1. నైరుతి బంగాళాఖాతంలో తుఫాన్
2. గంటకు 12 కి.మీ. వేగంతో కదులుతున్న దిత్వా

హైదరాబాద్, నవంబర్ 30 (విజయక్రాంతి): దిత్వా తుఫాను ఏపీ వైపుకు దూసు కొస్తోంది. గంటకు 12 కి.మీ. వేగంతో ఉత్తర దిశగా కదులుతోంది. దిత్వా తుఫాన్ నైరుతి బంగాళాఖాతంలో కొనసాగుతోందని ఆంధ్రప్రదేశ్ రాష్ర్ట విపత్తుల నిర్వహణ సంస్థ ఎండీ ప్రఖర్‌జైన్ తెలిపారు. తుఫాను ప్రభావంతో ఉత్తర కోస్తా జిల్లాల్లో చెదురుము దురుగా వర్షాలు పడే అవకాశం ఉంది. దక్షిణ కోస్తా, రాయలసీమ, గుంటూరు, ప్రకాశం, నెల్లూరు, చిత్తూరు, కర్నూల్, కడపకు ఫ్లడ్ అలర్ట్ ప్రకటించారు.

ఉమ్మడి ప్రకాశం, నెల్లూరు జిల్లాలకు రెడ్ అలర్ట్ జారీ చేశారు. బాపట్ల, కడప, అన్నమయ్య, తిరుపతి జిల్లాలకు ఆరెంజ్ అలర్ట్ ప్రకటించారు. కోనసీమ, కృష్ణా, గుంటూరు, పల్నాడు, నం ద్యాల, అనంతపురం, సత్యసాయి, చిత్తూరు జిల్లాలకు ఎల్లో అలర్ట్ జారీ చేశారు. దక్షిణ కోస్తా పోర్టులకు మూడో నెంబర్, ఉత్తర కోస్తా పోర్టులకు రెండో నెంబర్ ప్రమాద హెచ్చరికలు జారీ చేసినట్లు రాష్ర్ట విపత్తుల నిర్వహణ సంస్థ ఎండీ పేర్కొన్నారు. 

నేడు, రేపు తెలంగాణలో భారీ వర్షాలు

సోమవారం, మంగళవారం రాష్ట్రంలోని పలు జిల్లాల్లో భారీ వర్షాలు కురుస్తాయని తెలంగాణ వాతావరణ శాఖ తెలిపింది. ఒక మోస్త ంచి భారీ వర్షాలు కురుస్తాయని పేర్కొంది. సోమవారం ఖమ్మం, నల్గొండ, సూర్యాపేట, నాగర్ కర్నూల్ జిల్లాల్లో, మం గళవారం భద్రాద్రి కొత్తగూడెం, ఖమ్మం, నల్గొండ, సూర్యాపేట జిల్లాల్లో భారీ వర్షా లు కురువనున్నట్లు తెలిపింది. ఈ మేరకు ఆయా జిల్లాలకు ఎల్లో అలెర్ట్‌ను వాతావరణ శాఖ అధికారులు జారీ చేశారు.