ ఎమ్మెల్యే సుంకె రవిశంకర్‌కు ఫోన్ చేసి మాట్లాడారు. క్షేత్రస్థాయిలో జరిగిన నష్టం వివరాలను అడిగి తెలుసుకున్నారు. ఉపాధి కోసం అప్పులు చేసి, ఎంతో కష్టపడి దుకాణాలు పెట్టుకున్న పేద, మధ్యతరగతి కుటుం బాలు ఈ ప్రమాదంతో ఒక్కసారిగా రోడ్డున పడ్డాయని, మేడారం జాతర కోసం తెచ్చిన సరుకు, బొమ్మలు, ఇతర సామాగ్రి సర్వం అగ్నికి ఆహుతయ్యాయని, దాదాపు 30 కుటుంబాల భవిష్యత్తు నాశనం అయిందని విచారం వ్యక్తం చేశారు.

సుమారు కోటి రూ పాయల వరకు ఆస్తి నష్టం జరగడం దురదృష్టకరమని పేర్కొన్నారు. సకాలంలో ఫైర్ ఇంజన్లు రాకపోవడమే ఆస్తి నష్టం ఇంత భారీగా పెరగడానికి ప్రధాన కారణమని కేటీఆర్ మండిపడ్డారు. జగిత్యాల ఫైర్ ఇంజన్ రిపేర్‌లో ఉండటం, వచ్చిన ఒక ఇంజన్ పని చేయకపోవడం, గంట తర్వాత కోరుట్ల, కరీంనగర్ నుంచి వాహనాలు రావడం ప్రభుత్వ యంత్రాంగం వైఫల్యానికి, నిర్లక్ష్యానికి నిదర్శనమని విమర్శించారు. ఈ వైఫల్యానికి రాష్ట్ర ప్రభుత్వమే బాధ్యత వహించాలని డిమాండ్ చేశారు.

సర్వం కోల్పోయిన ఈ కుటుంబాలను రాష్ట్ర ప్రభుత్వం వెంటనే ఆదుకోవా లని కేటీఆర్ విజ్ఞప్తి చేశారు. జరిగిన ఆస్తి నష్టం, పూర్తిగా దెబ్బతిన్న వ్యాపారాన్ని, దు కాణాలు ఏమాత్రం పనికిరాని స్థితికి చేరడాన్ని దృష్టిలో ఉంచుకొని, మానవతా దృ క్పథంతో ఒక్కో కుటుంబానికి రూ.30 లక్షల సాయం అందించాలని డిమాండ్ చేశారు. ప్రమాదం విషయం తెలియగానే అక్కడికి చేరుకుని, సహాయక చర్యల్లో పాల్గొని, బాధితులకు తక్షణ సాయంగా రూ.5 వేల చొప్పున అందజేసిన మాజీ ఎమ్మెల్యే సుంకె రవిశంకర్ను కేటీఆర్ అభినందించారు. 

మంత్రి పొన్నం విచారం 

అగ్నిప్రమాదంపై మంత్రి పొన్నం ప్రభాకర్ తీవ్ర విచారం వ్యక్తం చేశారు. ఘటనపై జగిత్యాల జిల్లా కలెక్టర్ సత్య ప్రసాద్‌తో ఫోన్‌లో మాట్లాడి వివరాలు అడిగి తెలుసుకున్నారు. ప్రమాదం జరిగిన ప్రాంతంలో పర్యటించాలని ఆదేశిం చారు. బాధితులకు ప్రభుత్వం అండగా ఉంటుందని మంత్రి పొన్నం ప్రభాకర్ హామీ ఇచ్చారు.